Alma

Ebʼ li loqʼlaj hu

Lix Hu laj Mormon

Li wan chi saʼ
Xtikib’ankil ut Eb’ laj Yehol Nawom
1 Nefi
2 Nefi
Jakob
Enos
Jarom
Omni
Raatin laj Mormon
Mosiah
Alma
Helaman
3 Nefi
4 Nefi
Mormon
Eter
Moroni
Li ajlank sa’ lix Hu laj Mormon

Alma

Ch’ol 1
Laj Nehor naxk’ut li b’alaq’il tzol’leb’, naxxaqab’ jun li iglees, naxtikib’ li tijok chi tojb’il, ut naxkamsi laj Gideon—Nakamsiik laj Nehor xb’aan xmaak—Najek’iman li tijok chi tojb’il ut li rahob’tesink sa’ xyanqeb’ li tenamit—Eb’ laj tij xjuneseb’ rib’ neke’xsik’ li nak’anjelak reheb’, eb’ li tenamit neke’rileb’ li neb’a’, ut na’usa li Iglees. Wan na 91–88 chihab’ ma nayo’la li Kristo.
Ch’ol 2
Laj Amlici naxsik’ wank choq’ rey ut natz’eqtaanaak xb’aan xyaab’ xkux li tenamit—Eb’ li neke’taaqenk re neke’xxaqab’ choq’ rey—Eb’ laj Amlicita neke’xpleetiheb’ laj Nefita, ut neke’q’axe’ ru—Eb’ laj Lamanita ut laj Amlicita neke’xch’utub’ rib’ chi pleetik ut neke’q’axe’ ru—Laj Alma naxkamsi laj Amlici. Wan na 87 chihab’ ma nayo’la li Kristo.
Ch’ol 3
Eb’ laj Amlicita ke’xk’e jun eetalil chiruheb’ jo’ chanru li profeetil aatin—Eb’ laj Lamanita ke’majewaak xb’aan xpo’jikeb’ xch’ool—Eb’ li winq xjuneseb’ rib’ neke’xk’am sa’ xb’eeneb’ li majewaak—Eb’ laj Nefita neke’xq’ax ru jun chik teep chi aj pleet aj Lamanita. Wan na 87–86 chihab’ ma nayo’la li Kristo.
Ch’ol 4
Laj Alma naxkub’siheb’ xha’ chi mil li jalb’ileb’ xch’ool—Na’ok li maa’usilal sa’ li Iglees, ut narame’ ru li chaab’ilo’k sa’ li Iglees—Laj Nefihah naxaqab’aak jo’ xb’eenil aj raqol aatin—Laj Alma, jo’ taqenaqil aj tij, naxq’axtesi rib’ sa’ li k’anjel. Wan na 86–83 chihab’ ma nayo’la li Kristo.
Ch’ol 5
Re xk’ulb’al li kolb’a-ib’, eb’ li winq tento te’xjal xk’a’uxl ut te’xpaab’ li taqlahom, te’yo’laaq wi’chik, te’xch’ajob’resi li raq’ rik’in xkik’el li Kristo, te’wanq chi tuulaneb’ xch’ool ut te’risi chirixeb’ li q’etq’etil ut li kaqalink, ut te’xb’aanu li k’anjel re tiikilal—Li Chaab’il aj Ilol Karneer naxb’oqeb’ lix tenamit—Eb’ li neke’b’aanunk re li maa’us aj k’anjel a’aneb’ ralal xk’ajol laj tza—Laj Alma naxch’olob’ xyaalal naq yaal lix tzol’leb’ ut naxtaqlaheb’ li winq naq te’xjal xk’a’uxl—Te’tz’iib’amanq xk’a’b’a’eb’ li tiikeb’ xch’ool sa’ xhuhil li yu’amej. Wan na 83 chihab’ ma nayo’la li Kristo.
Ch’ol 6
Li Iglees li wan Tzarahemla nach’ajob’resiik ut natuqub’aak—Laj Alma naxik Gideon re jultikank aatin. Wan na 83 chihab’ ma nayo’la li Kristo.
Ch’ol 7
Taayo’laaq li Kristo rik’in xMaria—A’an tixhit lix b’ak’leb’ li kamk ut taariiqa lix maakeb’ lix tenamit—Eb’ li neke’xjal xk’a’uxl, neke’kub’e xha’, ut neke’xpaab’ li taqlahom te’xk’ul li junelik yu’am—Li tz’ajnil ink’a’ naru nareechani lix awa’b’ejihom li Dios—Na’ajman ru li tuulanil, li paab’aal, li yo’onink ut li rahok. Wan na 83 chihab’ ma nayo’la li Kristo.
Ch’ol 8
Laj Alma najultikan aatin ut nakub’sin ha’ aran Melek—Natz’eqtaanaak aran Ammonihah ut na’el chaq—Jun li anjel naxtaqla chi sutq’iik ut chixyaab’asinkil li jalb’a-k’a’uxlej chiruheb’ li tenamit—Nak’ule’ xb’aan laj Amulek, ut sa’ wiib’al neke’jultikan aatin aran Ammonihah. Wan na 82 chihab’ ma nayo’la li Kristo.
Ch’ol 9
Laj Alma naxtaqlaheb’ li wankeb’ Ammonihah chixjalb’aleb’ xk’a’uxl—Li Qaawa’ taaruxtaana ruheb’ laj Lamanita sa’ roso’jik li kutan—Wi eb’ laj Nefita neke’xtz’eqtaana li saqen, te’sache’q xb’aaneb’ laj Lamanita—Li Ralal li Dios chi seeb’ taachalq—A’an tixtojeb’ rix li ani neke’xjal xk’a’uxl, neke’kub’e xha’, ut neke’xpaab’ lix k’ab’a’. Wan na 82 chihab’ ma nayo’la li Kristo.
Ch’ol 10
Laj Lehi a’an ralal xk’ajol laj Manases—Laj Amulek naxye resil lix taqlahom li anjel naq a’an tixch’olani laj Alma—Xb’aan xtijeb’ li tiikeb’ xch’ool neke’kole’ xyu’am li tenamit—Eb’ laj ch’olob’anel chaq’rab’ ut laj raqol aatin li moko tiikeb’ ta xch’ool neke’xk’e xk’ojob’ankil lix sachlijik li tenamit. Wan na 82 chihab’ ma nayo’la li Kristo.
Ch’ol 11
Nayeeman resil chanru ajlanb’il lix tumineb’ laj Nefita—Laj Amulek naxwech’ rib’ rik’in laj Tzeesrom—Li Kristo ink’a’ tixkol li tenamit sa’ xmaakeb’—Ka’ajeb’ wi’ li neke’eechanink re li awa’b’ejihom re choxa neke’kole’—Chixjunileb’ li winq te’wakliiq chi ink’a’ chik te’kamq—Maak’a’ chik li kamk chirix li wakliik chi yo’yo. Wan na 82 chihab’ ma nayo’la li Kristo.
Ch’ol 12
Laj Alma na’aatinak rik’in laj Tzeesrom—Lix muqmuukil na’leb’ li Dios ka’ajwi’ naru xk’eeb’al reheb’ li tiikeb’ chi paab’ank—Eb’ li winq neke’raqe’ aatin chirixeb’ xb’aan lix k’oxlahomeb’, lix paab’ahomeb’, li raatineb’ ut lix k’anjeleb’—Eb’ laj maak te’xk’ul jun li musiq’ejil kamk—Li yu’am a’in wan wi’ li kamk a’an re xyalb’al qix—Li k’uub’anb’il na’leb’ re li tojb’al-ix naxk’e chi uxmank li wakliik chi yo’yo, ut rik’in li paab’aal, jun risinkil li maak—Eb’ li jalb’ileb’ xk’a’uxl neke’ru chixk’ulb’al li uxtaan sa’ xk’ab’a’ li K’ajolb’ej Junaj Chirib’il. Wan na 82 chihab’ ma nayo’la li Kristo.
Ch’ol 13
Eb’ li winq neke’b’oqe’ jo’ taqenaqil aj tij xb’aan xnumtajenaqil lix paab’aaleb’ ut lix chaab’il k’anjeleb’—Eb’ a’an tento te’xk’ut li taqlahom—Rik’in tiikilal neke’santob’resiik ut neke’ok sa’ xhilob’aal li Qaawa’—Laj Melkisedek kiwan choq’ jun reheb’—Eb’ li anjel yookeb’ chixch’olob’ankil li sahil esilal chiru li ch’och’—Eb’ a’an te’xch’olob’ lix k’ulunik li Kristo. Wan na 82 chihab’ ma nayo’la li Kristo.
Ch’ol 14
Laj Alma ut laj Amulek neke’tz’ape’ sa’ tz’alam ut neke’sak’e’—Eb’ laj paab’anel ut lix loq’laj tz’iib’anb’il huheb’ neke’k’ate’ rik’in xam—Eb’ li kamsinb’il sa’ xk’ab’a’ xpaab’aaleb’ neke’k’ule’ xb’aan li Qaawa’ sa’ li loq’alil—Neke’jache’ lix tz’akil li tz’alam ut neke’rume’—Laj Alma ut laj Amulek neke’kole’, ut neke’kamsiik li xe’rahob’tesink reheb’. Wan na 82–81 chihab’ ma nayo’la li Kristo.
Ch’ol 15
Laj Alma ut laj Amulek neke’xik Sidom ut neke’xxaqab’ jun li iglees—Laj Alma naxk’irtesi laj Tzeesrom, li naxjunaji rib’ rik’in li Iglees—Naab’al neke’kub’e xha’, ut na’usa li Iglees—Laj Alma ut laj Amulek neke’xik Tzarahemla. Wan na 81 chihab’ ma nayo’la li Kristo.
Ch’ol 16
Eb’ laj Lamanita neke’xsacheb’ li wankeb’ Ammonihah—Laj Tzoram naxjolomiheb’ laj Nefita sa’ xq’axb’aleb’ ru laj Lamanita—Laj Alma ut laj Amulek ut naab’al chik neke’xjultika li aatin—Neke’xk’ut naq li Kristo chirix lix waklijik chi yo’yo tixk’ut rib’ chiruheb’ laj Nefita. Wan na 81–77 chihab’ ma nayo’la li Kristo.
Ch’ol 17
Eb’ li ralal laj Mosiah wan rik’ineb’ li musiq’ej re profeetil aatin ut re k’utb’esink—Neke’xik sa’ li jar paay chi b’e re xch’olob’ankil li aatin chiruheb’ laj Lamanita—Laj Ammon naxik sa’ li ch’och’ Ismael ut na’ok choq’ moos chiru li Rey aj Lamoni—Laj Ammon naxkoleb’ lix ketomq li rey ut naxkamsiheb’ li xik’ neke’ilok re sa’ li ha’ Sebus. Sa’ li raqal 1–3 wan na 77 chihab’ ma nayo’la li Kristo; sa’ li raqal 4 wan na 91–77 chihab’; ut sa’eb’ li raqal 5–39 wan na 91 chihab’.
Ch’ol 18
Li rey aj Lamoni naxk’oxla naq laj Ammon a’an li Xnimal ru Musiq’ej—Laj Ammon naxtzol li rey chirix li Yo’ob’tesink, lix b’aanuhom li Dios rik’ineb’ li winq, ut li tojb’al-ix li na’ux xb’aan li Kristo—Laj Lamoni napaab’an ut nat’ane’ chi ch’och’ chanchan naq kamenaq. Wan na 90 chihab’ ma nayo’la li Kristo.
Ch’ol 19
Laj Lamoni naxk’ul xsaqenkil li yu’am li junelik nakana, ut naril laj Tojol-ix—Eb’ li wankeb’ sa’ rochoch neke’lukta, ut naab’al reheb’ neke’rileb’ li anjel—Laj Ammon nakole’ rix rik’in sachb’a-ch’oolej—Naxkub’siheb’ xha’ naab’al ut naxxaqab’ jun li iglees sa’ xyanqeb’. Wan na 90 chihab’ ma nayo’la li Kristo.
Ch’ol 20
Li Qaawa’ naxtaqla laj Ammon sa’ li na’ajej Middoni re risinkileb’ lix komon li wankeb’ chi preexil—Laj Ammon ut laj Lamoni neke’xk’ul lix yuwa’ laj Lamoni, li wan choq’ rey sa’ xb’een chixjunil li ch’och’—Laj Ammon naxmin ru li tiixil rey chixkanab’ankil naq te’ach’ab’aaq lix komon. Wan na 90 chihab’ ma nayo’la li Kristo.
Ch’ol 21
Laj Aaron naxtzoleb’ laj Amalekita chirix li Kristo ut li xtojb’al rix maak tixb’aanu—Laj Aaron ut eb’ lix komon neke’tz’ape’ sa’ tz’alam aran Middoni—Chirix naq ach’ab’anb’ileb’, neke’xk’ut li na’leb’ sa’eb’ li ch’utleb’aal ut naab’aleb’ neke’jale’ xch’ool—Laj Lamoni naxkanab’eb’ li tenamit sa’ li ch’och’ Ismael chi paab’ank jo’ chanru neke’raj. Wan na 90–77 chihab’ ma nayo’la li Kristo.
Ch’ol 22
Laj Aaron naxtzol lix yuwa’ laj Lamoni chirix li Yo’ob’tesink, lix t’anik laj Adan, ut li k’uub’anb’il na’leb’ re li tojb’al-ix sa’ xk’ab’a’ li Kristo—Li rey ut chixjunil lix junkab’al neke’jale’ xch’ool—Nach’olob’aman chan ru naq jachb’il ru li ch’och’ sa’ xyanqeb’ laj Nefita ut laj Lamanita. Wan na 90–77 chihab’ ma nayo’la li Kristo.
Ch’ol 23
Nataqlaman xyeeb’al naq te’ruuq chi loq’onink jo’ neke’raj—Eb’ laj Lamanita sa’ wuqub’ chi ch’och’ ut tenamit neke’jale’ xch’ool—Eb’ a’an aj Anti-Nefi-Lehi neke’xk’ul choq’ xk’ab’a’eb’ ut na’isiman chaq li majewank sa’ xb’eeneb’—Eb’ laj Amalekita ut laj Amulonita neke’xtz’eqtaana li yaal. Wan na 90–77 chihab’ ma nayo’la li Kristo.
Ch’ol 24
Eb’ laj Lamanita neke’chal sa’ xb’een lix tenamit li Dios—Eb’ laj Anti-Nefi-Lehi neke’saho’ sa’ xch’ool rik’in li Kristo ut neke’ula’aniik xb’aaneb’ li anjel—Neke’xsik’ ru li kamk chiru xkolb’al rib’ rik’in pleetik—Wankeb’ chik aj Lamanita li neke’jale’ xch’ool. Wan na 90–77 chihab’ ma nak’ulun li Kristo.
Ch’ol 25
Najek’iman li pleetik xb’aaneb’ laj Lamanita—Neke’oso’ li riyajileb’ laj tij re laj Noe jo’ chanru kixch’olob’ laj Abinadi jo’ profeet—Naab’al reheb’ laj Lamanita neke’jale’ xch’ool ut neke’xjunaji rib’ rik’in li tenamit aj Anti-Nefi-Lehi—Neke’xpaab’ li Kristo ut neke’xpaab’ lix chaq’rab’ laj Moises. Wan na 90–77 chihab’ ma nayo’la li Kristo.
Ch’ol 26
Laj Ammon naxnima xloq’al rik’in li Qaawa’—Eb’ li tiikeb’ chi paab’ank neke’k’ehe’ xmetz’ew xb’aan li Qaawa’ ut nak’eeman li na’leb’ reheb’—Rik’in paab’aal eb’ li winq te’ruuq chixk’amb’al chi mil li aamej sa’ li jalb’a-k’a’uxlej—Li Dios wan chixjunil li wankilal rik’in, ut naxtaw xyaalal chixjunil li k’a’aq re ru. Wan na 90–77 chihab’ ma nayo’la li Kristo.
Ch’ol 27
Li Qaawa’ naxtaqla laj Ammon chixk’amb’aleb’ xb’e li tenamit aj Anti-Nefi-Lehi re xkolb’al rib’eb’—Naq naxk’ul laj Alma, laj Ammon nalukta xmetz’ew xb’aan xsahil xch’ool—Eb’ laj Nefita neke’xk’e li ch’och’ Jerxon re li tenamit aj Anti-Nefi-Lehi—Xtenamit laj Ammon nayehe’ reheb’. Wan na 90–77 chihab’ ma nayo’la li Kristo.
Ch’ol 28
Eb’ laj Lamanita neke’q’axe’ ru sa’ jun li pleet q’axal ra—Lajetq mil neke’kamsiik—Neke’k’ehe’ laj maak chi wank sa’ li rahilal maak’a’ roso’jik; eb’ li tiikeb’ xch’ool neke’xk’ul li sahil ch’oolejil maajo’q’e na’oso’. Wan na 77–76 chihab’ ma nayo’la li Kristo.
Ch’ol 29
Laj Alma naraj xyaab’asinkil li jalb’a-k’a’uxlej rik’in x’anchalil xch’ool li anjel—Li Qaawa’ naxk’eheb’ laj tzolonel choq’ reheb’ chixjunil li tenamit—Laj Alma naxnima xloq’al rik’in lix k’anjel li Qaawa’ ut li usaak ke’xk’ul laj Ammon ut eb’ lix komon. Wan na 76 chihab’ ma nayo’la li Kristo.
Ch’ol 30
Laj Korihor aj xik’ ilonel re li Kristo, nareetz’u li Kristo, lix tojb’al rix li maak, ut li musiq’ej re profeetil aatin—Naxch’olob’ naq maak’a’ li Dios, maak’a’ xt’anik li winq, maak’a’ reeqaj li maak, ut maak’a’ li Kristo—Laj Alma naxch’olob’ xyaalal naq li Kristo taachalq ut naq chixjunil li k’a’aq re ru naxk’ut naq wan jun li Dios—Laj Korihor naxpatz’ jun li eetalil ut nakana chi mem—Laj tza kixk’ut chaq rib’ chiru laj Korihor jo’ anjel ut kixk’ut chiru k’a’ru tixye—Laj Korihor nayeq’iik ut nakam. Wan na 76–74 chihab’ ma nayo’la li Kristo.
Ch’ol 31
Laj Alma naxjolomi jun k’anjel re xk’amb’al wi’chik eb’ laj Tzoramita li ke’q’etok re li paab’aal—Eb’ laj Tzoramita neke’xye naq maak’a’aq li Kristo, neke’xpaab’ li na’leb’ moko yaal ta chirix li sik’ok-u, ut junaj ru lix tijeb’ naq neke’loq’onin—Eb’ laj k’amol aatin neke’nujak rik’in li Loq’laj Musiq’ej—Eb’ lix ch’a’ajkilaleb’ sub’b’il rib’ sa’ sahil ch’oolejil chirix li Kristo. Wan na 74 chihab’ ma nayo’la li Kristo.
Ch’ol 32
Laj Alma naxtzoleb’ li neb’a’ li tuulanob’resinb’ileb’ xb’aan xch’a’ajkilaleb’—Li paab’aal, a’an xyo’oninkil li k’a’ru moko ilb’il ta ru, li yaal—Laj Alma naxch’olob’ xyaalal naq eb’ li anjel neke’k’anjelak chiruheb’ li winq, li ixq, ut eb’ li kok’al—Laj Alma naxjuntaq’eeta li aatin rik’in jun li iyaj—Tento rawb’al ut xch’olaninkil—Chirix a’an naniman choq’ xtoonal li che’ li nach’oqe’ wi’ li ru che’ re li yu’am chi junelik. Wan na 74 chihab’ ma nayo’la li Kristo.
Ch’ol 33
Laj Tzenos kixk’ut naq eb’ li winq tento te’tijoq ut te’loq’oninq yalaq b’ar wankeb’ wi’, ut naq isinb’il li raqb’a-aatin sa’ xk’ab’a’ li K’ajolb’ej—Laj Tzenok kixk’ut naq nak’eeman li uxtaan sa’ xk’ab’a’ li K’ajolb’ej—Laj Moises sa’ li yamyookil ch’och’ kixtaqsi jun reetalil li Ralal li Dios. Wan na 74 chihab’ ma nayo’la li Kristo.
Ch’ol 34
Laj Amulek naxch’olob’ xyaalal naq li aatin wan rik’in li Kristo choq’ re li kolb’a-ib’—Wi ink’a’ taa’uxq xtojb’al rix li maak, chixjunileb’ li winq tento te’oso’q—Chixjunil lix chaq’rab’ laj Moises naxk’ut xyaalal naq mayejanb’ilaq li Ralal li Dios—Li junelikil k’uub’anb’il na’leb’ re li tojb’al-ix nachal xb’aan li paab’aal ut li jalb’a-k’a’uxlej—Chextijoq re xk’ulb’al li osob’tesink, re li yu’am a’in ut re li musiq’ej—Li yu’am a’in a’an li kutan tento te’xkawresi wi’ rib’ li winq chixk’ulb’al li Dios—Chek’anjela lee kolb’al rik’in eexiw chiru li Dios. Wan na 74 chihab’ ma nayo’la li Kristo.
Ch’ol 35
Lix jultikankil li aatin naxsach xk’anjeleb’ laj Tzoramita—Eb’ a’an neke’risiheb’ chaq li jalb’ileb’ xch’ool, li neke’xjunaji rib’ rik’in lix tenamit laj Ammon aran Jerxon—Laj Alma naraho’ xch’ool xb’aan xmaa’usilaleb’ li tenamit. Wan na 74 chihab’ ma nayo’la li Kristo.
Ch’ol 36
Laj Alma naxch’olob’ chiru laj Helaman xyaalal lix jalajik chaq xch’ool chirix rilb’al jun li anjel—Kixnumsi xrahil jun aamej sa’ tojb’a-maak; kixpatz’ xk’ab’a’ li Jesus, toja’ naq kiyo’la rik’in li Dios—Kinujak li raam rik’in ki’il sahil ch’oolejil—Kirileb’ li ch’uut chi anjel chixnimankil ru li Dios—Naab’al li jalb’ileb’ xch’ool ke’xyal ut ke’ril jo’ chanru kixyal ut kiril a’an. Wan na 74 chihab’ ma nayo’la li Kristo.
Ch’ol 37
Eb’ li perel ch’iich’ bronce ut xkomon chik li loq’laj hu k’uulanb’ileb’ re xk’amb’aleb’ li aamej sa’ li kolb’a-ib’—Ke’sache’ laj Jaredita xb’aan xmaa’usilaleb’—Tento naq ink’a’ taak’ehe’q re li tenamit lix muqmuukil xaqab’anb’il aatineb’ ut xsumwankeb’—Sik’omaq eena’leb’ rik’in li Qaawa’ sa’ chixjunil li nekeb’aanu—Jo’ chanru naq li Liahona kixk’ameb’ xb’e laj Nefita, jo’kan naq li raatin li Kristo naxk’ameb’ xb’e li winq sa’ li yu’am chi junelik. Wan na 74 chihab’ ma nayo’la li Kristo.
Ch’ol 38
Laj Xiblon kirahob’tesiik sa’ xk’ab’a’ li tiikilal—Li kolb’a-ib’ wan rik’in li Kristo, a’an lix yu’am ut lix saqen li ruchich’och’—Ramb’ilaq aab’aan chixjunil laa watawom. Wan na 74 chihab’ ma nayo’la li Kristo.
Ch’ol 39
Li maak re li tz’ejwalej a’an tz’eqb’eetalil—Sa’ xk’ab’a’ lix maak laj Korianton eb’ laj Tzoramita ink’a’ ke’xk’ul li aatin—Li tojb’al-ix xb’aan li Kristo taak’anjelaq re xkolb’aleb’ li ani tiikeb’ chaq chi paab’ank chi toj maji’ na’uxman a’an. Wan na 74 chihab’ ma nayo’la li Kristo.
Ch’ol 40
Li Kristo naxk’e chi uxmank xwaklijikeb’ chi yo’yo chixjunileb’ li winq—Eb’ li kamenaq tiikeb’ xch’ool neke’xik sa’ li hilob’aal na’ajej ut eb’ laj maak neke’xik sa’ najtil aak’ab’ re royb’eninkil xkutankil lix waklijikeb’ chi yo’yo—Chixjunil li k’a’aq re ru taak’ojob’aaq wi’chik sa’ tz’aqal xxaqalil chi tz’aqal re ru sa’ li wakliik chi yo’yo. Wan na 74 chihab’ ma nayo’la li Kristo.
Ch’ol 41
Sa’ li wakliik chi yo’yo eb’ li winq neke’wakli chixk’ulb’al li sahil ch’oolejil maak’a’ roso’jik malaj li rahil ch’oolejil maak’a’ roso’jik—Li maa’usilal maajun wa kiwan choq’ sahil ch’oolejil—Eb’ li tz’ejwalejil winq wankeb’ chi maak’a’eb’ xDios sa’ li ruchich’och’—Li junjunq chi winq sa’ li k’ojob’ank wi’chik tixk’ul wi’chik jo’ rilob’aal jo’ na’leb’il li wanjenaq wi’ chaq sa’ li yu’amej. Wan na 74 chihab’ ma nayo’la li Kristo.
Ch’ol 42
Li yu’am a’in a’an jun kutan re yalok-ix re naq li winq taaruuq chixjalb’al xk’a’uxl ut chi k’anjelak chiru li Dios—Li t’ane’k kixk’am chaq li kamk re li yu’am a’in ut re musiq’ej sa’ xb’eeneb’ chixjunil li winq—Nachal li tojb’al-ix xb’aan li jalb’a-k’a’uxlej—Li Dios ajwi’ naxtoj rix xmaak li ruchich’och’—Li uxtaan nawan choq’ reheb’ li neke’xjal xk’a’uxl—Chixjunileb’ li jun ch’ol chik jitb’ileb’ xb’aan lix tiik ruhil na’leb’ li Dios—Nachal li uxtaan xb’aan lix tojb’al rix li maak—Ka’ajeb’ wi’ li tz’aqal yot’b’ileb’ xch’ool neke’kole’. Wan na 74 chihab’ ma nayo’la li Kristo.
Ch’ol 43
Laj Alma ut eb’ li ralal neke’xjultika li aatin—Eb’ laj Tzoramita ut jalaneb’ chik aj Nefita li risihomeb’ chaq rib’ neke’ok choq’ aj Lamanita—Neke’chal laj Lamanita chixpleetinkileb’ laj Nefita—Laj Moroni naxk’e li kolb’a-ib’ aq’ej chirixeb’ laj Nefita—Li Qaawa’ naxk’utb’esi chiru laj Alma chanru naq eb’ laj Lamanita te’xk’uub’ li pleetik—Eb’ laj Nefita neke’xkol rix li rochocheb’, li ach’ab’aak wankeb’ wi’, lix junkab’aleb’, ut lix paab’aaleb’—Eb’ li teep chi aj pleet re laj Moroni ut laj Lehi neke’xsutiheb’ rix laj Lamanita. Wan na 74 chihab’ ma nayo’la li Kristo.
Ch’ol 44
Laj Moroni naxtaqlaheb’ laj Lamanita chixk’uub’ankil jun sumwank re tuqtuukilal malaj chi sache’k—Laj Tzerahemnah naxtz’eqtaana li yeechi’inb’il, ut natikla wi’chik li pleet—Eb’ li teep aj pleet re laj Moroni neke’xq’axeb’ ru laj Lamanita. Wan na 74–73 chihab’ ma nayo’la li Kristo.
Ch’ol 45
Laj Helaman naxpaab’ li raatin laj Alma—Laj Alma naxch’olob’ jo’ profeet lix sachlijikeb’ laj Nefita—Narosob’tesi ut naxmajewa li ch’och’—Laj Alma maare kixoke’ xb’aan li Musiq’ej, jo’ chanru ajwi’ laj Moises—Naniman li jachok-ib’ sa’ li Iglees. Wan na 73 chihab’ ma nayo’la li Kristo.
Ch’ol 46
Laj Amalikiah naxk’uub’ xna’leb’ re taa’ok choq’ rey—Laj Moroni naxtaqsi li eetalil re ach’ab’aak—Naxwaklesiheb’ xch’ool li tenamit re xkolb’al rix lix paab’aaleb’—Eb’ li tz’aqal neke’paab’an, aj Kristiano nayehe’ reheb’—Taak’uulamanq jun rela’ laj Jose—Laj Amalikiah ut eb’ laj isihom rib’ neke’eelelik sa’ li ch’och’ Nefi—Neke’k’ehe’ chi kamk li ink’a’ te’ajoq re xwaklesinkil li na’leb’ re ach’ab’aak. Wan na 73–72 chihab’ ma nayo’la li Kristo.
Ch’ol 47
Laj Amalikiah rik’in b’alaq’, kamsink, ut muqmuukil na’leb’ na’ok choq’ xreyeb’ laj Lamanita—Eb’ laj isihom rib’ aj Nefita q’axal wi’chik aj maakeb’ ut josq’eb’ chiruheb’ laj Lamanita. Wan na 72 chihab’ ma nayo’la li Kristo.
Ch’ol 48
Laj Amalikiah nareek’asi xjosq’ileb’ laj Lamanita rik’ineb’ laj Nefita—Laj Moroni naxkawresi lix tenamit re xkolb’al lix na’leb’eb’ laj Kristiano—Nasaho’ sa’ xch’ool rik’in li ach’ab’aak ut li wank sa’ xyaalalil, ut a’an jun xnimal ru winq re li Dios. Wan na 72 chihab’ ma nayo’la li Kristo.
Ch’ol 49
Eb’ laj Lamanita aj pleetinel ink’a’ neke’ru chireechaninkileb’ li kawresinb’il tenamit Ammonihah ut Noe—Laj Amalikiah naxmajewa li Dios ut naxxaqab’ aatin naq taaruk’ xkik’el laj Moroni—Laj Helaman ut eb’ lix komon toj neke’xk’e xkawilal li Iglees. Wan na 72 chihab’ ma nayo’la li Kristo.
Ch’ol 50
Laj Moroni naxk’e xkawilal lix ch’och’eb’ laj Nefita—Neke’xyiib’ naab’al li ak’ tenamit—Li pleet ut li sache’k nachal sa’ xb’eeneb’ laj Nefita sa’ xkutankil lix maa’usilaleb’ ut lix tz’eqb’eetalileb’—Laj Morianton ut eb’ li xe’risi rib’ rochb’een neke’q’axe’ ru xb’aan laj Teankum—Nakam laj Nefihah, ut laj Pahoran li ralal nakana sa’ li raqleb’aal aatin. Wan na 72–67 chihab’ ma nayo’la li Kristo.
Ch’ol 51
Eb’ li rey aj winq neke’xsik’ xjalb’al li chaq’rab’ ut xxaqab’ankil jun li rey—Laj Pahoran ut eb’ li ach’ab’anb’il winq neke’xaqab’aak xwankil xb’aan xyaab’ xkux li tenamit—Laj Moroni naxmineb’ ru li rey aj winq chixkolb’al rix lix tenamit malaj ut te’k’ehe’q chi kamk—Laj Amalikiah ut eb’ laj Lamanita neke’reechani k’iila kawresinb’il tenamit—Laj Teankum naxram ru li rokikeb’ laj Lamanita ut naxkamsi laj Amalikiah sa’ xmuheb’aal t’ikr. Wan na 67–66 chihab’ ma nayo’la li Kristo.
Ch’ol 52
Laj Ammoron naxk’ul xna’aj laj Amalikiah jo’ xreyeb’ laj Lamanita—Laj Moroni, laj Teankum, ut laj Lehi neke’xb’eresiheb’ laj Nefita sa’ jun li pleet neke’xq’ax wi’ ruheb’ laj Lamanita—Na’eechaniik wi’chik li tenamit Mulek, ut nakamsiik laj Jakob aj Tzoramita. Wan na 66–64 chihab’ ma nayo’la li Kristo.
Ch’ol 53
Neke’oksiman li preex aj Lamanita re xk’eeb’al xkawilal li tenamit Naab’alil—Xb’aan li jachok-ib’ sa’ xyanqeb’ laj Nefita kiwan li q’axok-u xb’aaneb’ laj Lamanita—Laj Helaman na’ok chixjolominkil li wiib’ mil saaj alalb’ej re lix tenamit laj Ammon. Wan na 64–63 chihab’ ma nayo’la li Kristo.
Ch’ol 54
Laj Ammoron ut laj Moroni neke’raatina rib’ chirix xq’ajsinkil li preex chirib’ileb’ rib’—Laj Moroni narelaji naq te’risi rib’ laj Lamanita ut te’xraq pleetik ut kamsink—Laj Ammoron narelaji naq eb’ laj Nefita te’xkanab’ xk’anjeleb’aal re pleet ut te’xk’e rib’ rub’el xwankileb’ laj Lamanita. Wan na 63 chihab’ ma nayo’la li Kristo.
Ch’ol 55
Laj Moroni naxye naq ink’a’ tixq’ajsiheb’ li preex—Eb’ laj k’aak’alenel aj Lamanita neke’q’unb’esiik xch’ool chi kalaak, ut neke’ach’ab’aak li preex aj Nefita—Nachape’ li tenamit Gid chi maak’a’ hoyok kik’. Wan na 63–62 chihab’ ma nayo’la li Kristo.
Ch’ol 56
Laj Helaman naxtaqla jun li hu re laj Moroni, re xyeeb’al resil li pleet rik’ineb’ laj Lamanita—Laj Antipus ut laj Helaman neke’xq’axeb’ ru laj Lamanita sa’ jun nimla pleet—Eb’ li wiib’ mil saaj ralal laj Helaman neke’pleetik rik’in sachb’a-ch’oolejil wankilal, ut maajun reheb’ nakamsiik. Raqal 1, wan na 62 chihab’ ma nayo’la li Kristo; raqal 2–19, wan na 66 chihab’ ma nayo’la li Kristo, ut raqal 20–57, wan na 65–64 chihab’ ma nayo’la li Kristo.
Ch’ol 57
Laj Helaman naxye resil naq kichape’ li tenamit Antiparah, ut li tenamit Kumeni kixq’axtesi rib’ ut moqon kikole’ rix—Eb’ lix saaj winq aj Ammonita neke’pleetik chi kaweb’ xch’ool; chixjunileb’ neke’toch’e’, a’b’an maajun nakamsiik—Laj Gid naxye resil naq ke’kamsiik ut ke’eelelik li preex aj Lamanita. Wan na 63 chihab’ ma nayo’la li Kristo.
Ch’ol 58
Laj Helaman, laj Gid, ut laj Teomner neke’xchap li tenamit Manti rik’in k’oxlanb’il pleet—Eb’ laj Lamanita neke’risi rib’—Eb’ li ralal lix tenamit laj Ammon neke’kole’ rix rik’in naq neke’xxaqab’ rib’ chi kaw sa’ xkolb’al rix li ach’ab’aak wankeb’ wi’ ut lix paab’aaleb’. Wan na 63–62 chihab’ ma nayo’la li Kristo.
Ch’ol 59
Laj Moroni naxpatz’ re laj Pahoran naq tixk’e xkawilal lix teep laj Helaman—Eb’ laj Lamanita neke’xchap li tenamit Nefihah—Laj Moroni najosq’o’ rik’in xjolomil li tenamit. Wan na 62 chihab’ ma nayo’la li Kristo.
Ch’ol 60
Laj Moroni naxwech’ laj Pahoran chirix naq lix jolomil tenamit ink’a’ naxtenq’aheb’ li teep aj pleet—Li Qaawa’ naxkanab’ chi kamsiik li tiikeb’ xch’ool—Eb’ laj Nefita tento te’roksi chixjunil lix wankileb’ ut li k’a’ru reheb’ re xkolb’al rib’ chiruheb’ li xik’ neke’ilok reheb’—Laj Moroni naxyeechi’i xpleetinkil xjolomil li tenamit wi ink’a’ te’xtaqla xtenq’ankil lix teep aj pleet. Wan na 62 chihab’ ma nayo’la li Kristo.
Ch’ol 61
Laj Pahoran naxye re laj Moroni resil li pleetink-ib’ ut li po’resink ch’oolejil rik’in xjolomil li tenamit—Eb’ li rey aj winq neke’xchap Tzarahemla ut neke’wan sa’ aatin rik’ineb’ laj Lamanita—Laj Pahoran naxtz’aama xtenq’ankil re xpleetinkileb’ laj po’resinel ch’oolej. Wan na 62 chihab’ ma nayo’la li Kristo.
Ch’ol 62
Nab’eek laj Moroni re xtenq’ankil laj Pahoran sa’ li ch’och’ Gideon—Eb’ li rey aj winq li ink’a’ neke’raj xkolb’al lix tenamiteb’ neke’k’ehe’k chi kamk—Laj Pahoran rochb’een laj Moroni neke’xchap wi’chik Nefihah—Naab’al reheb’ laj Lamanita neke’xjunaji rib’ rik’in lix tenamit laj Ammon—Laj Teankum naxkamsi laj Ammoron ut nakamsiik ajwi’—Eb’ laj Lamanita neke’alinasiik chaq sa’ li ch’och’, ut naxaqab’aman li tuqtuukilal—Laj Helaman nasutq’i sa’ xk’anjel li paab’aal ut naxwaklesi li Iglees. Wan na 62–57 chihab’ ma nayo’la li Kristo.
Ch’ol 63
Laj Xiblon ut moqon laj Helaman nareechani li santil tz’iib’anb’il esil—Naab’aleb’ aj Nefita neke’xik sa’ li ch’och’ sa’ xjayal lix nim li saq’e—Laj Hagot naxyiib’eb’ li ninqi jukub’, li neke’xik chiru li palaw sa’ rokeb’ saq’e—Laj Moronihah naxq’axeb’ ru laj Lamanita sa’ pleet. Wan na 56–52 chihab’ ma nayo’la li Kristo.