Japta 7
Ol boe blong Lihae oli gobak long Jerusalem mo askem Ismael mo evriwan insaed long haos blong hem blong joenem olgeta long wokbaot blong olgeta—Leman mo sam narafala oli go agensem Lod—Nifae i askem strong long ol brata blong hem blong gat fet long Lod—Oli fasemtaet hem wetem ol rop mo oli plan blong kilim hem i ded—Hem i kam fri tru long paoa blong fet—Ol brata blong hem oli askem hem blong fogivim olgeta—Lihae mo kampani blong hem i mekem sakrifaes mo oli bonem ol ofring. Raonabaot 600–592 B.K.B.
1 Mo nao mi wantem se yufala i save se afta we papa blong mi, Lihae, i bin stop blong atalem ol profesi long saed blong laen blong hem, i bin hapen se Lod i bin toktok long hem bakegen, hem i talemaot se i nogud blong hem, Lihae, blong i tekem famli blong hem i go long waelples olgeta nomo; be ol boe blong hem oli mas karem ol bgel blong narafala man olsem dwaef blong olgeta, blong oli save gat sam pikinini long saed blong Lod long graon blong promes.
2 Mo i bin hapen se Lod i bin agivim oda long hem, se mi, Nifae, mo ol brata blong mi, mifala i mas gobak bakegen long graon blong Jerusalem, mo karem Ismael mo famli blong hem i go daon long waelples.
3 Mo i bin hapen se mi, Nifae, abakegen wetem ol brata blong mi, mifala i bin aot long waelples blong go antap long Jerusalem.
4 Mo i bin hapen se mifala i bin go antap long haos blong Ismael, mo mifala i bin kam gud long ae blong Ismael, inaf blong mekem se mifala i talemaot long hem ol toktok blong Lod.
5 Mo i bin hapen se Lod i bin mekem hat blong Ismael i kam sofsof, mo tu, hat blong evriwan insaed long haos blong hem, inaf blong mekem se oli bin joenem wokbaot blong mifala i go daon long waelples i go kasem tenet blong papa blong mifala.
6 Mo i bin hapen se long taem we mifala i stap wokbaot long waelples, luk Leman mo Lemyul, wetem tu long ol gel blong Ismael, mo tufala aboe blong Ismael mo ol famli blong tufala, oli bin go agensem mifala; yes, oli agensem mi, Nifae, mo Sam, mo papa blong olgeta, Ismael, mo waef blong hem, mo tri narafala gel blong hem.
7 Mo i bin hapen se long rao ia, oli bin wantem gobak long graon blong Jerusalem.
8 Mo nao mi, Nifae, mi bin aharem nogud from we hat blong olgeta i strong, from hemia, mi bin toktok long olgeta se, yes, long Leman mo Lemyul, mi talem se: “Luk, yutufala i ol brata blong mi we yutufala i bon bifo mi; mo ?olsem wanem nao yutufala i strong long hat blong yutufala, mo yutufala i blaen long ol tingting blong yutufala, mekem se yutufala i gat nid se, mi, yangfala brata blong yutufala, i mas toktok long yutufala, yes, mo soem wan eksampol long yutufala?
9 ?Hao nao i hapen se yutufala i no bin folem gud toktok blong Lod?
10 ?Hao nao i hapen se yutufala i bin afogetem we yutufala i bin luk wan enjel blong Lod?
11 Yes, mo ?hao nao i hapen se yutufala i bin fogetem ol gudfala samting we Lod i bin mekem blong yumi, long taem we hem i asevem yumi aot long ol han blong Leban, mo tu, se yumi save kasem histri ia?
12 Yes, mo ?hao nao i hapen se yutufala i bin fogetem se Lod i save mekem evri asamting we hem i wantem mekem, long ol pikinini blong ol man, blong mekem se oli soemaot bfet long hem? Taswe, bae yumi mas stap fetful long hem.
13 Mo sapos i hapen olsem se bae yumi stap fetful long hem, bae yumi kasem agraon blong promes; mo bae yutufala i save, long sam taem long fiuja, se ol toktok blong Lod bae i hapen long saed blong taem we Jerusalem i blus evriwan; from evri samting we Lod i bin talem long saed blong taem we Jerusalem i lus evriwan, bae i mas hapen.
14 From luk, bae i no longtaem, Spirit blong Lod bae i stop blong wok wetem olgeta; from luk, oli bin asakemaot ol profet, mo bJeremaea oli bin sakem hem long kalabus; mo oli bin lukaotem blong tekemaot dlaef blong papa blong mi, inaf blong mekem se oli bin ronem hem i aot long graon.
15 Nao luk, mi talem long yutufala se sapos yutufala i gobak long Jerusalem bae yutufala tu i ded wetem olgeta. Mo nao, sapos yutufala i gat joes, go antap long graon, mo tingbaot ol toktok we mi talemaot long yutufala, se sapos yutufala i go bae yutufala tu i mas ded; from olsem ia nao Spirit blong Lod i mekem mi blong talem samting ia.”
16 Mo i bin hapen se afta we mi, Nifae, i bin talem ol toktok ia long tufala brata blong mi, tufala i bin kros long mi. Mo i bin hapen se tufala i bin putum ol han blong tufala long mi, from luk, tufala i bin kros tumas, mo tufala i bin afasem mi wetem ol rop, from tufala i bin lukaotem blong tekemaot laef blong mi, blong tufala i save livim mi long waelples blong ol wael animol i save kakae mi.
17 Be i bin hapen se mi bin prea long Lod, mi talem se: “O Lod, folem fet blong mi we mi gat long yu, bae yu mekem mi i kam fri aot long ol han blong tufala brata blong mi; yes, givim paoa long mi tu blong mi save abrekem ol rop ia we i stap fasem mi.”
18 Mo i bin hapen se afta we mi talem ol toktok ia, luk, ol rop i bin kamaot long ol han mo ol leg blong mi, mo mi stanap long fored blong tufala brata blong mi, mo mi toktok long tufala bakegen.
19 Mo i bin hapen se tufala i bin kros long mi bakegen, mo oli bin lukaotem blong putum han blong tufala long mi; be luk, wan long ol agel blong Ismael, yes, mo tu, mama blong hem, mo wan long ol boe blong Ismael, i bin plis long tufala brata blong mi, inaf blong mekem se tufala i bin mekem hat blong tufala i kam sofsof; mo tufala i bin stop blong traem blong tekemaot laef blong mi.
20 Mo i bin hapen se tufala i bin harem nogud, from fasin nogud blong tufala, inaf blong mekem se tufala i bin bodaon long fored blong mi, mo tufala i bin plis long mi blong mi save fogivim tufala from samting ia we tufala i bin mekem agensem mi.
21 Mo i bin hapen se mi afogivim gud tufala from evri samting we tufala i mekem, mo mi askem strong long tufala se bae tufala i prea long Lod, God blong tufala blong askem hem blong fogivim tufala. Mo i bin hapen se tufala i mekem olsem. Mo afta we tufala i bin mekem prea long Lod, mifala i wokbaot bakegen i go from tenet blong papa blong mifala.
22 Mo i bin hapen se mifala i kam daon i kasem tenet blong papa blong mifala. Mo afta we mi mo ol brata blong mi, mo ol famli blong Ismael i kam daon i kam kasem tenet blong papa blong mi, oli talem atangkyu long Lod, God blong olgeta; mo oli bin mekem bsakrifaes mo bonem ol ofring i go long hem.