Abraham Kuatiañe’ẽ Ra’angajoja
Papapy 2.
Jehaipyre Ñemyasakã
Ta’anga 1. Kólob, he’iséva apopy peteĩha, yvágare hi’ag̃uivéva, térã, Tupã oikohápe. Peteĩha ñeisãmbyhýpe, ipaha ára ñemedípe. Upe medída ha’éva yvagagua áraicha, he’iséva peteĩ ára peteĩ kódore. Peteĩ ára Kólob-pe ha’e mil áño, ko yvýpe oñemediháicha, Egipcio-kuéra ohenóiva Jah-oh-eh.
Ta’anga 2. Opyta Kólob ypýpe, egipcio-kuéra ohenóiva Olíblish, ha ha’e uperiregua apopy tuicháva ñeisãmbyhy, yvága ypypegua, térã, tenda Tupã oikoha; oguereko avei pokatu llavekuéra ambue planétagua; upéicha oikuaaukava’ekue Tupã Abraham-pe, ha’e oikuave’ẽvo temikuave’ẽ peteĩ altar ári, omopu’ãva’ekue Ñandejárape g̃uarã.
Ta’anga 3. Ojejapo omoha’anga hag̃ua Tupãme, oguapývo ijapykajegua ári, oñembyaóvo pokatu ha autoridáre; koróna tesape ijapyra’ỹva reheve iñakã ári; omoha’anga avei umi tuicha ñe’ẽ kláve Santo Sacerdocio rehegua, ojeikuaaukava’ekue Adán-pe Jardín de Edén-pe, upéicha avei Set, Noé, Melquisedec, Abraham ha opa umi ojeikuaaukávape upe sacerdocio.
Ta’anga 4. Ha’e Hebreo ñe’ẽ Raukeeyang, he’iséva yvága, térã, yvága arapy; avei peteĩ símbolo numérico egipcio he’iséva mil; ha’éva Olíblish ára ñemediha, peteĩchava Kólob ndive ijerépe ha hi’ára jeipapápe.
Ta’anga 5. Héra Enish-go-on-dosh egipcio-pe; kóva ha’e avei peteĩ umi planéta sãmbyhyhára, ha egipcio-kuéra he’i ha’eha kuarahy, ha ohupytyha hesape Kólob-gui, Kae-e-vanrash rupive, ha’éva upe Lláve guasu, térã ambue ñe’ẽme, pu’aka sãmbyhyhára, oisãmbyhýva ambue kínse planéta térã mbyjakuéra omyi’ỹvape, upéicha Floeese-pe, térã Jasy, Yvy ha Kuarahy umi ijere káda añoguápe. Ko planéta ohupyty ipu’aka Kli-flos-is-es rupive, térã Hah-ko-kau-beam, mbyjakuéra, umi papapy 22 ha 23-pe oñemoha’angáva ohupytývo tesape Kólob jerekuéragui.
Ta’anga 6. Omoha’anga ko yvy irundy pehẽme.
Ta’anga 7. Omoha’anga Tupãme, oguapývo ijapykajegua ári, oikuaaukávo yvága rupive umi sacerdocio ñe’ẽ kláve guasu; upéicha avei, Espíritu Santo techaukaha Abraham-pe, pykasúicha.
Ta’anga 8. Oguereko jehaipy ikatu’ỹva ojeikuaauka múndope; ha katu ojehupytykuaa Tupã Sánto Témplope.
Ta’anga 9. Ndojeikuaaukaiva’erã ko árape.
Ta’anga 10. Avei.
Ta’anga 11. Avei. Múndo ikatúramo ojuhu ko’ã papapy, taupéicha. Amén
Ta’angakuéra 12, 13, 14, 15, 16, 17, 18, 19, 20 ha 21 oñeme’ẽta Ñandejára árape.
Oñeme’ẽ ko ñembohasa roguerekoha peve derécho rome’ẽ hag̃ua ko árape.