1 Cunan yalishca jipa chunga sujta huatapi Cristo shamushcamanda, Laconeo, alpapaj gobernador, shuj cartata chasquirca chai shuhuacunapaj tandanajushcacunapaj pushaj, gobernadorpamanda; cai carca shimicuna ima quilcashca carca, nishpa:

2 Laconeo, excelentísimo, pambapaj yali mandaj gobernadorpash, riqui, ñuca canman cai cartata quilcani, canman cuni ninan jatun alicachita cangunapaj shinlli caimanda, cangunapaj llactapuracunapaj shinlli caimandapash, charirishpa imata canguna yanguichi cangunapaj derecho, libertad cajta; ari, ali catinguichi, diospaj maquihuan cangunata charijujpishna, cangunapaj libertadta huacaichishpa, cangunapaj charishcacuna, cangunapaj llacta, nacashpa imata canguna shina shutichinguichi.

3 Ñucapaj ricuipi cai can shuj llaquinayai, excelentísimo Laconeo, quiquin cangui shina juizu illa, yangapash shina yuyangapa canguna chimbapurai ushangapa shina tauca millai runacunahuan maijanguna ñuca mandopi can, maijanguna cunanllata paicunapaj macanajunacunapi can, shuyanajun jatun munaihuan mandaita—Macanajuichi Nefitacunahuan, paicunata tucuchichi.

4 Ñuca, yachashpa paicunapaj na mishana espírituta, charishpa paicunapaj ricuchishcacunata macanajuna pambapi, yachashpa paicunapaj mana tucurina cangunata napacha ricunayachinata tauca pandaicunamanda imata canguna rurashcanguichi paicunata, chaimanda paicuna cangunapaj contra shamushpaca ricuj shamunga tucuilla tucuchinahuan.

5 Chaimanda ñuca cai cartata quilcashcani, ñuca propio maquihuan caita sellashpa, ricushpa cangunapaj alicaita, cangunapaj shinlliyaimanda imapi canguna cringuichi ali cajta, cangunapaj ali espíritupash macanajuna pambapi.

6 Chaimanda canman ñuca quilcani, munashpa cai ñuca llactapuraman cuchun, cangunapaj llactacuna, cangunapaj pambacuna, cangunapaj charishcacunapash, nara paicuna espadahuan ricuj shamujpi, cangunata tucuchina nara shamujpi.

7 Nacashpa shuj shimicunapi, ñucanchiman cangunallata curichi, tandanajuichi ñucanchihuan yachajuichi ñucanchi pacalla ruraicunahuan, ñucanchi huauquicunaman tigraichi ñucanchishnalla caichi—na ñucanchi esclavocuna, ashtahuangari ñucanchi huauquicuna, cumbacuna tucui ñucanchi minishtirishcapachapa.

8 Riqui, ñuca jurani, canguna caita rurajpica, shuj juramentohuan, na tucuchishca canguichichu; ashtahuangari caita na rurajpica, ñuca jurani shuj juramentohuan, caya quilla ñuca mandasha ñuca macanajuj runacunata cangunapaj contra shamuchun, na paicunapaj maquicunata jarcaringachu, na quishpichingapashchu, ashtahuangari cangunata urmachinga espadahuan imaura tucuilla huañushca cangacaman.

9 Riqui, ñuca cani Giddiani; ñuca cani cai pacalla tandanajushca Gadiantónpaj gobernador; caipaj tandanajui, ruraicunapash ñuca yachani ali cajta; punda pundacunamanda tian, ñucanchiman maquin maquin chasquishcanchi.

10 Ñuca quilcani cai cartata canman, Laconeo, ñuca shuyani canguna cunguichita cangunapaj pambacuna, cangunapaj charishcacuna, yahuarta na jichashpa, cai ñuca llactapuracuna tigrai charichun paicunapaj derechocunata, gobiernotapash, picuna chaupirishca carca cangunapamanda cangunapaj na ali ruraicunamanda charishpa paicunapaj gobiernocunpaj derechocunata, imashpapash caita rurajpilla, ñuca randi rurasha paicunapaj pandaicunata. Ñuca cani Giddiani.

11 Cunan yalishca jipa imaura Laconeo cai cartata chasquishpa ninanda manllarishca carca, Giddianipaj manllai illamanda mañashpa Nefitacunapaj pambata charingapa, llactapuracunata manllachishpa, chaicunapaj pandaicunata randipash rurangapa, picunamanda nima pandaicunatapash na chasquishca carca, ashtahuangari paicunamandallata pandashca carca, chai na ali ruraicunaman shicanyarishpa, millanayai shuhuacunapash.

12 Cunan riqui, cai Laconeo, gobernador, shuj ali runa carca, na manllarca mañaicunata shuj shuhuapa manllachicunatapash; chaimanda pai na uyarca Giddianipaj cartata, shuhuacunapaj gobernador, ashtahuangari paipaj llactapuracunata Apunchijta mañachirca shinllicangapa imaura shuhuacuna paicunapaj contra shamujpi.

13 Ari, pai cacharca shuj proclamaciónda tucui llactapuracunaman, paicuna tandachichun paicunapaj huarmicuna, paicunapaj huahuacuna, paicunapaj ataju llamacuna, paicunapaj huagracuna, tucui minishtirishcapachacuna, paicunapaj pambatalla na, shuj pushtupi.

14 Rurachirca jarcanacunata paicunapaj muyundi, caicunapaj shinllicai ninan jatun cachun. Macanajuj runacunata, ishcandi Nefitacuna, Lamanitacunapash, nacashpa tucui paicuna maijan Nefitacunahuan yupashca cajcuna, churashca canga ricuj runacuna laya muyundi paicunata ricuchun, huacaichichun shuhuacunamanda punllandi tutandi.

15 Ari, paicunata nirca: Imashna Apunchij causan, imashpapash na canguna arrepentirishpa tucui cangunapaj na ali ruraicunamanda, Apunchijta mañashpapash, nimashnaman chai Gadiantón shuhuacunapaj maquicunamanda cachariringuichichu.

16 Shina jatun, juyailla shimicuna, Laconeopaj achil villachijcunapash carca caicunaca tucui llactapuracunapaman manllaita shamuchirca; paicunamanda shinlliyarca usharishcata Laconeopaj shimicunamanda rurangapa.

17 Yalishca jipa Laconeo ajllarca yali mandaj capitángunata tucui Nefitacunapaj macanajuj runacunapaj jahuapi, mandangapa imaura shuhuacuna paicunapaj contra jichushca pambacunamanda llujshimujpi.

18 Cunan tucui yali mandaj capitángunata yali mandaj, jatun comandante Nefitacunapaj tucui macanajuj runacunapaj ajllashca carca, paipaj shuti carca Gidgiddoni.

19 Cunan cai carca costumbre tucui Nefitacunapi ajllana paicunapaj yali mandaj capitángunata, (paicunapaj na ali ruraicunapilla na) maijan, achil ricuchinapaj espírituta, achil villachinata charijta; chaimanda, cai Gidgiddoni shuj jatun achil villachij carca paicunapi, ricushpa chasquichijcunapaj yali mandajpash carca.

20 Cunan llactapuracuna nirca Gidgiddonita: Achil mañai Apunchijta, jacuchi urcucunaman, jichushca pambacunamanbash, shuhuacunapaj jahuaman paicunata tucuchingapa paicunapaj propio pambacunapi.

21 Ashtahuangari Gidgiddoni nirca: Apunchij ama saquichun; ñucanchi paicunapaman rijpica Apunchij paicunapaj maquicunapi saquinga; chaimanda ñucanchi prepararishunchi ñucanchipaj pambacunapaj chaupipi, ñucanchi tandachishun tucui ñucanchipaj macanajuj runacunata, paicunapaj contra na rishunllu, ashtahuangari shuyashunchi imaura paicuna ñucanchipaj contra shamungacaman; ashtahuangari imashna Apunchij causan, ñucanchi caita rurajpica paicunapaj maquicunamanda cacharichinga.

22 Yalishca jipa chunga canchis huatapi, cai huata tucurinapi, Laconeopaj proclamación rishca carca tucui alpa jahuallaman, paicuna tandachishca carca paicunapaj caballocunata, paicunapaj carretacuna, paicunapaj huagracuna, tucui paicunapaj ataju llamacuna, paicunapaj jihuata micuj animalcuna, paicunapaj murucuna, tucui paicunapaj minishtirishcapachacuna, purishpa rirca huaranga, huarangacuna, tucuilla maijan tandanajungapa ajllashca pushtuman chayangacaman, paicunata napacha ricunayachijcunapamanda huacaichiringapa.

23 Chai ajllashca pamba carca Zarahemlapaj pamba, chai pambapash maijan Zarahemlapaj pamba, Ashtacapacha Tiaj pambapaj chaupipi carca, ari, mujuncaman ima carca Ashtacapacha Tiaj pamba, Imapash Illaj pamba chaupipi.

24 Tauca tauca huaranga llactapuracuna tiarca picuna Nefitacuna shutichishca carca, maijanguna cai pambapi tandanajurca. Cunan Laconeo tandachirca urai pambapi, jatun llaquimanda imami carca vichai pambapi.

25 Paicunallata shinlliyarirca paicunapaj napacha ricunayachijcunapaj contra; shuj pambapi causarca, shujllapi tandanajushca, Laconeopaj shimicunata imata parlashcata manllarca, shinashpa paicuna arrepentirirca tucui paicunapaj juchacunamanda; paicuna mañarca achil mañaicunapi Apunchij paicunapaj Diosta, pai cacharichichun imaura paicunata napacha ricunayachijcuna paicunapaj contra macanajungapa shamujpi.

26 Ninandapacha llaquirishca carca paicunata napacha ricunayachijcunamanda. Gidgiddoni tucui laya macanajunacunata rurachirca, macanajuicunahuan shinllicuna cangapa, escudocunahuan, uchilla escudocunahuan, paipaj imashna ruraichi nishca layapi.