ບົດທີ 6
ພຣະຜູ້ເປັນເຈົ້າຈະນຳອິດສະຣາເອນຄືນມາໃນຍຸກສຸດທ້າຍ—ໂລກຈະຖືກເຜົາຜານດ້ວຍໄຟ—ມະນຸດຕ້ອງຕິດຕາມພຣະຄຣິດເພື່ອຫລີກເວັ້ນທະເລໄຟ ແລະ ມາດ. ປະມານ 544–421 ປີ ກ່ອນ ຄ.ສ.
1 ແລະ ບັດນີ້, ຈົ່ງເບິ່ງພີ່ນ້ອງຂອງຂ້າພະເຈົ້າ, ເໝືອນດັ່ງຂ້າພະເຈົ້າໄດ້ເວົ້າກັບພວກທ່ານມາແລ້ວວ່າ ຂ້າພະເຈົ້າຈະທຳນາຍ, ຈົ່ງເບິ່ງ, ນີ້ຄືຄຳທຳນາຍຂອງຂ້າພະເຈົ້າ—ວ່າສິ່ງທີ່ສາດສະດາ ກຊີນັດໄດ້ເວົ້າກ່ຽວກັບເຊື້ອສາຍອິດສະຣາເອນ, ຊຶ່ງເລື່ອງທີ່ເພິ່ນໄດ້ປຽບທຽບພວກເຂົາເໝືອນດັ່ງຕົ້ນໝາກກອກເທດໃນສວນຈະຕ້ອງເກີດຂຶ້ນຢ່າງແນ່ນອນ.
2 ແລະ ວັນທີ່ພຣະອົງຈະວາງພຣະຫັດລົງເປັນເທື່ອທີສອງເພື່ອນຳຜູ້ຄົນຂອງພຣະອົງ ກກັບມາໃນວັນນັ້ນ, ແທ້ຈິງແລ້ວ, ເປັນເທື່ອສຸດທ້າຍທີ່ ຂພວກຄົນໃຊ້ຂອງພຣະຜູ້ເປັນເຈົ້າຈະອອກໄປດ້ວຍ ຄອຳນາດຂອງພຣະອົງເພື່ອ ງບຳລຸງ ແລະ ລິງ່າໄມ້ໃນສວນ ຈອະງຸ່ນຂອງພຣະອົງ; ແລະ ຫລັງຈາກນັ້ນ ສທີ່ສຸດຍ່ອມມາເຖິງໃນບໍ່ຊ້ານີ້.
3 ແລະ ຜູ້ທີ່ອອກແຮງງານຢ່າງພາກພຽນໃນສວນອະງຸ່ນຂອງເພິ່ນ ຈະມີຄວາມສຸກພຽງໃດ; ແລະ ຜູ້ທີ່ຈະຖືກຂັບໄລ່ໄປຫາບ່ອນຂອງຕົນຈະຖືກສາບແຊ່ງຫລາຍພຽງໃດ! ແລະ ໂລກນີ້ຈະຖືກ ກເຜົາຜານດ້ວຍໄຟ.
4 ແລະ ພຣະເຈົ້າຂອງພວກເຮົາເມດຕາຕໍ່ພວກເຮົາພຽງໃດ, ເພາະພຣະອົງລະນຶກເຖິງເຊື້ອສາຍ ກອິດສະຣາເອນ; ທັງຮາກ ແລະ ງ່າ; ແລະ ພຣະອົງໄດ້ຍື່ນ ຂພຣະຫັດຂອງພຣະອົງອອກໄປໃຫ້ພວກເຂົາຕະຫລອດທັງວັນ; ແລະ ພວກເຂົາເປັນຄົນແຂງຄໍ ແລະ ມັກ ຄຂັດຄໍ; ແຕ່ຄົນທັງຫລາຍທີ່ຈະບໍ່ເຮັດໃຈແຂງກະດ້າງຈະລອດໃນອານາຈັກຂອງພຣະເຈົ້າ.
5 ດັ່ງນັ້ນ, ພີ່ນ້ອງທີ່ຮັກແພງຂອງຂ້າພະເຈົ້າ, ຂ້າພະເຈົ້າວິງວອນພວກທ່ານດ້ວຍຄຳທີ່ມີສະຕິສຳປະຊັນຍະ ໃຫ້ພວກທ່ານກັບໃຈ ແລະ ມາດ້ວຍຈຸດປະສົງເຕັມທີ່ແຫ່ງໃຈ, ແລະ ກໃກ້ຊິດຕິດແທດກັບພຣະເຈົ້າເໝືອນດັ່ງພຣະອົງໃກ້ຊິດຕິດແທດກັບພວກທ່ານ. ແລະ ຂະນະທີ່ ຂພຣະຫັດແຫ່ງພຣະເມດຕາຂອງພຣະອົງຍັງເດ່ມາຫາພວກທ່ານຢູ່ໃນຄວາມສະຫວ່າງຂອງກາງເວັນ, ຢ່າເຮັດໃຈແຂງກະດ້າງເລີຍ.
6 ແທ້ຈິງແລ້ວ, ມື້ນີ້ຖ້າຫາກພວກທ່ານໄດ້ຍິນສຸລະສຽງຂອງພຣະອົງແລ້ວ, ກໍຢ່າເຮັດໃຈແຂງກະດ້າງ; ເພາະເຫດໃດພວກທ່ານຈະ ກຕາຍ?
7 ເພາະຈົ່ງເບິ່ງ, ຫລັງຈາກພວກທ່ານໄດ້ຮັບການບຳລຸງດ້ວຍພຣະຄຳອັນປະເສີດຂອງພຣະເຈົ້າຕະຫລອດທັງວັນແລ້ວ, ພວກທ່ານຍັງອອກໝາກບໍ່ດີຈົນວ່າພວກທ່ານຕ້ອງຖືກ ກໂຄ່ນລົງ ແລະ ໂຍນເຂົ້າກອງໄຟບໍ?
8 ຈົ່ງເບິ່ງ, ພວກທ່ານຈະປະຕິເສດຄຳເຫລົ່ານີ້ບໍ? ພວກທ່ານຈະປະຕິເສດຂໍ້ຄວາມຂອງສາດສະດາບໍ? ແລະ ພວກທ່ານຈະປະຕິເສດຂໍ້ຄວາມທັງໝົດ ຊຶ່ງໄດ້ເວົ້າໄວ້ກ່ຽວກັບພຣະຄຣິດ, ຫລັງຈາກທີ່ຫລາຍຄົນໄດ້ເວົ້າກ່ຽວກັບພຣະອົງ; ແລະ ຈະປະຕິເສດພຣະຄຳອັນປະເສີດຂອງພຣະຄຣິດ ແລະ ອຳນາດຂອງພຣະເຈົ້າ ແລະ ກຂອງປະທານແຫ່ງພຣະວິນຍານບໍລິສຸດ, ແລະ ຂັດຂືນພຣະວິນຍານສັກສິດ, ແລະ ເຍາະເຍີ້ຍແຜນແຫ່ງການໄຖ່ອັນຍິ່ງໃຫຍ່ຊຶ່ງກຳນົດໄວ້ໃຫ້ພວກທ່ານບໍ?
9 ພວກທ່ານຮູ້ບໍວ່າ ຖ້າຫາກພວກທ່ານເຮັດສິ່ງເຫລົ່ານີ້ ອຳນາດແຫ່ງການໄຖ່ ແລະ ການຟື້ນຄືນຊີວິດຊຶ່ງມີຢູ່ໃນພຣະຄຣິດຈະນຳເອົາຕົວພວກທ່ານມາຢືນຢູ່ດ້ວຍຄວາມອັບອາຍ ແລະ ກຄວາມຮູ້ສຶກຜິດອັນເປັນຕາຢ້ານຕໍ່ໜ້າ ຂບ່ອນພິພາກສາຂອງພຣະເຈົ້າ?
10 ແລະ ຕາມອຳນາດແຫ່ງ ກຄວາມຍຸດຕິທຳ, ເພາະວ່າຄວາມຍຸດຕິທຳຈະຖືກປະຕິເສດບໍ່ໄດ້, ພວກທ່ານຈະຕ້ອງອອກໄປສູ່ ຂທະເລໄຟ ແລະ ມາດ, ຊຶ່ງແປວຂອງມັນບໍ່ຮູ້ຈັກມອດ, ແລະ ຄວັນຂອງມັນຈະລອຍຂຶ້ນ ຕະຫລອດການ ແລະ ຕະຫລອດໄປ, ຊຶ່ງທະເລໄຟ ແລະ ມາດ ຄື ຄຄວາມທໍລະມານ ງທີ່ບໍ່ມີວັນສິ້ນສຸດ.
11 ໂອ້ ຕໍ່ໄປນີ້, ພີ່ນ້ອງຂອງຂ້າພະເຈົ້າ, ພວກທ່ານຈົ່ງກັບໃຈ, ແລະ ເຂົ້າມາໃນ ກປະຕູທີ່ຄັບ ແລະ ດຳເນີນໄປຕາມເສັ້ນທາງທີ່ແຄບ, ຈົນກະທັ້ງພວກທ່ານຈະໄດ້ຮັບຊີວິດນິລັນດອນ.
12 ໂອ້ ຈົ່ງເປັນ ກຄົນສະຫລາດ, ຂ້າພະເຈົ້າຈະເວົ້າຫຍັງໄດ້ຕື່ມອີກ?
13 ສຸດທ້າຍນີ້, ຂ້າພະເຈົ້າຂໍກ່າວຄຳອຳລາພວກທ່ານ ຈົນວ່າຂ້າພະເຈົ້າຈະພົບພວກທ່ານອີກຕໍ່ໜ້າບ່ອນພິພາກສາອັນໜ້າພໍພຣະໄທຂອງພຣະເຈົ້າ, ຊຶ່ງບ່ອນພິພາກສານັ້ນຈະສຽບແທງຄົນຊົ່ວດ້ວຍຄວາມສະທ້ານ ຢ້ານກົວອັນ ກເປັນຕາຢ້ານ. ອາແມນ.