Alma

Mormon Nwoma

Dza Ɔwɔ Mu
Mbueienyi na Adasefo
1 Nephi
2 Nephi
Jacob
Enos
Jarom
Omni
Mormon ne Nsɛm
Mosiah
Alma
Helaman
3 Nephi
4 Nephi
Mormon
Ether
Moroni

Alma

Tsir 1
Nehor ma ator nkyerɛkyerɛ, ɔkyekyer asɔr, ɔhyɛ asɔfoɔtorsom ase, na oku Gideon—Woku Nehor wɔ n’ewudzi ho—Asɔfoɔtorsom nkyerɛkyerɛ na atseetsee petse nkorɔfo no mu—Asɔfo no yɛ pampam suo mu, nkorɔfo no hwɛ ehiafo, na Asɔr no yɛ prɔmprɔm. Bɛyɛ mfe 91–88 Ansaana wɔbɔwo Christ.
Tsir 2
Amlici per dɛ obedzi hen na dɔm no ammpen do—N’akãdofo hyɛ no ɔhen—Amlicifo tu Nephifo do sa na wodzi ɔkogu—Lamanfo na Amlicifo kã hɔn nsordaafo bɔmu na wodzi ɔkogu—Alma ku Amlici. Bɛyɛ mfe 87 Ansaana wɔbɔwo Christ.
Tsir 3
Amlicifo hyɛ hɔnho nsew dɛ mbrɛ nkɔnhyɛsɛm se—Ndom akã Lamanfo wɔ hɔn etuatsew ntsi—Nyimpa hɔnara wɔdze ndom ba hɔn do—Nephifo dzi Laman nsordaafo binom so do konyim. Bɛyɛ mfe 87–86 Ansaana wɔbɔwo Christ.
Tsir 4
Alma numa nyimpa mpempem a wɔasakyer—Emumuyɛ hɛn Asɔr no mu, na Asɔr no no mpontu brɛ adze—Woyi Nephihah ma ɔbɛyɛ ɔtsɛmbuafo panyin—Alma, dɛ ɔyɛ sɔfopanyin no, tu noho si hɔ yɛ ɔsomdwuma no. Bɛyɛ mfe 86–83 Ansaana wɔbɔwo Christ.
Tsir 5
Ansaana adasamba benya nkwagye no, ɔwɔ dɛ wonu hɔnho na wodzi mbrasɛm no do, wɔwo hɔn fofor, wɔhor hɔn ntar wɔ Christ no bɔgyaa no mu, wɔyɛ ahobrɛadze na woyi ahantanyɛ na enyitan akwa na wɔyɛ ndwuma a ɔtsen—Oguanhwɛfo Pa no frɛ No nkorɔfo—Hɔn a wɔyɛ ndwuma bɔn no yɛ abɔnsam mba—Alma gye dase dɛ ne nkyerɛkyerɛ no yɛ nokwar na ɔhyɛ adasamba dɛ wonnu hɔnho—Wɔbɛkyerɛw atseneneefo no hɔn edzin wɔ nkwa nwoma no mu. Bɛyɛ mfe 83 Ansaana wɔbɔwo Christ.
Tsir 6
Wɔtsew Asɔr a ɔwɔ Zarahemla no ho na wɔhyehyɛ no mu dwumadzi no yie—Alma kɔ Gideon kɛkã asɛmpa no. Bɛyɛ mfe 83 Ansaana wɔbɔwo Christ.
Tsir 7
Mary na ɔbɔwo Christ—Obobubu owu mpokyerɛ mu na Ɔasoa No nkorɔfo hɔn bɔn—Hɔn a wonu hɔnho, wonuma hɔn, na wodzi mbrasɛm no do no benya onnyiewiei nkwa—Efĩfĩdze runntum nntsena Nyankopɔn ahenman mu—Ahobrɛadze, gyedzi, enyidado, na ayamuyie na wohia. Bɛyɛ mfe 83 Ansaana wɔbɔwo Christ.
Tsir 8
Alma kã asɛmpa na onuma wɔ Melek—Wɔpow no wɔ Ammonihah na ofi hɔ—Ɔbɔfo hyɛ no dɛ ɔnsan na ɔnkɔbɔ nnuho ho dawur nkyerɛ nkorɔfo no—Amulek gye no, na hɔn beenu kã nsɛmpa wɔ Ammonihah. Bɛyɛ mfe 82 Ansaana wɔbɔwo Christ.
Tsir 9
Alma hyɛ nkorɔfo a wɔwɔ Ammonihah dɛ wonnu hɔnho—Ewuradze bohu Lamanfo mbɔbɔr wɔ nda a odzi ekyir no mu—Sɛ Nephifo pow kan no a, Lamanfo bɛsɛɛ hɔn—Nyankopɔn ne Ba no reba ntsɛm—Ɔbɔpon hɔn a wonu hɔnho na wonuma hɔn na wonya gyedzi wɔ Ne dzin mu. Bɛyɛ mfe 82 Ansaana wɔbɔwo Christ.
Tsir 10
Lehi yɛ Manasseh n’asenyi—Amulek kaa ɔbɔfo n’ahyɛdze dɛ ɔnhwɛ Alma do no—Atseneneefo hɔn mpaabɔ ma wɔgye dɔm no—Mbranyimfo nye atsɛmbuafo a wɔnntsen a bɔ fapem to hɔ ma dɔm no hɔn nsɛe. Bɛyɛ mfe 82 Ansaana wɔbɔwo Christ.
Tsir 11
Wɔkyerɛkyerɛ Nephifo sika mu—Amulek nye Zeezrom fimfɛn—Christ renngye nkorɔfo nkwa wɔ hɔn bɔn mu—Hɔn a wobenya sor ahenman no edzi nko na wɔbɛgye hɔn nkwa—Nyimpa nyina dze bɛkyebo honandua bɔsoɛr—Owu biara nnyi Owusoɛr ekyir. Bɛyɛ mfe 82 Ansaana wɔbɔwo Christ.
Tsir 12
Alma kasa kyerɛ Zeezrom—Wobotum eyi Nyame n’esumasɛm no akyerɛ agyedzifo nko—Wobodua dza nyimpa dwen, gye dzi, nsɛm na ndwuma do ebu hɔn atsɛn—Emumuyɛfo bowu sunsum mu wu—Dɛm asetsena a ɔnnkye bo a yɛwɔ mu yi yɛ nsɔhwɛber tsebew—Ɔpon ho nhyehyɛɛ no dze owusoɛr ba, na wɔnam gyedzi do nya bɔnfakyɛ—Wɔnam Ɔba a Wɔwoo no Kortoo no no do bohu nyia oenu noho no mbɔbɔr. Bɛyɛ mfe 82 Ansaana wɔbɔwo Christ.
Tsir 13
Wɔnam mbarimba hɔn gyedzi kɛse nye hɔn ndwuma pa do frɛ hɔn ma wɔbɛyɛ asɔfo mpanyin—Ɔwɔ dɛ wɔkyerɛkyerɛ mbrasɛm no—Wɔnam ndzeyɛtsenenee do wɔtsew hɔnho na wɔhɛn Ewuradze n’ahomgye mu—Melchizedek yɛ hɔn mu kor—Abɔfo robɔ enyigyesɛm no dawur wɔ asaase nyina do—Wɔbɛda Christ ne mbae ankasa edzi. Bɛyɛ mfe 82 Ansaana wɔbɔwo Christ.
Tsir 14
Wɔdze Alma na Amulek gu efiadze na wɔhwe hɔn—Wɔdze gya hyew agyedzifo no nye hɔn kyerɛwsɛm krɔnkrɔn no—Ewuradze gye dɛm nkorɔfo yi a wokunkum hɔn wɔ hɔn gyedzi ho no wɔ enyimnyam mu—Efiadze afasu no mu paa na odwuruw gu famu—Wɔgye Alma na Amulek na woku hɔn atseetseefo no. Bɛyɛ mfe 82–81 Ansaana wɔbɔwo Christ.
Tsir 15
Alma na Amulek kɔ Sidom na wɔkyekyer asɔr—Alma sa Zeezrom yarba na ɔbɛkã Asɔr no ho—Wonuma dodowara na Asɔr no yɛ prɔmprɔm—Alma na Amulek kɔ Zarahemla. Bɛyɛ mfe 81 Ansaana wɔbɔwo Christ.
Tsir 16
Lamanfo sɛɛ Ammonihah no nkorɔfo no—Zoram dzi Nephifo enyim ma wokedzi Lamanfo do konyim—Alma nye Amulek nye binom so kã asɛmpa no—Wɔkyerɛkyerɛ dɛ Christ No Wusoɛr ekyir no, obeyi noho akyerɛ Nephifo no. Bɛyɛ mfe 81–77 Ansaana wɔbɔwo Christ.
Tsir 17
Mosiah ne mbabanyin nya nkɔnhyɛ nye nyikyerɛ sunsum—Wɔpaapaa hɔn mu na obiara fa no kwan dɛ ɔrokɔbɔ asɛm no dawur akyerɛ Lamanfo no—Ammon kɔ Ishmael asaase do na ɔbɛyɛ ɔhen Lamoni n’akowaa—Ammon gye ɔhen no nguankuw na oku n’atamfo wɔ Sebus esu ho. Nkyekyɛmu 1–3, bɛyɛ mfe 77 Ansaana wɔbɔwo Christ; nkyekyɛmu 4, bɛyɛ mfe 91–77 Ansaana wɔbɔwo Christ; nye nkyekyɛmu 5–39, bɛyɛ mfe 91 Ansaana wɔbɔwo Christ.
Tsir 18
Ɔhen Lamoni susu dɛ Ammon nye Sunsum Kɛse no—Ammon kyerɛkyerɛ ɔhen no ndzɛmba a ɔfa Abɔdze ho, kwan a Nyankopɔn nye nyimpa nam do nye ɔpon no a ɔnam Christ mu ba—Lamoni gye dzi na ɔhwe ase dɛ ma oewu. Bɛyɛ mfe 90 Ansaana wɔbɔwo Christ.
Tsir 19
Lamoni ne nsa kã daapem nkwa kan no na ohu Ɔpomfo no—Ne fifo hɔn akra tɔɔ gon na pii huhuu abɔfo—Wɔkora Ammon do wɔ nwanwa kwan do—Onuma pii na ɔkyekyer asɔr wɔ hɔn mu. Bɛyɛ mfe 90 Ansaana wɔbɔwo Christ.
Tsir 20
Ewuradze soma Ammon dɛ ɔnkɔ Midoni nkeyi n’enuanom no a wɔda efiadze no—Ammon na Lamoni hyia Lamoni n’egya, ɔno na ɔyɛ ɔmanhen wɔ asaase no nyina do—Ammon hyɛ ɔhen akɔkora no ma ɔpen do dɛ obeyi n’enuanom no efi efiadze. Bɛyɛ mfe 90 Ansaana wɔbɔwo Christ.
Tsir 21
Aaron kã Christ nye No Werdambɔ ho asɛm kyerɛ Amalekifo—Wɔdze Aaron na n’enuanom gu efiadze wɔ Middoni—Woyii hɔn n’ekyir no wɔkyerɛkyerɛ wɔ nhyiamudan no mu na wɔsakyer akra pii—Lamoni dze nyamesom ho fahodzi ma nkorɔfo a wɔwɔ Ishmael asaase do no. Bɛyɛ mfe 90–77 Ansaana wɔbɔwo Christ.
Tsir 22
Aaron kã Abɔdze, Adam n’Asehwe na ɔpon ho nhyehyɛɛ a ɔnam Christ mu ba ho asɛm kyerɛ Lamoni n’egya—Ɔmanhen no nye ne fifo nyina sakyer—Wɔkyerɛ mbrɛ wosi kyɛ asaase no mu ma Nephifo na Lamanfo no kyerɛ hɔn. Bɛyɛ mfe 90–77 Ansaana wɔbɔwo Christ.
Tsir 23
Wɔbɔ nyamesom ho fahodzi ho dawur—Lamanfo a wɔwɔ nsaase esuon nye nkurow mu sakyer—Wɔfrɛ hɔnho Anti-Nephi-Lehifo na woyi hɔn fi ndom ase—Amalekifo nye Amulonfo pow nokwar no. Bɛyɛ mfe 90–77 Ansaana wɔbɔwo Christ.
Tsir 24
Lamanfo no ba Nyankopɔn no nkorɔfo no do—Anti-Nephi-Lehifo dzi dɛw wɔ Christ mu na abɔfo bɛsera hɔn—Wɔpɛ dɛ wowu kyɛn dɛ wɔbɔkõ agye hɔnho—Lamanfo pii so sakyer. Bɛyɛ mfe 90–77 Ansaana wɔbɔwo Christ.
Tsir 25
Lamanfo hɔn ntoabɔ no tserɛw—Noah n’asefo asɔfo no hera dɛ mbrɛ Abinadi hyɛ ho nkɔm no—Lamanfo pii sakyer na wɔkɛkã Anti-Nephi-Lehifo ho—Wɔgye Christ dzi na wodzi Moses mbra do. Bɛyɛ mfe 90–77 Ansaana wɔbɔwo Christ.
Tsir 26
Ammon tuw noho wɔ Ewuradze mu—Ewuradze hyɛ agyedzifo dzen na ɔma hɔn nyimdzee—Nyimpa botum edua gyedzi do dze akra mpempem aba nnuho mu—Nyankopɔn wɔ tum nyina na adze nyina mu ntseasee. Bɛyɛ mfe 90–77 Ansaana wɔbɔwo Christ.
Tsir 27
Ewuradze hyɛ Ammon dɛ ondzi Anti-Nephi-Lehifo enyim kan nkɔ bea a hɔyɛ dwudwoodwo—Ammon hyia Alma, onya enyigye mbordo ma n’ahom pa—Nephifo dze Jershon asaase no ma Anti-Nephi-Lehifo—Wɔfrɛ hɔn Ammon no nkorɔfo. Bɛyɛ mfe 90–77 Ansaana wɔbɔwo Christ.
Tsir 28
Lamanfo dzi ɔkogu wɔ ɔkõ huhu bi mu—Woku nyimpa ɔpepedu—Emumuyɛfo bɔkɔ mbusu a onnyi ewiei tsebew mu; na atseneneefo eenya enyigye a onnyi ewiei da. Bɛyɛ mfe 77–76 Ansaana wɔbɔwo Christ.
Tsir 29
Alma pɛ dɛ obenya abɔfo ndze dze akã nnuho ho asɛm—Ewuradze dze akyerɛkyerɛfo ma aman nyina—Alma tuw noho wɔ Ewuradze n’edwuma mu nye konyim a Ammon na n’enuanom edzi mu. Bɛyɛ mfe 76 Ansaana wɔbɔwo Christ.
Tsir 30
Korihor, Christ-otsiafo no, si Christ, Werdambɔ no, na nkɔnhyɛ sunsum no atwetwe—Ɔkyerɛkyerɛ dɛ Nyame, nyimpa asehwe, bɔn ho akatua na Christ biara nnyi hɔ—Alma gye dase dɛ Christ bɛba na ndzɛmba nyina kyerɛ dɛ Nyame wɔ hɔ—Korihor bisa asɛnkyerɛdze na otwa hwe famu na ɔtɔ mmum—Abɔnsam yi noho kyerɛ Korihor dɛ ɔbɔfo na ɔkyerɛ no dza ɔnkã—Wotsiatsia Korihor do na owu. Bɛyɛ mfe 76–74 Ansaana wɔbɔwo Christ.
Tsir 31
Alma dzi asɛmpasomafo binom enyim ma wɔkɛgye Zoramfo a wɔahwe ase wɔ gyedzi mu no—Zoramfo pow Christ, wɔgye adzehun dzi, na wogyina mpaabɔ bi a wɔahyehyɛ ato hɔ do som—Sunsum Krɔnkrɔn hyɛ asɛmpasomafo mã—Enyigye a wɔwɔ no Christ mu men hɔn amandzehu. Bɛyɛ mfe 74 Ansaana wɔbɔwo Christ.
Tsir 32
Alma kyerɛkyerɛ abɔbɔfo no a hɔn amandzehu abrɛ hɔn adze no—Gyedzi nye enyidado wɔ adze a enyi nntua ho na eso ɔyɛ nokwar—Alma gye dase dɛ abɔfo som mbanyin, mbaa na mbofra—Alma dze asɛm no too aba ho—Ɔwɔ dɛ wodua na wogugu do nsu na wosiesie ho—Nna onyin yɛ dua na no do na wɔtsew onnyiewiei nkwa eduaba fi. Bɛyɛ mfe 74 Ansaana wɔbɔwo Christ.
Tsir 33
Zenos kyerɛkyerɛɛ dɛ ɔsɛ dɛ nyimpa bɔ mpaa na ɔsom wɔ mbea nyina do, na osian Ɔba no ntsi woeyi atsɛmbu efi hɔ—Zenock kyerɛkyerɛɛ dɛ osian Ɔba no ntsi, wɔdze ehumbɔbɔr ama—Moses ma Ɔba no ne ngyinahɔmadze do wɔ sar no do. Bɛyɛ mfe 74 Ansaana wɔbɔwo Christ.
Tsir 34
Amulek gye dase dɛ asɛm no wɔ Christ mu dze kɔ nkwagye mu—Sɛ werdambɔ ammba a nkyɛ adasamba nyina bɛhera—Moses mbra nyina kyerɛ Nyame ne Ba n’afɔrbɔ no—Onnyiewiei ɔpon ho nhyehyɛɛ no gyina gyedzi na nnuho do—Bɔ mpaa fa hwehwɛ honam nye sunsum mu nhyira—Nkwaber yi mu na ɔwɔ dɛ adasamba siesie hɔnho dze hyia Nyame kwan—Fa suro yɛ wo nkwagye ho edwuma wɔ Nyame enyim. Bɛyɛ mfe 74 Ansaana wɔbɔwo Christ.
Tsir 35
Asɛmpa ne kã sɛɛ Zoramfo no ndwuma bɔn no—Wɔpam hɔn a wɔasakyer no na wɔakɛka Ammon no nkorɔfo a wɔwɔ Jershon no ho—Osian nkorɔfo no hɔn emumuyɛ ntsi, Alma dzi yaw. Bɛyɛ mfe 74 Ansaana wɔbɔwo Christ.
Tsir 36
Alma gye ne nsakyeree no ho dase kyerɛ Helaman ekyir no a ohun ɔbɔfo no—Ohun amandze tse dɛ ɔkra a woebu no fɔ; ɔbɔ mpaa bɔ Jesus ne dzin, na nkyii Nyankopɔn wo no—Dɛw dɛɛdɛw hyɛ ne kra mã—Ohu abɔfo mpempem dɛ woriyi Nyankopɔn ayɛw—Nkorɔfo dodow a wɔasakyer no sɔe hwɛe na wohun dɛ mbrɛ ɔsɔe hwɛe na ohunii no. Bɛyɛ mfe 74 Ansaana wɔbɔwo Christ.
Tsir 37
Wɔkora ayewa mprɛtse nye kyerɛwsɛm binom do dze aagye akra aba nkwagye mu—Osian Jaredfo hɔn emumuyɛ ntsi wɔsɛɛ hɔn—Ɔwɔ dɛ wɔdze hɔn nsumaamu nsewdzi na ahyɛmudzi suma nkorɔfo no—Enye Ewuradze ndwendwen biribiara a ebɛyɛ ho—Dɛ mbrɛ Liahona gyaa Nephifo no, dɛmara na Christ gye nyimpa kɔ onnyiewiei nkwa mu. Bɛyɛ mfe 74 Ansaana wɔbɔwo Christ.
Tsir 38
Wɔtseetsee Shiblon wɔ tseneneeyɛ ho—Nkwagye wɔ Christ mu, ɔno a ɔyɛ wiadze nkwa na kan—Hom w’adwen mu nkã tse do. Bɛyɛ mfe 74 Ansaana wɔbɔwo Christ.
Tsir 39
Ndwamambɔ yɛ ekyiwadze kɛse—Corianton no bɔn no maa Zoramfo anngye asɛm no—Christ ne ɔpon no wɔ hɔ ma nokwafo a wodzii ne kan no. Bɛyɛ mfe 74 Ansaana wɔbɔwo Christ.
Tsir 40
Christ dze owusoɛr brɛ adasamba nyina—Atseneneefo a woewuwu no kɔ paradise na emumuyɛfo no so kɔ ekyirekyir sum mu rokɔtweɔn hɔn wusoɛr da no—Wɔdze ndzɛmba nyina san anan mu dze hɔn akɔ hɔn tsebea a odzi mu no mu wɔ Owusoɛr no mu. Bɛyɛ mfe 74 Ansaana wɔbɔwo Christ.
Tsir 41
Nyimpa benya enyigye a onnyi ewiei anaa awerɛhow a onnyi ewiei tsebew wɔ Owusoɛr no mu—Emumuyɛdze nnyɛ enyigyedze ara da—Hɔn a wɔyɛ honam ndwuma no nnyi Nyame wɔ wiadze yi mu—Nyimpa biara benya no su nye ndzɛmba a nna nkyɛ ɔwɔ no wɔ dɛm asetsena a ɔnnkye bo a yɛwɔ mu yi bio wɔ Nsanananmu. Bɛyɛ mfe 74 Ansaana wɔbɔwo Christ.
Tsir 42
Asetsena a ɔnnkye bo yi yɛ nsɔhwɛber ama nyimpa eetum enu noho na ɔasom Nyankopɔn—Asehwe no dze honam nye sunsum mu owu baa adasamba nyina do—Ɔpon nam nnuho do ba—Nyankopɔn Nankasa abɔ werdam dze ama wiadze bɔn—Ehumbɔbɔr wɔ hɔ ma hɔn a wonu hɔnho—Hɔn a wɔaka no nyina hyɛ Nyankopɔn ne pɛrpɛrdzi ase—Osian Werdambɔ no ntsi na ehumbɔbɔr ba—Nyia oenu noho nokwar mu no na wɔbɛgye no nkwa. Bɛyɛ mfe 74 Ansaana wɔbɔwo Christ.
Tsir 43
Alma na ne mbabanyin kã asɛm no—Zoramfo na Nephifo etuatsewfo binom bɛyɛ Lamanfo—Lamanfo tu Nephifo do sa—Moroni dze bambɔ ho akodze ma Nephifo—Ewuradze da nhyehyɛɛ a Lamanfo ayɛ edzi kyerɛ Alma—Nephifo bɔ hɔn efi, ahotɔ, ebusua ebusua na nyamesom ho ban—Moroni na Lehi nsordaafo twa Lamanfo ho hyia. Bɛyɛ mfe 74 Ansaana wɔbɔwo Christ.
Tsir 44
Moroni hyɛ Lamanfo dɛ wɔnye hɔn ndzi asomdwee ahyɛmu annyɛ dɛm a, wɔbɛsɛɛ hɔn—Zerahemnah pow nhyehyɛɛ no, na ɔkõ hyɛ ase bio—Moroni no nsordaafo dzi Lamanfo do konyim. Bɛyɛ mfe 74–73 Ansaana wɔbɔwo Christ.
Tsir 45
Helaman gye Alma ne nsɛm dzi—Alma hyɛ Nephifo nsɛɛe ho nkɔm—Ohyira na ɔdze ndom kã asaase no—Bi a Sunsum no faa Alma kɔr sor dɛ mbrɛ ɔfaa Moses no—Etuatsew soɛr asɔr no mu. Bɛyɛ mfe 73 Ansaana wɔbɔwo Christ.
Tsir 46
Amalickiah paam tsir do dɛ obedzi hen—Moroni ma fahotɔ mfrankaa do wɔ sor—Ɔkã nkorɔfo no boa ano ma wɔbɔ hɔn nyamesom ho ban—Wɔfrɛ agyedzifo mapa no Christianfo—Wɔbɔkora Joseph nkaa do—Amalickiah na etuatsewfo no guan kɔ Nephi asaase do—Woku hɔn a wɔpow dɛ wobosuo mu ma woenya fahodzi no. Bɛyɛ mfe 73–72 Ansaana wɔbɔwo Christ.
Tsir 47
Amalickiah dua kɔnkɔnsa, ewudzi na nsumaamu nhyehyɛɛ bɔn do bɛyɛ Lamanfo hɔn hen—Nephi etuatsewfo no yɛ emumuyɛfo na abɔyafo kyɛn Lamanfo no. Bɛyɛ mfe 72 Ansaana wɔbɔwo Christ.
Tsir 48
Amalickiah nunu Lamanfo no ma wotsia Nephifo—Moroni siesie no nkorɔfo ma wɔbɔ dza ɔma wɔyɛ Christianfo no ho ban—Odzi dɛw wɔ ahotɔ na fahodzi mu na ɔyɛ Nyame nyimpa ɔkokodurfo. Bɛyɛ mfe 72 Ansaana wɔbɔwo Christ.
Tsir 49
Lamanfo no a woetu sa no nntum mmfa Ammonihah na Noah nkurow a wɔabɔ ho ban no—Amalickiah paa Nyame na ɔkã ntam dɛ ɔbɔnom Moroni no bɔgyaa—Helaman na n’enuanom kɔ do hyɛ Asɔr no dzen. Bɛyɛ mfe 72 Ansaana wɔbɔwo Christ.
Tsir 50
Moroni bɔ Nephifo nsaase ho ban—Wɔkyekyer nkuropɔn fofor pii—Ɔkõ na ɔsɛɛ ba Nephifo do wɔ hɔn emumuyɛ na ekyiwadze nda no mu—Teancum dzi Morianton na no etuatsewfo do konyim—Nephihah wu na ne ba Pahoran bɛtsena atsɛmbu egua no do. Bɛyɛ mfe 72–67 Ansaana wɔbɔwo Christ.
Tsir 51
Ahensifo no pɛ dɛ wɔsesã mbra no na wɔhyɛ ɔhen—Dɔm no fua Pahoran na fahodzifo no ekyir—Moroni hyɛ ahensifo no dɛ wɔmbɔ hɔn ahotɔ ho ban, annyɛ dɛm a woboku hɔn—Amalickiah nye Lamanfo no fa nkurow pii a wɔabɔ ho ban—Teancum san Laman akofo no na oku Amalickiah wɔ n’asese mu. Bɛyɛ mfe 67–66 Ansaana wɔbɔwo Christ.
Tsir 52
Ammoron dzi Amalickiah n’adze na odzi Lamanfo do hen—Moroni, Teancum, na Lehi dzi Nephifo enyim ma wɔnye Lamanfo kõ dzi hɔn do konyim—Wɔsan gye Mulek kurow na woku Jacob, Zoramnyi no. Bɛyɛ mfe 66–64 Ansaana wɔbɔwo Christ.
Tsir 53
Wɔdze Laman adaduafo bɔ Dzifuu kuropɔn no ho ban—Etuatsew a osi Nephifo mu no dze Lamanfo hɔn konyimdzi ba—Helaman hwɛ Ammon no nkorɔfo no hɔn mberantsɛ a wɔyɛ nsordaafo mpemebien do. Bɛyɛ mfe 64–63 Ansaana wɔbɔwo Christ.
Tsir 54
Ammoron na Moroni kã kwan a wɔbɛfa do asesã adaduafo ho asɛm—Moroni hwehwɛ dɛ Lamanfo bɔtwe hɔn nsordaafo ekyir na woegyaa hɔn yerɛyerɛw no yɛ—Ammoron hwehwɛ dɛ Nephifo dze hɔn akodze bogu famu na wɔabɛhyɛ Lamanfo ase. Bɛyɛ mfe 63 Ansaana wɔbɔwo Christ.
Tsir 55
Moroni pow dɛ ɔbɛsesa adaduafo—Wɔdze nsã daadaa Laman aweɔmfo no ma wɔbow, na woyi Nephi adaduafo no ma woguan—Wɔfa Gid kurow wɔ ber a wɔnnkã bɔgya biara nngu. Bɛyɛ mfe 63–62 Ansaana wɔbɔwo Christ.
Tsir 56
Helaman dze krataa kɛma Moroni kɛkã ɔkõ a wɔnye Lamanfo kõe no mu nsɛm kyerɛ no—Antipus na Helaman dzi konyim kɛse wɔ Lamanfo do—Helaman ne mberantsɛ mpemebien no dze tum nwanwa bi kõ na wonnku hɔn mu biara. Nkyekyɛmu 1, bɛyɛ mfe 62 Ansaana wɔbɔwo Christ; nkyekyɛmu 2–19, bɛyɛ mfe 66 Ansaana wɔbɔwo Christ; nye nkyenkyɛmu 20–57, bɛyɛ mfe 65–64 Ansaana wɔbɔwo Christ.
Tsir 57
Helaman kã Antiparah ne mfae nye hɔnho a wɔdze mae na ekyir no wɔkɔbɔ Cumeni ho ban ho asɛm—Ammon ne mberantsɛmba no kõ akokodur mu na wopirapira hɔn nyina na mbom wonnku obiara—Gid kã Lamanfo hɔn nkumii na Laman adaduafo hɔn nguanee ho asɛm. Bɛyɛ mfe 63 Ansaana wɔbɔwo Christ.
Tsir 58
Helam, Gid na Teomner fa nyansakwan bi do gye Manti kuropɔn no—Lamanfo twe san—Ammon no nkorɔfo hɔn mbabanyin no gyina pintsinn dɛ wɔdze robɔ hɔn ahotɔ na gyedzi ho ban. Bɛyɛ mfe 63–62 Ansaana wɔbɔwo Christ.
Tsir 59
Moroni kã kyerɛ Pahoran dɛ ɔmfa nsordaafo nkɔboa Helaman—Lamanfo fa Nephihah kuropɔn no—Moroni no bo fuw aban no. Bɛyɛ mfe 62 Ansaana wɔbɔwo Christ.
Tsir 60
Moroni hwinhwin Pahoran aban no dɛ oebu enyi egu nsordaafo no do—Ewuradze ma kwan ma woku atseneneefo—Nephifo no wɔ dɛ wɔdze hɔn tum nyina, na wɔfa kwan biara a wobotum do gye hɔnho fi hɔn atamfo nsa—Moroni hunahuna aban no dɛ sɛ ɔammfa mboa amma no nsordaafo no a, ɔbɛba no do nye no abɔkõ. Bɛyɛ mfe 62 Ansaana wɔbɔwo Christ.
Tsir 61
Pahoran kã mbrɛ nkorɔfo esi akã hɔnho abɔmu na wɔatsew aban no do etua ho asɛm kyerɛ Moroni—Ahensifo no fa Zarahemla na wɔnye Lamanfo yɛ kor—Pahoran serɛ nsordaafo a wɔbɔboa no ma ɔnye etuatsewfo no akõ. Bɛyɛ mfe 62 Ansaana wɔbɔwo Christ.
Tsir 62
Moroni si mu dɛ ɔrokɔboa Pahoran wɔ Gideon asaase do—Woku ahensifo no a wɔmmpɛ dɛ wɔbɔ hɔn man ho ban no—Pahoran na Moroni san gye Niphihah—Lamanfo pii bɛkã Ammon no nkorɔfo ho—Teancum ku Ammoron na woku no so—Wɔpam Lamanfo no fi asaase no do, na asomdwee ba—Helaman san bɛyɛ ɔsomdwuma no na ɔkyekyer Asɔr no. Bɛyɛ mfe 62–57 Ansaana wɔbɔwo Christ.
Tsir 63
Shiblon na ekyir no Helaman fa nkyerɛwee krɔnkrɔn no sie—Nephifo pii tu kwan kɔ asaase a ɔda etsifi no do—Hagoth pam hɛn a ɔkɔ po a ɔda anee afamu no do—Moronihah dzi Lamanfo do konyim wɔ ɔkõ mu. Bɛyɛ mfe 56–52 Ansaana wɔbɔwo Christ.