Bwebwenato in armej in Nipai, im tariņae ko im bōrojepel ko aer, ilo raan ko an Hilamōn, ekkar n̄an ļo̧o̧k eo an Hilamōn, eo eaar kōm̧m̧ane ilo raan ko an.
Ekitbuuj jebta 45 n̄an 62 wōt.
Jebta 45
Hilamōn etōmak naan ko an Alma—Alma ej kanaane ko̧kkure eo an riNipai ro—E ej kōjeraam̧m̧an im ko̧o̧le āneo—Alma maron̄ kar bōk lōn̄ļo̧k jān jetōb, em̧ool āinwōt Moses—Ikwāālel ej eddekļo̧k ilo Kabun̄ eo. Iturinļo̧k 73 M.K.
1 Lo, kiiō ālikin men kein armej in Nipai raar m̧ōņōņō otem m̧ōņōņō, kōnke Irooj Eaar bar kōjo̧o̧r er jān pein rikōjdat ro aer; kōn menin raar leļo̧k kam̧m̧oolol n̄an Irooj aer Anij; aaet, im raar ajitlo̧k eļap im jar eļap, im raar kabun̄-jar n̄an Anij kōn eļap otem ļap lan̄lōn̄.
2 Im ālikin men kein ilo iiō kein kajon̄oulruwatimjuon in iien tōl an riekajet ro ioon armej in Nipai, Alma eaar itok n̄an ļeo nejin Hilamōn im ba n̄an e: Kwōj tōmak ke naan ko iaar kōnono n̄an eok kōn aļo̧o̧k ko kar kōm̧m̧ani?
3 Im Hilamōn eba n̄a e: Aaet, ij tōmak.
4 Im Alma ebar ba: Kwōj tōmak ke ilo Jisōs Kraist, eo Enaaj itok?
5 Im eba: Aaet, ij tōmak aolep naan ko kwaar kōnono.
6 Im Alma ebar ba n̄a e: Kwōnaaj ke akōjparok kien ko aō?
7 Im eba: Aaet, inaaj kōjparok kien ko am̧ kōn aolepān buruō.
8 Im Alma eba n̄an e: Jeraam̧m̧an n̄an kwe; im Irooj Enaaj akōjeraam̧m̧an eok ilo āniin.
9 A lo, ewōr ippa jidik ennaan n̄an akanaan n̄an eok; a ta ij kanaan n̄an eok kwōnaaj jamin kwaļo̧ke; aaet, ta ij kanaan n̄an eok jamin naaj kwaļo̧ke, em̧ool m̧ae kanaan eo ej kūrm̧ool; kōn menin jeje naan ko inaaj ba.
10 Im erkein naan ko: Lo, ij en̄jake bwe ejja armej rein wōt, riNipai, ekkar n̄an Jitōbōn revelesōn eo ej ilo n̄a, ilo aābukwi iiō ko jān iien in Jisōs Kraist Enaaj kwaļo̧ke n̄an er, renaaj idakunkunļo̧k ilo bjab tōmak.
11 Aaet, innām renaaj lo tariņae ko im nan̄inmej ko, aaet, n̄ūta ko im kōto̧o̧rļo̧k bōtōktōk, em̧ool m̧ae iien armej in Nipai renaaj aļot—
12 Aaet, im men in kōnke renaaj idakunkunļo̧k ilo jab tōmak im wōtlo̧kļo̧k ilo jerbal ko an marok, im alōn̄, im aolep nana otemjeļo̧k; aaet, ij ba n̄an eok, bwe kōnke renaaj jero̧wiwi ņae ekanooj ļap meram im jeļāļo̧kjeņ, aaet, ij ba n̄an eok, bwe jān raan en, em̧ool epepen kein kāāmen ejjāmin naaj aolep jako m̧okta jān nana in enaaj itok.
13 Im n̄e raan eo eļap ej itok, lo, iien eo em̧ōkaj ej itok bwe ro rej kiiō, ak ineen ro rej bōnbōn kiiō ilubwiljin armej in Nipai, naaj ajamin bar bōnbōn wōt ilubwiljin armej in Nipai.
14 A jabdewōt bweier, im jab kar ko̧kkure e ilo raan eo eļap im rōkaammijak, naaj abōnbōn ilubwiljin riLeman raņ, im naaj erom āinwōt er, aolep, ijello̧kun wōt jet ro naaj kūr er ro rikaļooran Irooj; im er riLeman renaaj lukwarkware er bm̧ae iien rej ļot. Im kiiō, kōn jero̧wiwi, kanaan in enaaj kūrm̧ool.
15 Im kiiō ālikin men kein ke Alma eaar ba men kein n̄an Hilamōn, eaar kōjeraam̧m̧an e, im barāinwōt ļōm̧aro nejin jet; im eaar barāinwōt kōjeraam̧m̧an laļ kōn akilaan ro rejim̧we.
16 Im eba: Āindein Irooj Anij ej ba—aLia enaaj āneo, en̄in, n̄an aolep laļ, nokwe, lo, im armej, n̄an ko̧kkure, ro rej eļap nana, n̄e rej kanooj kalo; im āinwōt iaar ba enaaj āindein; bwe en̄in ej lia eo im bkōjeraam̧m̧an an Anij ioon āneo, bwe Irooj E jamin kalimjek jero̧wiwi n̄an cjidik.
17 Im kiiō, ke Alma eaar dedeļo̧k an ba naan kein eaar kōjeraam̧m̧an akabun̄ eo, aaet, aolep ro renaaj jutak pen ilo tōmak eo jān iien eo m̧aanļo̧k.
18 Im ke Alma eaar dedeļo̧k an kōm̧m̧ane men in eaar ilo̧k jān āneen Zaraemla, āinwōt n̄e ej ilo̧k ilo āneen Melek. Im ālikin men kein kar jab bar ron̄ kake e; āinwōt kōn mej eo an ak kallib eo an jejeļā jaab kake.
19 Lo, men in jejeļā, bwe eaar armej ewānōk; im ennaan eo eaar ajeededļo̧k ilo kabun̄ eo bwe jetōb eaar bōk lōn̄ļo̧k e, ak kar akalbwin e jān pein Irooj, em̧ool āinwōt Moses. A lo, jeje ko rekwōjarjar rej ba bwe Irooj Eaar bōk Moses n̄an E make; im jej ļōmņak bwe Eaar barāinwōt bōk Alma ilo jetōb, n̄an E make; kōn menin, kōn wāween in jejeļā ejjeļo̧k kōn mej eo an im an kallib.
20 Im kiiō ālikin men kein ilo jinoin iiō eo kein kajon̄oulruwatimjuon in iien tōl an riekajet ro ioon armej in Nipai, Hilamōn eaar ilo̧k ilubwiljin armej ro n̄an kajeeded naan eo n̄an er.
21 Bwe lo, kōnke tariņae ko aer ippān riLeman ro im elōn̄ iakwāālel ko reddik im lim̧aajņoņo ko raar waļo̧k ilubwiljin armej ro, eaar erom mennin aorōk bwe anaan in Anij en ajeeded ilubwiljier, aaet, im bwe juon unin tōl en kōm̧m̧an iaolepān kabun̄ eo.
22 Kōn menin, Hilamōn im ļōm̧aro jatin raar ilo̧k n̄an bar kajutak kabun̄ eo iaolepān āneo, aaet, ilo jikin kwelo̧k otemjej ilo aolepān āneo kar an armej in Nipai. Im ālikin men kein raar kūr pris ro im rikaki ro iaolepān āneo, ioon aolepān im̧ōn jar ko.
23 Im kiiō ālikin men kein ke em̧ōj an Hilamōn im ļōm̧aro jatin kar kūr pris ro im rikaki ro ioon im̧ōn jar ko bwe eaar jutak juon aakwāālel ilubwiljier, im raar jab eo̧ron̄ naan ko an Hilamōn im ļōm̧aro jatin.
24 A raar juwa ļo̧k, kōnke raar utiej ilo burueer, kōnke aer kar m̧weie otem am̧weie; kōn menin raar jebanļo̧k ilo bmejaer make, im jab kōņaan eo̧ron̄ naan ko aer, n̄an etetal jim̧we im̧aan Anij.