సంస్కారము

సంఘ సభ్యులు విశ్రాంతిదినమున దేవుడిని ఆరాధించడానికి మరియు సంస్కారములో పాలుపంచుకోవడానికి సమావేశమవుతారు. ఈ విధి సమయంలో, రక్షకుడు తన శరీరమును మరియు రక్తాన్ని త్యాగం చేసిన విషయాన్ని గుర్తుంచుకోవడానికి మరియు వారి పవిత్రమైన నిబంధనలను నూతనపరచుకోవడానికి వారు రొట్టె మరియు నీటిని తీసుకుంటారు.

• యాజకులు మరియు మెల్కీసెదెకు యాజకత్వమును కలిగియున్నవారు సంస్కారమును దీవించవచ్చు.

• పరిచారకులు, బోధకులు, యాజకులు మరియు మెల్కీసెదెకు యాజకత్వమును కలిగియున్నవారు సంస్కారమును అందించవచ్చు.

1. రొట్టెని దీవించే వ్యక్తి మోకాళ్లపై నిలబడి రొట్టె కోసం సంస్కార ప్రార్థనను చదువుతారు (సిద్ధాంతము మరియు నిబంధనలు 20:77 చూడండి).

   ఓ దేవా, నిత్యుడవగు తండ్రీ, ఈ రొట్టెను దానిలో పాలుపొందుచున్న వారందరి ఆత్మల కొరకు ఆశీర్వదించి, పరిశుద్ధపరచమని మీ కుమారుడైన యేసు క్రీస్తు నామములో మిమ్ములను అడుగుచున్నాము; తద్వారా మీ కుమారుని శరీరము యొక్క జ్ఞాపకార్థము వారు దానిని తిని, ఓ దేవా, నిత్యుడవగు తండ్రీ, వారు మీ కుమారుని నామమును తమపై తీసుకొనుటకు, ఎల్లప్పుడు ఆయనను జ్ఞాపకము చేసుకొనుటకు, ఆయన వారికిచ్చిన ఆయన ఆజ్ఞలను పాటించుటకు సమ్మతించుచున్నామని మీకు సాక్ష్యమిచ్చెదరు గాక, తద్వారా వారు ఎల్లప్పుడు ఆయన ఆత్మను వారితో కలిగియుండెదరు గాక. ఆమేన్.

2. నీటిని ఆశీర్వదించే వ్యక్తి మోకాళ్లపై నిలబడి నీటి కోసం సంస్కార ప్రార్థనను చదువుతారు (సిద్ధాంతము మరియు నిబంధనలు 20:79 చూడండి).

   ఓ దేవా, నిత్యుడవగు తండ్రీ, ఈ నీటిని దానిని త్రాగుచున్న వారందరి ఆత్మల కొరకు ఆశీర్వదించి, పరిశుద్ధపరచమని మీ కుమారుడైన యేసు క్రీస్తు నామములో మిమ్ములను అడుగుచున్నాము; తద్వారా వారి కొరకు చిందించబడిన మీ కుమారుని రక్తము యొక్క జ్ఞాపకార్థము వారు దానిని చేసి, ఓ దేవా, నిత్యుడవగు తండ్రీ, వారు ఎల్లప్పుడు ఆయనను జ్ఞాపకము చేసుకొందురని మీకు సాక్ష్యమిచ్చెదరు గాక, తద్వారా వారు ఆయన ఆత్మను వారితో కలిగియుండెదరు గాక. ఆమేన్.