10. Adam-ondi-Aman
Lukluk i go Saot long vale blong Adam-ondi-Aman, we i wan kwaet mo naes vale we i stap long Not Wes long Misuri kolosap long komuniti blong Galatin.
Ol Impoten Samting we oli bin Hapen: Tri yia bifo hem i ded, Adam i bin singaotem ol laen blong hem oli kam long vale ia mo i bin givim olgeta las blesing blong hem (D&K 107:53–56). Long 1838, Adam-ondi-Aman i bin ples we samples 500 kasem 1,000 Lata-dei Sent oli bin kam stap long hem. Olgeta Sent oli aot long ples ia taem oli ronemaot olgeta long Misuri. Bifo long Seken Kaming blong Kraes, we bae i kam long glori, Adam mo laen blong hem we i stret mo gud, we i tekem olgeta Sent blong evri dispensesen bae oli kam tugeta bakegen long vale ia blong mit wetem Sevya (Dan 7:9–10, 13–14; D&K 27; 107:53–57; 116).