အခန်းကြီး ၄
အသင်းလူကြီးများနှင့် ယဇ်ပုရောဟိတ်များ ပွဲတော်မုန့်ကို အဘယ်သို့ စီမံဆောင်ရွက်ကြကြောင်း ရှင်းပြထား၏။ အေဒီ ၄၀၁–၄၂၁။
၁ သူတို့၏အသင်းလူကြီးများနှင့် ယဇ်ပုရောဟိတ်တို့ အသင်းတော်အတွက် ခရစ်တော်၏အသားတော်နှင့် အသွေးတော်ကို စီမံဆောင်ရွက်ရာ၌ နည်းလမ်းမှာ၊ သူတို့သည် ထိုအမှုကို ခရစ်တော်၏ပညတ်တော်များအတိုင်း စီမံဆောင်ရွက်ကြ၏။ သို့ဖြစ်၍၊ ထိုနည်းလမ်းမှန်ကန်သည်ကို ငါတို့သိကြ၏။ အသင်းလူကြီး သို့မဟုတ် ယဇ်ပုရောဟိတ်သည် ထိုအမှုကို စီမံဆောင်ရွက်၏—
၂ သူတို့သည် အသင်းတော်နှင့်အတူ ဒူးထောက်၍၊ ခမည်းတော်ထံသို့ ခရစ်တော်၏နာမတော်အားဖြင့် ဆုတောင်း၍ ဆိုကြသည်ကား၊
၃ အို ထာဝရအဘဘုရားသခင်၊ ကိုယ်တော်အား ကိုယ်တော့်သားတော်၊ ယေရှုခရစ်တော်၏နာမတော်၌ အကျွန်ုပ်တို့ဆုတောင်းကြသည်မှာ၊ ဤမုန့်ကို ကောင်းချီးပေး၍ သန့်ရှင်းစင်ကြယ်စေတော်မူရန်နှင့်၊ ၎င်းကို သုံးဆောင်သောသူမှန်သမျှ၏စိတ်ဝိညာဉ်တို့အတွက် သူတို့သည် ကိုယ်တော့်သားတော်၏ကိုယ်ခန္ဓာတော်ကို အောက်မေ့ခြင်းဖြင့် စားသုံးကြစေခြင်းငှာလည်းကောင်း၊ အို ထာဝရအဘဘုရားသခင်၊ သူတို့သည် ကိုယ်တော့်သားတော်၏နာမတော်ကို သူတို့အပေါ်မှာ ခံယူရန်၊ သူ့အား အစဉ်အမြဲအောက်မေ့ရန်နှင့် မိန့်တော်မူခဲ့သော ပညတ်တော်တို့ကို စောင့်ထိန်းရန် လိုလိုလားလားရှိကြကြောင်း ကိုယ်တော်ထံသို့ သက်သေခံကြလျက်၊ သူတို့ ၌ သူ၏ဝိညာဉ်တော်အစဉ်အမြဲတည်ရှိစေခြင်းငှာ ဆုတောင်းကြပါ၏။ အာမင်။