1 Cunan riqui, shuj causa almallapash na tiarca Nefipaj llactapuracunapi ashallatapash na crijcuna tucui achil villachijcunapaj shimicunata parlashca cajta; imashpa paicuna yacharca cai minishtirishca carca pactashca cana.

2 Paicuna yacharca cai minishtirishca carca Cristo shamuna, tauca señalcunamanda imacunata cushca carca, achil villachijcunapaj shimicunamanda; cuzascunamanda ima ña yalishca carca paicuna yacharca cai minishtirishca cana tucui cuzascuna yalichun imashna parlashca carca.

3 Chaimanda paicuna tucui paicunapaj juchacunata saquirca, paicunapaj millanayaicunata, paicunapaj fornicacióncunata, Diosta sirvirca tucui utsiallahuan punllapash, tutapash.

4 Cunan yalishca jipa imaura tucui shuhuacunata prezucuna japishpa, shinashpa pipash na calparca na huañushcacunamanda, paicunapaj prezucunata cárcelman churarca, paicunaman yachachishca cachun Diospaj achil shimicunata; mashna paicunapaj juchacunata arrepentirishpa shuj convenioman yaicun ama ashtahuan huañuchingapa libre saquirca.

5 Ashtahuangari mashnacuna na shuj convenioman yaicurca, maijan catircara chai pacalla huañuchicunata paipaj shungucunapi rurashpa, ari, mashnacunata paicunapaj huauquicunapaj contra manllachinajujta tarishpa ricushpa chasquichishca carca, castigashcapash catichunbacha saquishcacunahuan.

6 Shina tucuchirca tucui chai na ali ruraicunata, pacalla, millanayai tandanajuicunata, imapi tiarca shina ashtaca na ali ruraicuna, shina tauca huañuchicunata rurarca.

7 Shina ishcai chunga ishcai huata yalirca, ishcai chunga quimsapash, ishcai chunga chuscupash, ishcai chunga pichapash; shina ishcai chunga picha huatacuna yalirca.

8 Tauca cuzascuna yalishca carca, huaquinbaj ñavicunapi, jatun, juyaillapash carca; shina cajpipash, cai quilcashcapi na tucuilla quilcashca cai ushan; ari, cai quilcashca na charinllu patsajmanda shujtapash shina tauca llactapuracunapi imata rurashca carca ishcai chunga picha huatacunapi;

9 Ashtahuangari riqui tandachishca quilcashcacuna tian imami charin tucui cai llactapuracunapaj rurashcacunata; Nefi ashallayachirca ashtahuangari ciertopacha tandachishpa quilcashcata rurarca.

10 Chaimanda ñuca rurashcani cai cuzascunapaj tandachishca quilcashcata Nefipaj tandachishca quilcashca laya, ima quilcashca carca jirru fangacunapi imami shutichishca carca Nefipaj jirru fangacuna.

11 Riqui, ñuca rurani tandachishca quilcashcata jirru fangacunapi imata ñuca propio maquicunahuan rurashcani.

12 Riqui, ñuca shuti can Mormón, Mormónpaj pambamanda shina shutichishca cani, pamba maipi Alma llactapuracunaman iglesiata shayachirca, ari, callari iglesia ima shayachishca carca paicunapaj na aliya rurai jipa.

13 Riqui, ñuca cani Diospaj Churi Jesucristopaj shuj discípulo. Pai ñucata cayahuashca paipaj achil shimita villachun paipaj llactapuracunaman, mana tucurina causaita charichun.

14 Cai minishtirishca tigrashca can ñuca, Diospaj munaihuan, achil mañaicuna maijanguna cai causaimanda rishcacunapaj, picuna achilcuna carca, pactashca cachun paicunapaj femanda, rurachun shuj tandachishca quilcashcata cai cuzascunamanda imata rurashca cashcarca—

15 Ari, shuj uchilla tandachishca quilcashca imalla yalishca Lehi Jerusalénmanda llujshimushcamanda, cunan punllacaman.

16 Chaimanda ñuca rurani ñuca tandachishca quilcashcata tandachishpa quilcashcacunamanda imata cushca carca tucui maijan ñucapaj punda cashcacuna, ñuca punlla callaricaman.

17 Shina ñuca rurani shuj tandachishca quilcashcata cuzascunamanda imata ñuca propio ñavicunahuan ricushcani.

18 Ñuca yachani tandachishca quilcashca imata ñuca rurani ali can, ciertopacha tandachishca quilcashca; shina cajpipash tauca cuzascuna tian imata, ñucanchi shimirimaimanda, na ushanchi quilcaita.

19 Cunan ñuca tucuchini ñuca nishcacunata, ima can ñucamandalla, catini cushpa ñuca tandachishpa quilcashca cuzascunata imata yalishca carca ñucata ñaupashpa.

20 Ñuca cani Mormón, Lehipaj cati aillupacha. Ñuca charini imamanda ñuca Diosta achilyachingapa, ñuca Jatun Quishpichij Jesucristo, pai pushamurca ñucanchi taitacunata Jerusalénpaj alpamanda, (pipash na yacharca ashtahuangari pailla maijan pai pushamushcacunata alpamanda) pai cuhuashca ñuca llactapuracunaman shina ashtaca yachaicunata ñucanchi almacunapaj quishpirinata.

21 Ciertopacha pai achilyachishca Jacobpaj huasita, shungumanda llaquishca Josépaj cati aillucunata.

22 Shinashpa imashna Lehipaj huahuacuna paipaj rurachunbacha saquishcacunata alichishca cajpi pai achilyachishca can, ali mirachishcapash paipaj shimimanda.

23 Ari, ciertopacha pai cutin apamun Josépaj cati aillucunapaj shuj puchuta Apunchij paicunapaj Diosta yachaiman.

24 Imashna ciertopacha Apunchij causan, pai tandachinga cai pachapaj chuscundi ladocunamanda tucui Jacobpaj cati aillu puchuta, picunami can tucui alpa jahuallaman.

25 Imashna pai conveniota rurarca tucui Jacobpaj huasihuan, shina conveniota ruranga imata pai conveniota rurashca Jacobpaj huasihuan pactashca canga paipaj propio punllapi, cutin apamushca cachun tucui Jacobpaj huasi conveniopaj yachaiman paicunahuan conveniota rurashca cashcata.

26 Shina paicunapaj Jatun Causachijta yachanga, pimi can Jesucristo, Diospaj Churi; shina paicuna tandachishca canga cai pachamanda chuscu ladocunamanda paicunapaj propio pambacunaman, maimanda caiman chaiman chajchurimushca cashca; ari, imashna Apunchij causan shina cai canga. Shinacapashcachun.