1 Ha che, Abraham aguerekókuri upe Urim ha Tumin, Ñandejára che Tupã omeʼẽvaʼekue chéve Ur, caldeo-kueraguápe;

2 Ha ahechákuri mbyjakuéra, ha tuichaiteha umíva, ha peteĩva hiʼag̃uiveha Tupã apykajeguáre; ha oĩkuri heta umi tuicháva hiʼag̃uíva chugui;

3 Ha Ñandejára heʼi chéve: Koʼãva haʼe umi oisãmbyhýva; ha upe tuichavéva réra haʼe Kólob, oĩ rupi che ypýpe, Che haʼégui Ñandejára nde Tupã: Kóvape amoĩkuri oisãmbyhy hag̃ua opa umi haʼéva upe nde reimeha orden-pegua.

4 Ha Ñandejára heʼi chéve, upe Urim ha Tumim rupive, Kólob haʼeha Ñandejára áraicha, hiʼára ha hiʼaraje ojereháicha; peteĩ ojerévo haʼeha peteĩ ára Ñandejárape g̃uarã, haʼe oipapaháicha, haʼéva mil áño, ára ojehechaukaháicha upe nde reimévape. Kóva haʼe Ñandejára ára jeipapa, Kólob oipapaháicha.

5 Ha Ñandejára heʼi chéve: Pe planéta haʼéva tesape michĩvéva, michĩve upe ára oisãmbyhýtavagui, héẽ, pyharegua tesape ijyvateve, térã tuichave upe nde reimehágui, jeipapápe, omýigui mbegueve orden-pe; kóva oho orden-pe, oĩgui yvy nde reimeha ári; upévare, ndahetái hiʼára jeipapa, idiá, imése ha hiʼáño jeipapápe.

6 Ha Ñandejára heʼi chéve: Koʼág̃a, Abraham, koʼã mokõi mbaʼe oiko, péina ápe, nde resa ohecha; oñemeʼẽ ndéve reikuaa umi ára jeipapa ha ára moĩmbyréva, héẽ, pe yvy nde reimeha ára moĩmbyréva, upéicha avei pe tesape tuichavéva ára moĩmbyréva, oñemoĩvaʼekue oisãmbyhy hag̃ua arakue, ha tesape michĩvéva ára moĩmbyréva, oñemoĩvaʼekue oisãmbyhy hag̃ua pyhare.

7 Koʼág̃a, pe tesape michĩvéva ára moĩmbyre ipukuve ijeipapápe, upe yvy nde reimeha ára jeipapágui.

8 Ha oĩháme koʼã mokõi oikóva, oĩta ambue oikóva hiʼarikuéra, upéva heʼise, oĩtaha ambue planéta hiʼára jeipapa ipukuetevétava;

9 Ha upéicha oĩta peteĩ pláneta ára jeipapa ambue ári, reñemoag̃ui peve Kólob rehe, haʼéva Ñandejára ára jeipapáicha; ko Kólob oñemoĩ Tupã apykajegua ypýpe, oisãmbyhy hag̃ua opa umi planéta haʼéva upe nde reimeha orden-peguaite.

10 Ha oñemeʼẽ ndéve reikuaa hag̃ua opa mbyja ára ñemoĩmbyre, oñemoĩvaʼekue omeʼẽ hag̃ua tesape, reñemoag̃ui peve Tupã apykajeguáre.

11 Ha upéicha, che Abraham, añeʼẽkuri Ñandejárandi, ojováre, peteĩ kuimbaʼe oñeʼẽháicha ambue ndive; ha oñeʼẽkuri chéve umi tembiapo ipo ojapovaʼekuére;

12 Ha haʼe heʼi chéve: Che raʼy, che raʼy (ha ojeipysókuri ipo), péina ápe, Che ahechaukáta ndéve opa koʼãva. Ha haʼe omoĩ ipo che resa ári, ha ahechákuri umi mbaʼe ipo ojapovaʼekue, hetaitereíva; ha oñemboheta hikuái che resa renondépe, ha ndaikatúi ahecha ipaha.

13 Ha haʼe heʼi chéve: Kóva haʼe Shinehah, haʼéva kuarahy. Ha haʼe heʼi chéve: Kókob, haʼéva mbyja. Ha haʼe heʼi chéve: Olea, haʼéva jasy. Ha haʼe heʼi chéve: Kókaubeam, heʼiséva mbyjakuéra, térã opa umi tesape guasu oĩva yvága arapýpe.

14 Ha pyharékuri Ñandejára heʼírõguare chéve koʼã ñeʼẽ: Che rombohetáta, ha ne ñemoñare nde rireguápe, koʼãvaicha; ha reipapa kuaáramo umi yvykuʼi, upéichata ne ñemoñarekuéra retakue.

15 Ha Ñandejára heʼi chéve: Abraham, Che ahechauka ndéve koʼã mbaʼe reike mboyve Egipto-pe, remombeʼu hag̃ua opa koʼã ñeʼẽ.

16 Oĩramo mokõi mbaʼe, ha peteĩva oĩ ambue ári, oĩta mbaʼe tuichavéva hiʼarikuéra; upévare, Kólob haʼe tuichavéva opa Kókaubeam rehechavaʼekuégui, hiʼag̃uivégui chehegui.

17 Koʼág̃a, oĩramo mokõi mbaʼe, peteĩva ambue ári, ha pe jasy oĩramo yvy ári, upéramo ikatu oĩ hiʼári peteĩ planéta térã peteĩ mbyja; ha ndaipóri mbaʼeve Ñandejára nde Tupã heʼíva ikorasõme ojapotaha ha ndojapói.

18 Upevére haʼe ojapókuri pe mbyja tuichavéva; upéicha avei, oĩramo mokõi espíritu, ha peteĩva iñakãporãve ambuévagui, upevére koʼã mokõi espíritu, peteĩva iñakãporãvérõ jepe ambuévagui, naiñepyrũmbýi; oĩkuri hikuái upe mboyve, ndopamoʼãi, oikóta hikuái upe rire, haʼégui hikuái gnolaum, térã ijapyraʼỹva.

19 Ha Ñandejára heʼi chéve: Koʼã mokõi mbaʼe oikove: Oĩ mokõi espíritu, ha peteĩ iñakãporãve ambuégui; oĩta ambue iñakãporãvéva chuguikuéra; Che haʼe Ñandejára nde Tupã, Che cheakãporãve opa chuguikuéra.

20 Ha Ñandejára nde Tupã omboúkuri hiʼánhel nemosãso hag̃ua sacerdote Elkénah pógui.

21 Che aiko opa imbytepekuéra; koʼág̃a, upévare, Che aguejýkuri amombeʼu hag̃ua ndéve umi tembiapo che po ojapovaʼekue, che aranduve opa chuguikuéra, Che arreinágui yvate yvágape ha iguýpe yvy ári, opa arandu ha akãguapýpe, opa akãporã nde resa ohechavaʼekue iñepyrũmby guive ári; Che aguejýkuri iñepyrũmbýpe opa umi akãporã nde rehechavaʼekue mbytépe.

22 Koʼág̃a, Ñandejára ohechaukákuri chéve, Abraham, umi akãporã oñemohendavaʼekue upe múndo oiko mboyve; ha opa koʼãva apytépe oĩkuri heta umi noble ha tuicháva;

23 Ha Tupã ohechákuri koʼã ánga hekojojaha, ha haʼe oĩkuri imbytepekuéra, ha haʼe heʼíkuri: Koʼãvape ajapóta che sãmbyhyhára; haʼe oĩguikuri umi haʼéva espíritu apytépe, ha haʼe ohechákuri hekojojaha hikuái; ha heʼi chéve: Abraham, nde haʼékuri peteĩva koʼãva apytépe; rejeporavókuri nereñói mboyve.

24 Ha oĩkuri ijapytepekuéra peteĩ Tupãme ojoguáva, ha heʼi umi oĩvape hendive: Jaguejýta, oĩgui tenda upépe, ha jajapyhýta koʼã material-gui, ha jajapóta peteĩ yvy koʼãva ikatuhápe oiko;

25 Ha kóvape jaipyʼaraʼãta chupekuéra, jahecha hag̃ua ojapótapa hikuái opa mbaʼe Ñandejára Itupã omandáva chupekuéra;

26 Ha umi oñongatúvape heko peteĩha oñemeʼẽvéta; ha umi noñongatúivape heko peteĩha, ndoguerekomoʼãi glória umi oñongatuvaʼekue heko peteĩha rréinope; ha umi oñongatúvape heko peteĩha, oñemoĩvéta glória iñakã arikuéra akói ha tapiaite g̃uarã.

27 Ha Ñandejára heʼi: Mávape amondóta? Ha ombohovái peteĩ Kuimbaʼe Raʼýpe ojoguáva: Kóina aime Che, chemondo chéve. Ha ambue ombohovái ha heʼi: Kóina aime che, chemondo chéve. Ha Ñandejára heʼi: Che amondóta upe peteĩháme.

28 Ha pe mokõiha ipochýkuri, ha noñonongatúi heko peteĩha; ha heta ohókuri hapykuéri upe ára.