မော်ရော်နိုင်း ၃

အခန်းကြီး ၃

အသင်းလူကြီးတို့သည် ယဇ်ပုရောဟိတ်များနှင့် ဆရာများကို လက်တင်ခြင်းဖြင့် ခန့်ထားကြ၏။ အေဒီ ၄၀၁–၄၂၁ ခန့်။

၁ အသင်းတော်၏အသင်းလူကြီးများဟုခေါ်သူ တပည့်တော်တို့က ယဇ်ပုရောဟိတ်များနှင့် ဆရာများကို ခန့်ထားရာနည်းလမ်းသည်ကား—

၂ သူတို့သည် ခမည်းတော်ထံသို့ ခရစ်တော်၏နာမတော်အားဖြင့် ဆုတောင်းကြပြီးနောက်၊ မိမိတို့လက်များကို ထိုသူတို့၏ဦးခေါင်းပေါ်သို့တင်၍ ဆိုသည်မှာ၊

၃ ယေရှုခရစ်တော်၏နာမတော်အားဖြင့် ငါသည် သင့်ကို ယဇ်ပုရောဟိတ်အဖြစ် ခန့်ထား၏ (သို့မဟုတ် ထိုသူသည် ဆရာဖြစ်ဖို့ဆိုလျှင်၊ ငါသည် သင့်ကို ဆရာအဖြစ် ခန့်ထား၏) သူ၏နာမတော်၌ ယုံကြည်ခြင်းကို အဆုံးတိုင်အောင် တည်ကြည်ခြင်းအားဖြင့် နောင်တရခြင်း၊ ထို့အတူ ယေရှုခရစ်တော်အားဖြင့် အပြစ်များမှလွှတ်ခြင်းတို့ကို ဟောပြောလော့။ အာမင်။

၄ ဤကဲ့သို့အားဖြင့် လူသားများသို့ ဘုရားသခင်၏ ဆုကျေးဇူးများနှင့် ခေါ်သွင်းတော်မူခြင်းတို့အတိုင်း၊ သူတို့သည် ယဇ်ပုရောဟိတ်များနှင့် ဆရာများကို ခန့်ထားကြ၏။ သူတို့အထဲ၌ရှိသည့် သန့်ရှင်းသောဝိညာဉ်တော်၏တန်ခိုးအားဖြင့်လည်း ထိုသူတို့ကို ခန့်ထားကြ၏။