యాజకత్వాన్ని అనుగ్రహించుట మరియు ఒక స్థానానికి నియమించుట

యాజకత్వంలో రెండు విభాగాలు ఉన్నాయి: అహరోను మరియు మెల్కీసెదెకు. ఒక వ్యక్తికి యాజకత్వం ఇవ్వబడినప్పుడు, అతను ఆ యాజకత్వంలో ఒక స్థానానికి కూడా నియమించబడతాడు. ఈ యాజకత్వాలలో దేనినైనా అనుగ్రహించిన తర్వాత, ఒక వ్యక్తి ఆ యాజకత్వంలోని ఇతర స్థానాలకు మాత్రమే నియమించబడాలి.

స్టేకు అధ్యక్షుడు లేదా అతని ఆధ్వర్యంలో మెల్కీసెదెకు యాజకత్వము కలిగియున్న ఒకరు ఒక వ్యక్తిని ఎల్డర్ స్థానానికి నియమించవచ్చు. మెల్కీసెదెకు యాజకత్వము ఉన్నవారు మాత్రమే వలయాకారంలో నిలబడవచ్చు.

స్టేకు అధ్యక్షుడు లేదా అతని ఆధ్వర్యంలోని ప్రధాన యాజకుడు ఒక వ్యక్తిని ప్రధాన యాజకునిగా నియమించవచ్చు. ప్రధాన యాజకులు మాత్రమే వలయాకారంలో నిలబడవచ్చు.

ఒక యాజకుడు లేదా మెల్కీసెదెకు యాజకత్వమును కలిగియున్న ఒకరు ఒక సహోదరుడిని పరిచారకుడు, బోధకుడు లేదా యాజకుని స్థానానికి నియమించవచ్చు. అతను బిషప్పు ద్వారా అధికారం పొందియుండాలి. బిషప్పు లేదా అతను నియమించిన ఎవరైనా తప్పనిసరిగా హాజరు కావాలి.

అహరోను యాజకత్వ నియామకములో పాల్గొనడానికి, ఒక వ్యక్తి తప్పనిసరిగా యాజకుడైయుండాలి లేదా మెల్కీసెదెకు యాజకత్వమును కలిగి ఉండాలి.

యాజకత్వమును అనుగ్రహించడానికి మరియు ఒక వ్యక్తిని యాజకత్వ స్థానానికి నియమించడానికి, ఒకరు లేదా అంతకంటే ఎక్కువమంది యాజకత్వ అధికారము కలిగియున్న వారు తమ చేతులను ఆ వ్యక్తి తలపై తేలికగా ఉంచుతారు. అప్పుడు వారిలో ఒకరు మాట్లాడుతూ:

1. వ్యక్తిని అతని పూర్తి పేరుతో పిలుస్తారు.

2. విధిని (అహరోను లేదా మెల్కీసెదెకు యాజకత్వము) నిర్వహించడానికి అతను వ్యక్తిగతంగా కలిగి ఉన్న అధికారాన్ని పేర్కొంటారు.

3. అహరోను లేదా మెల్కీసెదెకు యాజకత్వమును అనుగ్రహిస్తారు, అప్పటికే అనుగ్రహించకపోతే.

4. వ్యక్తిని అహరోను లేదా మెల్కీసెదెకు యాజకత్వములోని స్థానానికి నియమిస్తారు మరియు ఆ స్థానం యొక్క హక్కులు, శక్తులు మరియు అధికారాన్ని అందజేస్తారు.

5. ఆత్మ మార్గనిర్దేశం చేసినట్లుగా దీవెన ఇస్తారు.

6. యేసు క్రీస్తు నామంలో ముగిస్తారు.

ఒక వ్యక్తికి సముచితమైన యాజకత్వము అప్పటికే అనుగ్రహించబడిన తర్వాత, ఆ వ్యక్తిని యాజకత్వ స్థానానికి నియమించడానికి, నియామకమును నిర్వహించే వ్యక్తి 3వ దశను వదిలివేస్తారు.