12. Libeti Kalabus
Kalabus ia long Libeti, Misuri, samples long yia 1878. Josef Smit mo faef nara brata, oli bin sarem olgeta long kalabus long fasin we i no stret; kalabus ia, wol blong hem i 1.2 m tik; oli bin stap long kalabus stat long 1 Disemba 1838 kasem 6 Epril 1839. (Sidni Rigdon i go fri long en blong manis Febwari). Oli mas stap long rum andanit long kalabus ia, mo oli silip long ston we i kolkol, we oli sakem smol gras nomo long floa, wetem smol laet mo i no gat samting blong blokem kolkol blong winta.
Wan Impoten Samting we i bin Hapen: Profet Josef, we i stap prea from ol taosen Lata-dei Sent we oli stap ronemaot olgeta long Misuri, i kasem wan ansa long prea blong hem, mo hem i raetem wan leta i go long olgeta Sent ia (D&K 121–123).