1 Im kiiō, nejū m̧aan, ippa eļapļo̧k ikōņaan ba kōn jepļaaktok eo kar kōnono kake; bwe lo, jet raar ^akaankekeik jeje ko rekwōjarjar, im kar ^bjebwābwe kōnke men in. Im ij kile bwe am̧ ļōmņak eaar bar inepata barāinwōt kōn men in. A lo, inaaj kōmmeļeļeiki n̄an eok.

2 Ij ba n̄an eok, nejū m̧aan, bwe karōk in jepļaaktok emennin aikuj n̄an jim̧we an Anij; bwe emennin aikuj bwe aolep men kein ren bar jepļaak n̄an jekjek ko aer reweeppān. Lo, emennin aikuj im jejjet, ekkar n̄an kajoor in im jerkakpeje an Kraist, bwe jetōb an armej en bar jepļaak n̄an ānbwin eo, im bwe ^am̧ōttan otemjej an ānbwin eo ren bar jepļaak n̄an e make.

3 Im emennin aikuj kōn ^ajim̧we an Anij bwe armej ren ^bekajet ekkar n̄an ^cjerbal ko aer; im eļan̄n̄e jerbal ko aer raar em̧m̧an ilo mour in, im ikdeelel ko an burueer raar em̧m̧an, bwe ren aikuj barāinwōt, ilo raan eo āliktata, bar ^djepļaak n̄an men eo em̧m̧an.

4 Im eļan̄n̄e jerbal ko aer rej nana naaj bar ^ajepļaakļo̧k n̄an er kōn nana. Kōn menin, aolep men kein renaaj bar jepļaak n̄an jekjek ko aer reweeppān, kajjojo men otemjeļo̧k n̄an jekjek eo an makmake—^bmour ilaļ ej jerkak n̄an mour eo ilan̄, ^cwabanban n̄an jab wabanban—jerkak n̄an ^dm̧ōņōņō indeeo n̄an jolōt aelōn̄ in Anij, ak n̄an būrom̧ōj indeeo n̄an jolōt aelōn̄ eo an devil, ilo juon wāween ej juon, im bar juon ilo wāween eo juon—

5 Eo ej jerkak n̄an m̧ōņōņō ekkar n̄an ikdeelel ko an kōn m̧ōņōņō, ak em̧m̧an ekkar n̄an ikdeelel ko an kōn em̧m̧an; im eo bar juon n̄an nana ekkar n̄an ikdeelel ko an kōn nana; bwe āinwōt an kar kōņaan kōm̧m̧an nana aolepān raan eo em̧ool āindein enaaj bōk an jinōkjej in nana n̄e bon̄ ej itok.

6 Im āindein ej ilo wāween eo bar juon. Eļan̄n̄e eaar ukeļo̧k jān jero̧wiwi ko an, im kar kōņaan em̧m̧an m̧ae jem̧ļo̧kin raan ko an, em̧ool āindein naaj leļo̧k n̄an e jinōkjej n̄an weeppān.

7 ^aEr rein ro rej bōk lo̧mo̧o̧ren jān Irooj; aaet, er rein ro rej bōk er, bwe ren lo̧mo̧o̧ren er jān bon̄ōn marok indeeo, im āindein rej jutak ak bun̄; bwe lo, rej ro aer ^briekajet make, men̄e n̄an kōm̧m̧an em̧m̧an ak kōm̧m̧an nana.

8 Kiiō, kean̄ ko an Anij ^arejjab ukoktak, kōn menin, iaļ eo kōpooje bwe jabdewōt ekōņaan en maron̄ etetal ie im mour.

9 Im kiiō lo, nejū m̧aan, jab kōjelbabō kōn ^abar juon bōd ņae am̧ Anij kōn pedped in katak kein, ko kwaar m̧ad ilo iien am kōjelbabō n̄an kōm̧m̧an jero̧wiwi.

10 Kwōn jab ļōmņak, kōnke eaar kōnono kōn jepļaak, bwe kwōnaaj bar kōjepļaak eok jān jero̧wiwi n̄an m̧ōņōņō. Ij ba n̄an eok ^ajero̧wiwi ejjan̄in kar m̧ōņōņō.

11 Im kiiō, nejū m̧aan, armej otemjej ro rej pād ilo mejatoto in ^awāween armej, ak in ba, ilo ^bmejatoto in kanniōk, rej pād ilo jekjek eo enana im ilo lokjak ko an nana; ^cejjeļo̧k Anij ilo er ilo laļ in, im raar ilo̧k āinjuon jān nemāmeen Anij; kōn menin, rej pād ilo mejatoto eo eoktak n̄an nemāmeen m̧ōņōņō.

12 Im kiiō lo, ej ke meļeļe in naan in kōjepļaak n̄an bōk juon men eo lukkuun jekjek eo an im likūt e ilo jekjek eo ejjab an, ak n̄an likūt e ilo juon ļamļam eo eoktak n̄an lukkuun jekjek eo an?

13 O, nejū m̧aan, ej jab wāween eo in; a meļeļe eo an naan in kōjepļaak ej n̄an bar bōktok nana n̄an nana, ak men ko an kanniōk n̄an men ko an kanniōk, ak men ko an devil n̄an men ko an devil—em̧m̧an n̄an men eo em̧m̧an; wānōk n̄an men eo ewānōk; jim̧we n̄an men eo ejim̧we; tūriam̧o n̄an men eo ej tūriam̧o.

14 Kōn menin, nejū m̧aan, lale bwe kwōn tūriam̧o n̄an ro jeiūm̧ im jatūm̧; en ^ajab kalijekļo̧k am̧ jerbal, ekajet ilo ^bjim̧we, im ^cjab bōjrak jān kōm̧m̧an em̧m̧an; im eļan̄n̄e kwōj kōm̧m̧an aolep men kein innām kwōnaaj bōk jinōkjej eo am̧; aaet, naaj bar kōjepļaakwaj ^dtūriam̧o n̄an eok; im naaj bar kōjepļaakwaj n̄an eok jab kalijekļo̧k; im naaj bar kōjepļaakwaj n̄an eok ekajet ejim̧we; im naaj bar kōjepļaakwaj n̄an eok jinōkjej em̧m̧an.

15 Bwe men eo kwōj jilkinļo̧k naaj bar ro̧o̧l n̄an eok, im naaj jepļaak; kōn menin, naan in jepļaak eļapļo̧k an liaakeļo̧k rijero̧wiwi eo, im jab rejetake n̄an jidik.