14. Red Brikis Stoa blong Josef Smit Junia

Pikja

foto 14

Kopi blong stoa blong Josef Smit Junia mo ofis blong hem, i stap long Nauvu, Ilinoa. Hem i bin wan long ol bilding we i moa impoten insaed long Jos long taem blong Nauvu. Ples ia i stap olsem wan jeneral stoa, be tu, i stap olsem wan senta blong ol aktiviti long saed blong sosol, politik mo relijin. Josef Smit i bin gat wan ofis long seken stori.

Ol Impoten Samting we oli bin Hapen: Bifo tempol i bin finis, oli bin yusum rum we i stap antap evriwan olsem wan odinens rum, mo ples ia nao oli mekem ol fas ful endaomen. Long 17 Maj 1842, Profet Josef i bin oganaesem ol woman blong Jos long wan Rilif Sosaeti.