1 Shina ima quilcashca can yalinga: Cantai, Oh estéril, can huahuata nacita na ushaj; cantai callari, capari, na nacishcangui huahuata; ashtahuan na charij ushajpaj huahuacuna can cazarashca huarmicunapaj huahuacunata yali, Apunchij nin.

2 Jatunyachi pushtuta quiquinba facha huasipajta, cortinacunata mandachi quiquinba causanacunapata; ama tandachi, quiquinba huatanacunata ashtahuan mirachi, shinlliyachi quiquinba estacacunata;

3 Can mirangui ali maquiman, lluquimanbash, quiquinba cati aillucuna chasquinga Gentil llactacunata jichushca llactacunapi causachunbash ruranga.

4 Ama manllai, can na pingai tucushca cangui; ama pandashcapash caichu, pingai tucuchunbash na churashca cangui; cungangui pingaita viñaipi cashcata, na yaringui pingaita viñaipi cashcata, ashtahuanbash ñana yaringui pingaita cusa huañushca huarmi caita.

5 Quiquinba ruraj, quiquinba cusa, Tucuita Mandaj Apunchij can paipaj shuti; quiquinba Jatun Causachij, Israelpaj Achil—tucuilla alpapaj Dios shutichishca canga.

6 Apunchij cayashca quiquinda shuj huarmi jichushca, espíritupi llaquirishca laya, shuj viñajpaj huarmi, imaura quiquinda ñana huarmipaj munai tucushca cajpi, nin quiquinba Dios.

7 Ashagupalla ñuca quiquinda jichurcani, ashtahuangari jatun shungumanda llaquihuan quiquinda tandachisha.

8 Asha fiñaipi ñuca ñavita aparcani quiquinmanda ashagutalla, ashtahuangari mana tucurina llaquirihuan shungumanda llaquita quiquinbi charisha, nin Apunchij quiquinba Jatun Causachij.

9 Imashna, Noépaj yacucunashna, imashna ñuca jurashcani Noépaj yacucunahuan ashtahuan cutinga na cai alpata quilpangachu, shina ñuca jurashcani quiquinhuan na fiñashachu.

10 Urcucuna ringa, uchilla urcucuna shujman churashca canga, ashtahuangari ñuca alicai quiquinmanda na ringachu, ñuca sumaj causaipaj convenio na shujman churashca cangachu, nin Apunchij quiquinda shungumanda llaquisha.

11 Oh llaquirishca, ninan tamiahuan asti tucushca, na cushichishca! Riqui, ñuca churasha quiquinba rumicunata juyailla colorcunahuan, quiquinba shayachinacunata churasha safirocunahuan.

12 Quiquinba ventanacunata ágatas-huan rurasha, quiquinba pungucunata carbúnculos-huan, quiquinba tucuilla muyushcacunata munanayai rumicunahuan.

13 Tucui quiquinba huahuacuna Apunchijhuan yachachishca canga; jatun canga quiquinba huahuacunapaj sumaj causai.

14 Ali ruraicunapi shayachishca cangui; carupi cangui llaquichinamanda imashpa ama manllangui, manllanayaimanda cai na quiquinbaman quimirimunga.

15 Riqui, paicuna ciertopacha quiquinba contra tandanajunga, na ñucapaman; maijanbash quiquinba contra tandanajun quiquinba cauzamanda urmanga.

16 Riqui, ñuca rurashcani herrerota pimi fucun carbónda ninapi, apamun shuj ima ruranata paipaj ruraihuan; ñuca rurashcani tucuchijta tucuchichun.

17 Nima macanajuna rurashca quiquinba contra miranga; tucui jallu quiquinba contra plitun ricushpa chasquichinapi imata nishca canga. Cai can Apunchijpaj sirvij runacunapaj chasquina, paicunapaj ali ruraicuna ñucapaj can, nin Apunchij.