1 Im kiiō ālikin men kein ke Alma ekar kōjjem̧ļo̧k ekkōnono ko an n̄an armej ro ilo kabun̄ eo, eo eaar jutak ilo jikin kwelo̧k Zaraemla, eaar ^akapit pris ro im ^belder ro, kōn likūt ^cpā ko ekkar n̄an laajrak eo an Anij, n̄an tōl im ^doņaake kabun̄ eo.

2 Im ālikin men kein jabdewōt eo eaar jab kobaļo̧k ilo kabun̄ eo im raar ukeļo̧k jān jero̧wiwi ko aer raar ^apeptaij n̄an ukeļo̧k, im kar bōk er ilo kabun̄ eo.

3 Im barāinwōt jabdewōt eo eaar kobaļo̧k ilo kabun̄ eo im raar jab ^aukeļo̧k jān nana ko aer im kōttāik er im̧aan Anij—Meļeļe eo aō ro raar ^butiej ilo juwa in burueer—ejja rein wōt kar jab bōk er, im etaer kar ^cbukweļo̧k, bwe etaer ren jab bōnbōn ilubwiljin ro rewānōk.

4 Im āindein raar jino kajutak laajrak eo an kabun̄ eo ilo jikin kwelo̧k Zaraemla.

5 Kiiō ikōņaan bwe kom̧in jeļā bwe naan in Anij eaar wūjlepļo̧k n̄an aolep, bwe ejjeļo̧k kar bōbrae jān jim̧we in Naan aer kuktok ippān doon n̄an ron̄ naan in Anij.

6 Mekarta ro nejin Anij kar jiron̄ er bwe rej aikuj kuk ippān doon makijkij, im koba ilo ^ajitlo̧k im jar ekajoor kōn em̧m̧anļo̧k an armej ro raar jab jeļā Anij.

7 Im kiiō ālikin men kein ke Alma eaar kōm̧m̧ani karōk kein eaar ilo̧k jān er, aaet, jān kabun̄ eo ilo jikin kwelo̧k Zaraemla, im kar ilo̧k ioon turear in reba Sidon, ļo̧k n̄an ^akom̧laļ in Gideon, ijo kar kalōk juon jikin kwelo̧k ie, eo kar etan jikin kwelo̧k in Gideon, eo eaar pād ilo kom̧laļ eo kar etan Gideon, eo kar etņake ļeo kar ^bm̧an jān pein Nior kōn jāje.

8 Im Alma eaar ilo̧k im jino kwaļo̧k naan in Anij n̄an kabun̄ eo kar kajutak e ilo kom̧laļ in Gideon, ekkar n̄an revelesōn in m̧ool eo an naan eo kar kōnono jān ro jemān, im ekkar n̄an jitōbōn kanaan eo eaar ilo e, ekkar n̄an ^anaan in kam̧ool eo kōn Jisōs Kraist, eo Nejin Anij, eo Enaaj itok n̄an lo̧mo̧o̧ren armej ro An jān jero̧wiwi ko aer, im laajrak ekwōjarjar eo kar kūr e. Im āindein men in eaar jeje. Amen.