13. Stori Haos long Nauvu
Josef Smit Junia mo famli blong hem oli muv i go long Stori Haos long Nauvu long Ogis 1843. Afta long hemia oli ademap wan rum long Is saed blong bilding ia, mekem se i gat 22 rum insaed long Stori Haos ia. Stat long Jenuware 1844, Ebenesa Robinson i bin lukaotem haos ia olsem wan hotel, mo Profet i bin holemtaet sikis rum blong famli blong hem. Haos ia i bin stap olsem wan sosol senta blong Nauvu sosaeti. Profet i bin welkamem ol impoten man blong gavman long ples ia.
Ol Impoten Samting we oli bin Hapen: Long 27 Jun 1844, oli sutum ded Profet Josef mo brata blong hem, Haeram, long Katej, Ilinoa, mo oli tekem bodi blong tufala i go long haos ia blong i silip kasem fenerol blong tufala. Oli bin berem tufala long wan smol famli beregraon narasaed long Men Rod, long Wes blong olfala wud haos we Josef i bin stap long hem long fas taem we hem i kam long Nauvu. Ema Smit i bin stap long Stori Haos kasem 1871. Afta, hem i aot i go long haos long Nauvu, mo hem i ded long ples ia long 1879.