5. Suskehana Reva
Foto ia i soem Suskehana Reva long Hamoni Taonsip, Pensilvania.
Ol Impoten Samting we oli bin Hapen: Josef Smit Junia i kam faswan long Hamoni long 1825 blong faenem wok. Hem mo papa blong hem oli bin rentem wan haos kolosap long ples ia, long haos blong Aesak Hel; mo long ples ia nao Josef i mitim Ema Hel, fiuja waef blong hem, long fas taem (JS—H 1:56–57). Josef mo Ema, tufala i bin mared long 18 Jenuware 1827. Profet i bin kasem ol gol buk long 22 Septemba 1827 long Manjesta, Niu Yok, mo i no longtaem afta, i tekem Ema mo muv i go long Hamoni; long ples ia hem i stat blong transletem ol gol buk ia. Long taem blong translesen blong Buk blong Momon, Josef mo Oliva Kaodri i bin wantem save moa long saed blong baptaes mo tufala i wokbaot i go long wan ples long bus kolosap long ples ia blong prea long Lod long saed blong topik ia. Olsem ansa blong prea blong hem, Jon Baptaes i bin kamaot long 15 Mei 1829 (JS—H 1:66–74; D&K 13). Hem i bin givim Aronik Prishud long Josef mo Oliva. Nao tufala i go long reva mo tufala i baptaesem tufala blong kam klin aot long ol sin. Afta, Jon Baptaes i lidim Josef mo Oliva blong odenem wanwan long tufala bakegen long Aronik Prishud. I no longtaem afta, Pita, Jemes mo Jon oli kamaot, bitwin Hamoni mo Kolesvil, mo oli givim Melkesedek Prishud long Josef mo Oliva (D&K 27:12–13; 128:20).