Achil quilcashcacuna
Mosíah 5


5 Capítulo

Santocuna tigran cangapa Cristopaj churicuna ushicunapash femanda—Paicuna cayashca can Cristopaj shutipi—Jatun mandaj Benjamín cutin yarichin na shaijujcuna cachun ali ruraicunapi na shujman tigrajcuna cachun. Nara 124 C.Ñ.

1 Cunan, yalishca jipa jatun mandaj Benjamín paipaj llactapuracunaman shina parlashca cashpa, paicunaman cacharca, yachangapa munashpa llactapuracuna paipaj parlashca shimicunata crishcata.

2 Paicuna tucui shujlla shimi caparirca, nishpa: Ari, ñucanchi crinchimi tucui shimicunata ñucanchiman parlashcata; ñucanchi yachanchipachami ciertopacha, Tucui Ushaita Charij Apunchijpaj Espíritumanda, imami ñucanchita cambiachishcapacha, ñucanchi shungucunapi, ñucanchi ashtahuan na munanchichu na alita rurangapa, ashtahuangari alita rurashpa catingapa.

3 Ñucanchipash, ñucanchillatapash, na tucurina Diospaj alicaimanda, paipaj Espíritu ricuchinacunatapash, charini jatun achil ricuicunata ima shamuna can; minishtirijpica, tucui cuzascunata achil villachinchiman.

4 Fe can imata charishcanchi ñucanchi jatun mandaj parlashca cuzascunapi cai jatun yachajuicunaman apamushca can, caimada cushijushcanchi ninan jatun cushijuihuan.

5 Munashca canchi shuj convenioman yaicungapa ñucanchi Dios-huan rurangapa paipaj munaita, cazujcuna cangapa paipaj rurachunbacha saquishcacunata tucui cuzascunata ñucanchiman mandajpi, tucui ñucanchi punllacunapi, ama apamungapa ñucanchillata shuj llaqui nimaura na tucurita charijta, imashna ángel parlashca carca, ama ufiangapa Diospaj fiñai copamanda.

6 Cunan, cai shimicuna can imata jatun mandaj Benjamín paicunamanda munarca; chaimanda caicunata nirca: Canguna parlashca canguichi shimicunata imata ñuca munarcani; convenio imata canguna rurashca canguichi shuj ali conveniomi.

7 Cunan, canguna rurashca conveniomanda shutichishca canguichi Cristopaj huahuacuna, churicuna, ushicuna; riqui, cai punlla paimi espiritualmente viñachishca; nishcanguichi cangunapaj shungucunapi shujman tigrashca canchi paipaj shutipi femanda; chaimanda, paimanda nacirishca cani tigrashca cani paipaj churicuna ushicuna.

8 Cai shutimanda librecuna canguichi, na cutishuj shuti tianllu imamanda canguna librashca canguichi. Na tianllu cutishuj shuti cushca maimanda quishpirina shamun; chaimanda, munaiman Cristopaj shutita chasquichun, tucui canguna rurashca canguichi Dios-huan conveniota cazujcuna canguichi cangunapaj causaicuna tucurinacaman.

9 Yalishca jipa pipash caita rurashpaca Diospaj ali lado maquipi canga, yachanga shutita imapi cayashca canga; cayashca canga Cristopaj shutipi.

10 Cunan yalishca jipa, pimi Cristopaj shutita na chasquishpa cutishuj shutipi cayashca canga; chaimanda, Diospaj lluqui lado maquipi canga.

11 Canguna yarichunbash munani, caimi shuti can cushami nircani, nimaurapash na fichashca canga, ashtahuangari na ali rurashpalla; chaimanda, cuidarichi ama na alita rurangapa, cangunapaj shungucunapi cai shuti ama fichashca cachun.

12 Cangunaman nini, munaimanmi yarichun canguna shungucunapi punllan punllan cai shutita quilcashpa yariachun, Diospaj lluqui lado maquipi ama canguichi, ashtahuangari uyaichi rijsichi shimita maijanhuan cayai tucushca canguichi, shutitapash imapi cayai tucushca canguichi.

13 Imashnata shuj runa rijsi ushan maestrota pitami na sirvishca can, paipaj na rijsi cajta, carupi can paipaj shungupa yuyaicuna munaicunamandapash?

14 Cutin, japinllu shuj runa paipaj ladopi causajpa burrota, charinllachu? cangunaman nini, Na; pai na saquingapashchu paipaj animalcunahuan micuchun, ashtahuangari llujchingami calpachingapashmi. Cangunaman nini, shinami canga cangunapash shutita imapi cayai tucushca canata na yachashpaca.

15 Chaimanda, munaiman na shaijujcuna cachun na shujman tigrajcuna, punllan punllan mirarishpa ali ruraicunapi, Cristo, Tucui Ushaita Charij Apunchij Dios, paiman sellashca cachun, jahua pachaman pushai tucushca canguna cachun, na tucurina quishpirinata chari ushachun, na tucurina causaitapash, yachaihuan, ushaihuan, alihuan paipaj alicaihuanbash pimi tucui cuzascunata rurashca, jahua pachapi alpapipash, pimi Dios can tucuipa. Shinacapashcachun.