အခန်းကြီး ၅
ပွဲတော်စပျစ်ရည်ကို စီမံဆောင်ရွက်ရာ နည်းနာနိဿယကို ဖော်ပြ၏။ အေဒီ ၄၀၁–၄၂၁ ခန့်။
၁ စပျစ်ရည်ကို စီမံဆောင်ရွက်ရာနည်းလမ်းမှာ—ရှုလော့၊ သူတို့သည် ခွက်ဖလားကို ကိုင်၍ ဆိုကြသည်ကား၊
၂ အို ထာဝရအဘဘုရားသခင်၊ ကိုယ်တော်အား ကိုယ်တော့်သားတော်၊ ယေရှုခရစ်တော်၏နာမတော်၌ အကျွန်ုပ်တို့ဆုတောင်းကြသည်မှာ၊ ဤစပျစ်ရည်ကို ကောင်းချီးပေး၍ သန့်ရှင်းစင်ကြယ်စေတော်မူရန်နှင့်၊ ၎င်းကို သောက်သုံးသောသူမှန်သမျှ၏စိတ်ဝိညာဉ်တို့အတွက်၊ သူတို့သည် မိမိတို့အဖို့ သွန်းတော်မူခဲ့သော ကိုယ်တော့်သားတော်၏အသွေးတော်ကို အောက်မေ့ခြင်းဖြင့် သောက်သုံးကြစေခြင်းငှာလည်းကောင်း၊ အို ထာဝရအဘဘုရားသခင်၊ သူတို့သည် သူ့အား အမှန်ပင်အစဉ်အမြဲအောက်မေ့ကြောင်း ကိုယ်တော်ထံသို့ သက်သေခံကြလျက်၊ သူတို့ ၌ သူ၏ဝိညာဉ်တော်တည်ရှိစေခြင်းငှာ ဆုတောင်းကြပါ၏။ အာမင်။