1 Im ālikin men kein ke eaar kōm̧m̧ane jem̧ļo̧kin an kōnono n̄an armej ro elōn̄ iaer raar tōmak ilo naan ko an, im kar jino ukeļo̧k, im n̄an lin̄ōri ^ajeje ko rekwōjarjar.

2 A eļapļo̧k m̧ōttan eo aer raar kōņaan bwe ren maron̄ ko̧kkure Alma im Amulek; bwe raar illu ippān Alma, kōnke ^aalikkar in naan ko an n̄an Ziezrom; im raar barāinwōt ba bwe Amulek eaar ^briab n̄an er, im kar kajjirere ņae kien ko aer im barāinwōt ņae rikien ro im riekajet ro aer.

3 Im raar barāinwōt illu ippān Alma im Amulek; im kōnke raar kam̧ool ilo alikkar ņae jero̧wiwi ko aer, raar pukot n̄an likūtļo̧k er ilo ittino.

4 A ālikin men kein raar jab; a raar bōk er im lukwōj er kōn to ko rekajoor, im kar bōk er im̧aan riekajet eutiejtata ilo āneo.

5 Im armej ro raar wōnm̧aanļo̧k im kar kam̧ool ņae ir—kam̧ool bwe rejro kar kajjirere ņae kien eo, im rikien ro im riekajet ro aer ilo āneo; im barāinwōt kar kam̧ool bwe ewōr juon Anij, im bwe Enaaj jilkintok Nejin ilubwiljin armej ro, bwe E en lo̧mo̧o̧ren er; im elōn̄ men ko āinwōt kein armej ro raar kam̧ool kaki ņae Alma im Amulek. Kiiō men in eaar kōm̧m̧an im̧aan riekajet eutiejtata an āneo.

6 Im ālikin men kein Ziezrom eaar bwilōn̄ kōn naan ko kar kōnono; im eaar barāinwōt kar jeļā kōn pilo an koļmānļo̧kijeņ ko, ko eaar kōm̧m̧ani ilubwiljin armej ro jān naan ko reriab an; im jetōb eo an eaar jino n̄an ^aen̄taan ium̧win juon ^bbōklōkōt in bōd ko an make; aaet, eaar jino kar jepooļe jān metak ko an hell.

7 Im ālikin men kein eaar jino in kūr n̄an armej ro, im ba: Lo, i ^abōd, im ļōm̧arein rejjab libbijinjin im̧aan Anij. Im eaar jinō n̄an akweļap n̄an er jān iien eo m̧anļo̧k; a raar kajjirere kake e, im ba: Ta kwōj ba juk kōn devil ke? Im rej em̧m̧ōj e, im ^bkadiwōjļo̧k e jān ilubwiljier, im barāinwōt aolep ro raar tōmak ilo naan ko kar kōnono jān Alma im Amulek; im rej kadiwōjļo̧k er barāinwōt, im jilkinļo̧k armej n̄an kad er kōn dekā ko.

8 Im raar bōktok kōrā ro pāleer im ajri ro nejier ippān doon, im jabdewōt eo eaar tōmak ak kar katakin e n̄an tōmak ilo naan in Anij raar kōm̧m̧an bwe ren joļo̧k er ilo kijeek; im raar barāinwōt bōktok ļo̧o̧k ko aer ko ie eaar wōr jeje ko rekwōjarjar, im juļo̧k i ilo kijeek eo barāinwōt, bwe ren maron̄ bwil im jako jān kijeek.

9 Im ālikin men kein raar bōk Alma im Amulek, im bōk er ļo̧k n̄an juon jikin m̧an ro retōmak ilo tōmak ko aer, bwe ren maron̄ kam̧ool ko̧kkure an ro kar oran̄ļo̧k er kōn kijeek.

10 Im ke Amulek eaar lo metak ko an kōrā im ajri ro kar tile er ilo kijeek eo, eaar barāinwōt metak; im eaar ba n̄an Alma: Ekōjkan ad maron̄ kam̧ool wāween in enana? Kōn menin jen erļo̧keļo̧k peid, im kwaļo̧k ^akajoor eo an Anij eo ej ilo kōj, im lo̧mo̧o̧ren er jān urur ko.

11 A Alma eaar ba n̄an e: jetōb ej bōbrae eō bwe in jab erļo̧keļo̧k peiū; bwe lo Irooj ej bōk er lōn̄ļo̧k n̄an e make, ilo ^aaiboojoj; im E ej kōtļo̧k bwe ren kōm̧m̧ane men in, ak bwe armej rein ren kōm̧m̧ane men in n̄an er, ekkar n̄an pen eo an burueer, bwe ^bekajet ko Enaaj kōjerbali ioer ilo an illu ren maron̄ jijet; im ^cbōtōktōkin ro ^dejjeļo̧k ruweer naaj jutak āinwōt juon kam̧ool ņae er, aaet, im kūr ilo kajoor ņae er ilo raan eo āliktata.

12 Kiiō Amulek eba n̄an Alma: Lo, bōlen renaaj tile kōjro barāinwōt.

13 Im Alma eba: En ekkar n̄an ankilaan Irooj. A, lo, jerbal eo an ejjan̄in dedeļo̧k; kōn menin rej jamin tile kōj.

14 Kiiō ālikin men kein ke m̧ōj an ānbwinnin ro kar joļo̧k er ilo kijeek eo raar bwil im jako, im barāinwōt ļo̧o̧k ko kar juļo̧k ippāer, riekajet eo eutiejtata ilo āneo eaar ilo̧k im̧aan Alma im Amulek, ke raar lokjak wōt; im eaar ubrare er kōn pein ilo jāpier, im ba n̄an er: ālikin men kein kom̧ro ar lo e, kom̧ro en kar bar kwaļo̧k naan n̄an armej rein, bwe kom̧ in naaj jako ilo ^areba in kijeek im brimstone?

15 Lo, kom̧ij ej lo bwe eaar ejjeļo̧k amiro kajoor n̄an lo̧mo̧o̧ren ro kar joļo̧k er ilo kijeek eo; barāinwōt Anij eaar jab lo̧mo̧o̧ren er kōnke raar jān tōmak eo amiro. Im riekajet eo eaar bar ubrare er ilo jāppeer, im eaar kajjitōk: Ta kom̧ro ej ba n̄an kom̧ro make?

16 Kiiō riekajet in eaar ālikin laajrak im tōmak eo an ^aNior, eo eaar m̧an Gideon.

17 Im ālikin men kein Alma im Amulek raar uwaak e ejjeļo̧k; im eaar bar ubrare er, im leļo̧k er n̄an opija ro n̄an joļo̧k er ilo kalbuuj.

18 Im ke raar pād ilo kalbuuj jilu raan ko, eaar itok elōn̄ ^arikien ro, im riekajet ro, im pris ro, im rikaki ro, ro raar jān jerbal eo an Nior; im raar itok n̄an kalbuuj in lo erro, im rej kajitūkin erro kōn elōn̄ naan; a rej uwaak e er ejjeļo̧k.

19 Im ālikin men kein riekajet eo eaar jutak im̧aerro, im kajjitōk: Etke kom̧ro ej jab uwaak naan ko an armej rein? Kom̧ro ej jab jeļā ke bwe ewōr aō kajoor n̄an leļo̧k kom̧ro n̄an urur kein? Im eaar jiron̄ er n̄an kōnono; a raar uwaak e ejjeļo̧k.

20 Im ālikin men kein raar etal jān ijo im ilo̧k ilo iaļ ko aer, a bar ilo raan eo ilju; im riekajet eo eaar bar ubrare erro ilo jāppeer. Im elōn̄ raar wōnm̧aanļo̧k barāinwōt, im ubrare erro, im ba: Kom̧ro naaj bar jutak im ekajete ke armej rein, im kōnanaik kien eo am? Eļan̄n̄e ewōr ippemi eļap kajoor etke kom̧ro ej jab ^alo̧mo̧o̧ren kom̧ro make?

21 Im elōn̄ men ko āier wōt kein raar ba n̄an erro, im kij dekā in n̄ier ioer, im em̧m̧ōje er, im ba: Ewi wāween naaj jekjekiūm n̄e ko̧kkure kōm̧?

22 Im elōn̄ men rot kein, aaet, aolep men otemjeļo̧k in men kein raar ba n̄an erro; im āindein raar kajjirere kake er ium̧win elōn̄ raan ko. Im raar dāpij kanooj jān erro bwe ren maron̄ kwōle, im dān bwe ren maron̄ maro; im raar barāinwōt bōk nuknuk ko aer bwe ren maron̄ keelwaan; im āindein raar lukwōj er kōn to ko reppen, im door er ilo kalbuuj.

23 Im ālikin men kein ke em̧ōj aer kar en̄taan āindein ium̧win elōn̄ raan ko, (im eaar ilo raan eo kein kajon̄oulruo, ilo allōn̄ eo kein kajon̄oul, ilo iiō eo kein kajon̄oul in iiō in tōl an riekajet ro ioon armej in Nipai) bwe riekajet eo eutiejtata ioon āneen Ammōnaia im elōn̄ iaan rikaki ro aer im rikein ro aer raar ilo̧k n̄an kalbuuj eo ijo Alma im Amulek raar lokjak kōn to ko.

24 Im riekajet eutiejtata eaar jutak im̧aerro, im bar ubrare erro, im eaar ba n̄an erro: Eļan̄n̄e ewōr amiro kajoor in Anij lo̧mo̧o̧ren kom̧ro make jān to kein, innām kōm naaj tōmak bwe Irooj enaaj ko̧kkure armej rein ekkar n̄an naan ko amiro.

25 Im ālikin men kein raar aolep wōnm̧aanļo̧k im ubrare erro, im ba ejja naan kein wōt, em̧ool m̧ae eo āliktata; im ke eo āliktata eaar m̧ōj an kōnono n̄an erro ^akajoor in Anij eaar pād ioon Alma im Amulek, im raar jutak im jutak ioon neero.

26 Im Alma eaar lam̧ōj, im ba: Ewi toun am̧ naaj en̄taan kōn ^akaen̄tanaan kein, O Irooj? O Irooj, letok n̄an kōm kajoor ekkar n̄an tōmak eo am eo ej ilo Kraist, em̧ool n̄an rōļo̧k. Im raar tūm̧i to ko im kar lukwōj er kaki; im ke armej ro raar lo men in, raar jino ko, bwe mijak in ko̧kkure eaar itok ioer.

27 Im ālikin men kein jon̄an an ļap aer mijak raar wōtlo̧k n̄an laļ, im jab tōpar kōjām eo inabōj an ^akalbuuj eo; im laļ eaar kanooj kajoor an m̧akūtkūt, im kiin kalbuuj eo raar potak ilo ruo, kōn menin raar wōtlo̧k n̄an laļ; im riekajet eo eutiejtata, im rikien ro, im pris ro, im rikaki ro, im raar ubrare Alma im Amulek, raar mej jān wōtlo̧k eo ijo.

28 Im Alma im Amulek raar waļo̧ktok jān ilubwiljin kalbuuj eo, im raar jab kinejnej; bwe Irooj eaar leļo̧k aer kajoor, ekkar n̄an tōmak eo aer eo ej ilo Kraist. Im raar m̧ōkaj im diwōjļo̧k jān kalbuuj eo; im raar ^arōļo̧k jān to ko; im kalbuuj eo eaar wōtlo̧k n̄an laļ, im armej otemjej ilowaan wōrwōr ijo, ijello̧kun wōt Alma im Amulek, raar mej; im raar m̧ōkaj im diwōjļo̧k im ilo̧k n̄an jikin kwelo̧k eo.

29 Kiiō ke armej ro raar ron̄ ainikien eo eļap raar ettōr tok ippān doon kōn jarlepju ko n̄an jeļā ta eaar kōm̧m̧an e; im ke raar lo Alma im Amulek rej diwōjļo̧k jān kalbuuj eo, im wōrwōr ko ijo raar wōtlo̧k n̄an laļ, raar im̧ōk er kōn eļap mijak, im raar ko jān im̧aan Alma im Amulek em̧ool āinwōt juon goat ej ko kōn koon ko an jān ruo kidu ļaioon; im āindein raar ko jān im̧aan Alma im Amulek.