18. Sol Lek Tempol
Sol Lek Tempol, we oli lukluk long Not Is saed blong hem. Afta samfala dei we fas kampani blong ol paeonia blong ol Lata-dei Sent oli go insaed long Sol Lek Vale, Presiden Brigham Yang i kilim graon wetem wokingstik blong hem mo talem: “Long ples ia nao bae yumi bildim tempol blong God blong yumi.” Graon ia, oli bin brekem long 14 Febwari 1853. Long 6 Epril 1853, oli putum ol konaston. Tempol i bin finis mo oli bin dediketem 40 yia afta long 6 Epril 1893. Fas Presidensi mo Kworom blong Olgeta Twelef Aposol oli stap mit evri wik blong toktok raon mo lukaotem daereksen blong Lod blong lidim mo bildimap kingdom blong God.
Ol Impoten Samting we oli bin Hapen: Lod i bin givim ol Presiden blong Jos mo ol Jeneral Atoriti bigbigfala spirit blong revelesen long ples ia, mo i bin givim tu Ofisol Toktok 2. I no longtaem i pas, Fas Presidensi mo Kaonsel blong Olgeta Twelef Aposol, evriwan long olgeta i apruvum mo pablisim “Famli: Wan Ofisol Toktok i go long Wol.” Ol tempol odinens we oli mekem blong olgeta we oli laef mo olgeta we oli ded i blesem laef blong plante milian pipol.