2. Hil Kumora mo Palmaera-Eria blong Manjesta
Lukluk i go long Not, foto ia i soem Hil Kumora long Manjesta, Niu Yok. Hil i kamaot daon long raet han kona blong foto mo i go kasem kolosap hafwei blong top blong foto. Waet bilding we oli save luk long Not long en blong hil i givim ona long enjel Moronae mo taem ia we Buk blong Momon i kamaot. Hil Kumora i stap samples 5 kilometa Saot Is long Tabu Bus. Kolosap long top blong foto, i gat Palmaera Vilej, we i stap 6 haf kilometa longwe. Smit fam mo Tabu Bus i stap long lef saed antap evriwan long foto ia.
Ol Impoten Samting we oli bin Hapen: Famli blong Profet Josef Smit i bin stap long eria ia long taem blong Fas Visen (JS—H 1:3). Long yia 421 A.K.B., Moronae i bin berem ol buk we oli wokem long gol long Hil Kumora; ol buk ia i holem tabu histri blong ol pipol blong hem (TbM 1:1–11; Momon 6:6; Moro 10:1–2). Semfala Moronae ia nomo i talemaot long Josef Smit weaples blong faenem ol buk ia antap long hil. Moronae i givim ol buk ia long Josef long 1827 (D&K 27:5; 128:20; JS—H 1:33–35, 51–54, 59).