INcwadi kaJakobe
Umfowabo kaNefi

1 Ngokuba bheka, kwenzeka ukuthi kwase kudlule iminyaka engamashumi amahlanu nanhlanu kusukela ngesikhathi uLehi ahamba eJerusalema; ngalokho-ke, uNefi wanginika mina, ^aJakobe, ^bumyalelo mayelana ^cnezingcwephe ezincane, lapho lezi zinto eziqoshwe khona.

2 Futhi wanginika mina, Jakobe, umyalelo wokuthi kufanele ngibhale kuzo lezi zingcwephe izinto ezimbalwa engicabanga ukuthi ziyigugu elikhulu; nokuthi kufanele ngingathinti, ngaphandle kokuthi kube kancane nje, mayelana nomlando walaba bantu ababizwa ngokuthi ngabantu baNefi.

3 Ngokuba wathi umlando wabantu bakhe kufanele uqoshwe kwezinye izingcwephe zakhe, nokuthi kufanele ngizilondoloze lezi zingcwephe futhi ngizidlulise zehlele kuyo inzalo yami, izizukulwane ngezizukulwane.

4 Futhi uma kukhona intshumayelo engcwele, noma isambulo esikhulu, noma isiphrofetho, kufanele ngiqophe ^aizihloko zalokho kuzo lezi zingcwephe, futhi ngibhale ngakho kakhulu, ngenxa kaKristu, futhi nangenxa yabantu bethu.

5 Ngokuba ngenxa yokholo kanye nangokukhulu ukukhathazeka, ngempela kwembulwa kithi mayelana nabantu bethu, ukuthi yiziphi izinto ^aezazizokwenzeka kubo.

6 Futhi phezu kwalokho saba neziningi izambulo, kanye nomoya wokuphrofetha okukhulu; ngalokho-ke, sazi ^angoKristu kanye nangombuso wakhe, owawuzofika.

7 Ngalokho-ke sasebenza ngokukhuthala phakathi kwabantu bethu, ukuze sibavumise ukuthi ^abeze kuKristu, futhi nokuthi bahlanganyele ebuhleni bukaNkulunkulu, ukuze bangene ^bekuphumuleni kwakhe, hleze ndlela thize aze afunge esentukuthelweni yakhe ukuthi ^cbangangeni kukho, njengokuba ^dacunulwa ngezinsuku zokulingwa ngesikhathi abantwana bakwa-Israyeli ^ebesehlane.

8 Ngalokho-ke, siyacela kuNkulunkulu ukuthi sikwazi ukubavumisa bonke abantu ukuthi ^abangahlubuki kuNkulunkulu, ^bbamcunule aze athukuthele, kodwa ukuthi bonke abantu mabakholwe kuKristu, futhi bakubone ukufa kwakhe, futhi basivume ^cisiphambano sakhe futhi babekezelele ukuhlazwa ngumhlaba; ngalokho-ke, mina, Jakobe, ngikwenza kube wumthwalo wami ukuthi ngiwugcwalise umyalelo womfowethu uNefi.

9 Manje uNefi waqala ukuba mdala, futhi wabona ukuthi masinyane ^awayesezokufa; ngalokho-ke, ^bwagcoba indoda ukuthi ibe yinkosi kanye nombusi phezu kwabantu bakhe, njengokubusa ^ckwamakhosi.

10 Abantu bemthandile uNefi ngokwedlulele, yena kade engumvikeli wabo omkhulu, eyisebenzisile ^ainkemba kaLabani ekubavikeleni, futhi eyisebenzele inhlalakahle yabo ngazo zonke izinsuku zakhe—

11 Ngalokho-ke, abantu baba nesifiso sokuligcina igama lakhe njengesikhumbuzo. Futhi labo ababezobusa esikhundleni sakhe babizwa ngabantu, ngoNefi wesibili, uNefi wesithathu, njalonjalo, ngokwemibuso yamakhosi; futhi babizwa kanjalo ngabantu, noma ngabe amagama abo ayengobani.

12 Futhi kwenzeka ukuthi uNefi wafa.

13 Manje abantu ababengewona ^aamaLamani ^bbabengamaNefi; nokho, babebizwa ngamaNefi, amaJakobe, amaJosefa, ^camaZoramu, amaLamani, amaLemuweli, kanye nama-Ishmayeli.

14 Kodwa mina, Jakobe, emva kwalokhu angizukubehlukanisa ngalamagama, kodwa ^angizobabiza ngamaLamani labo abafuna ukubhubhisa abantu baNefi, futhi labo abanobungane noNefi ngizobabiza ^bngamaNefi, noma ^cabantu baNefi, ngokubusa kwamakhosi.

15 Manje kwenzeka ukuthi abantu baNefi, ngaphansi kokubusa kwenkosi yesibili, baqala ukukhula balukhuni ezinhliziyweni zabo, futhi bazimbandakanya ngandlela thize ekwenzeni izenzo zobubi, ezinjengalezo zikaDavide wasendulo zokufisa ^aabafazi abaningi kanye nezancinza, futhi ngokunjalo noSolomoni, indodana yakhe.

16 Yebo, futhi phezu kwalokho baqala ukufuna igolide kanye nesiliva eliningi, futhi baqala ukuthi ngandlelathize baphakame ngenxa yokuziqhenya.

17 Ngalokho-ke mina, Jakobe, ngabanika lamazwi ngesikhathi ngibafundisa ^aethempelini, sengithole kuqala ^bukuthunywa kwami eNkosini.

18 Ngokuba mina, Jakobe, kanye nomfowethu uJosefa ^asasibekwe saba ngabaphristi futhi nabafundisi balaba bantu, ngesandla sikaNefi.

19 Futhi nempela sazihlonipha ^aizikhundla zethu eNkosini, sakubeka kithi ukuthi ^bsilithwale icala, siphendule izono zalaba bantu phezu kwamakhanda ethu uqobo uma singabafundisanga izwi likaNkulunkulu ngokukhuthala konke; ngalokho-ke, ngokusebenza ngamandla ethu ^cigazi labo lingeze leza phezu kwezingubo zethu; ngaphandle kwalokho igazi labo liyoza phezu kwezingubo zethu, futhi asiyikutholakala singenacashazi ngosuku lokugcina.