1 Epi kounyeya, gade, m ap fè yon ti pale avèk ^arès pèp sa a ki pa t mouri a, si Bondye vle ba yo pawòl mwen yo, pou yo kapab konnen zèv zansèt yo; wi, m ap pale avèk nou, nou menm rès kay Izrayèl la; Epi men pawòl m ap pale a.

2 Konnen nou fè pati nan ^akay Izrayèl la.

3 Konnen nou dwe vini nan repantans, san sa, nou pa kapab sove.

4 Konnen nou dwe depoze lèzam pou lagè nou yo, pou nou pa janm pran plèzi ankò nan fè san koule, e pou nou pa pran zam yo ankò, eksepte si Bondye kòmande nou.

5 Konnen, nou dwe vin gen ^akonesans konsènan zansèt nou yo, nou dwe repanti pou tout peche ak inikite nou yo, nou dwe ^bkwè nan Jezikri, nou dwe kwè li se Pitit Gason Bondye a, e Juif yo te touye l, e avèk pouvwa Papa a, li te leve ankò, pou l te kapab gen ^cviktwa sou tonm lan; epi tou doulè lanmò a menm anglouti l.

6 Epi li pote ^arezirèksyon pou mò yo, pou lèzòm kapab leve kanpe devan ^bfotèy jijman an.

7 Epi li pote ^aredanmsyon pou mond lan, pou moun ki ^binosan devan l nan jou jijman an kapab gen pèmisyon pou ^crete nan prezans Bondye, nan wayòm li a, pou chante louwanj san fen avèk ^dkoral nan syèl la, pou Papa a, ak Pitit Gason an, ak Sentespri a, ki se yon ^esèl Bondye a, nan yon eta ^fbonè ki san fen.

8 Se poutèt sa, repanti, e batize nan non Jezi, epi kenbe ^alevanjil Kris la fèm, k ap vin plase devan nou, non sèlman nan rejis sa a, men, nan ^brejis k ap vin jwenn Janti yo, ^csòti nan men Juif yo, k ap sòti nan men Janti yo vin jwenn ^dnou tou.

9 Paske gade, ^abagay sa a ekri nan entansyon pou nou kapab ^bkwè lòt la; e si nou kwè lòt la, n ap kwè sa a tou; e si nou kwè sa a, n ap gen konesans konsènan zansèt nou yo, ak zèv mèveye pouvwa Bondye te manifeste nan pami yo.

10 Epi tou n ap konnen nou se desandan pèp Jakòb la; se poutèt sa n ap konte nan pami pèp premye alyans la; Epi si nou kwè nan Kris la, e nou batize, premyèman avèk dlo, apre sa, avèk dife epi avèk Sentespri a, nou suiv ^aegzanp Sovè a, daprè jan li te kòmande nou an, l ap bon pou nou nan jou jijman an. Amèn.