1 Epi, se pral konsa, si ^aJanti yo koute Ti Mouton Bondye a, jou sa a, l ap manifeste tèt li devan yo nan pawòl, nan ^bpouvwa, e menm nan aksyon pou l retire ^cpyèdachopman yo—

2 Epi, si yo pa ta fè kè yo di kont Ti Mouton Bondye a, y ap konte nan pami desandan papa w yo, wi, y ap ^akonte nan pami kay Izrayèl la; e y ap vin tounen yon pèp ^bbeni sou tè pwomiz la pou tout tan; yo p ap janm tonbe nan kaptivite ankò; e kay Izrayèl la p ap janm nan konfizyon ankò.

3 Epi, Ti Mouton Bondye a di: Gwo ^atwou sa a gwo legliz abominab la te fouye pou yo a, legliz sa a dyab la ak pitit li yo te fonde pou l kapab mennen nanm lèzòm nan lanfè a—wi, gwo twou sa a ki te fouye pou detwi lèzòm nan, gen pou l ranpli avèk moun ki te fouye l yo pou destriksyon yo nèt; se p ap destriksyon nanm yo, eksepte si yo jete yo nan ^blanfè san fen an.

4 Paske gade, se daprè kaptivite dyab la, e daprè lajistis Bondye sou tout moun k ap fè mechanste ak abominasyon devan li.

5 Epi, se te konsa, zanj la te pale avèk mwen, Nefi, li di: Ou te wè, si Janti yo repanti, l ap bon pou yo; e ou konnen alyans Senyè a te fè avèk kay Izrayèl la tou; e ou te tande, tout moun ki pa ^arepanti dwe peri.

6 Se poutèt sa, ^amadichon pou Janti yo si yo fè kè di kont Ti Mouton Bondye a.

7 Paske, Ti Mouton Bondye a di, lè a rive, m ap fè yon ^agwo travay mèveye nan pami pitit lèzòm; yon travay ki p ap janm fini, nan yon fason oubyen nan yon lòt—oubyen pou l konvenk yo nan lapè ak ^blavi etènèl, oubyen pou l lage yo pou kont yo nan kè di ak panse yo ki avèg, jistan yo desann nan ^ckaptivite ak destriksyon alafwa espirityèl epi tanporèl, daprè kaptivite dyab m te pale a.

8 Epi, se te konsa, lè zanj la te fin pale pawòl sa yo, li di m: Èske ou sonje ^aalyans Papa a te fè avèk kay Izrayèl la? M di li: Wi.

9 Epi, se te konsa, li te di m: Gade, epi wè gwo legliz abominab la, ki se manman abominasyon ^adyab la te fonde a.

10 Epi, li te di m: Ou wè, se ^ade legliz ki genyen sèlman; youn se legliz Ti Mouton Bondye a, ^blòt la se legliz dyab la; se poutèt sa nenpòt moun ki pa nan legliz Ti Mouton Bondye a, li nan gwo legliz sa a ki se manman abominasyon yo; e li se ^cpwostitye tout tè a.

11 Epi, se te konsa, m te gade e m te wè pwostitye tout tè a, epi li te chita sou anpil ^adlo; epi ^bli te gen dominasyon sou tout tè a, nan pami tout nasyon, tout fanmi, tout lang ak tout pèp.

12 Epi, se te konsa, m te wè legliz Ti Mouton Bondye a; li pa gen ^aanpil moun, poutèt mechanste ak abominasyon postitye a ki te chita sou anpil dlo; men, m te wè legliz Ti Mouton an, ki se sen Bondye yo, te sou ^btout sifas tè a tou; e yo pa gen anpil dominasyon sou sifas tè a poutèt mechanste gwo pwostitye m te wè a.

13 Epi, se te konsa, m te wè gwo manman abominasyon an te rasanble anpil moun ansanm sou tout sifas tè a, nan pami tout nasyon Janti yo pou ^agoumen kont Ti Mouton Bondye a.

14 Epi, se te konsa, mwen menm Nefi, m te wè pouvwa Ti Mouton Bondye a te desann sou sen legliz Ti Mouton an yo, ak sou pèp alyans Senyè a, ki te dispèse sou tout sifas tè a; epi yo te ame avèk lajistis, e avèk ^apouvwa Bondye nan anpil glwa.

15 Epi, se te konsa, m te wè kòlè Bondye te ^atonbe sou gwo legliz abominab la jistan te gen lagè ak rimè lagè nan pami tout ^bnasyon ak fanmi ki sou tè a.

16 Epi, lè te kòmanse gen ^alagè ak rimè lagè nan pami tout nasyon ki fè pati manman abominasyon an, zanj la te pale avèk mwen, li di: gade, kòlè Bondye tonbe sou manman postitye yo; e ou wè tout bagay sa yo—

17 Epi, lè ^ajou sa a rive, pou ^bkòlè Bondye fin simaye sou manman postitye yo, ki se gwo legliz abominab ki sou tout tè a, legliz dyab la te fonde a; jou sa a, ^ctravay Papa a pral kòmanse, pou l prepare yon chemen pou l akonpli ^dalyans yo li te fè avèk moun li yo ki nan kay Izrayèl la.

18 Epi, se te konsa, zanj la te pale avèk mwen, li di: Gade!

19 M te gade e m te wè youn nonm ki te abiye avèk yon wòb blanch.

20 Epi, zanj la te di m: Men ^ayoun nan douz apot Ti Mouton an yo.

21 Li gen pou l wè epi pou l ekri rès bagay sa yo; wi, epi anpil bagay ki te pase.

22 Epi tou, li pral ekri konsènan finisman mond lan.

23 Se poutèt sa, bagay li pral ekri yo jis e yo se verite; e yo ekri nan ^aliv ou wè ki te sòti nan bouch Juif la; lè yo te sòti nan bouch Juif la, oubyen, lè liv la te sòti nan bouch Juif la, bagay ki te ekri yo te klè, yo te san melanj, yo te gen anpil ^bvalè e yo te fasil pou tout moun kapab konprann.

24 Epi, gen anpil bagay nan sa ^aapot Ti Mouton an yo pral ekri yo ou wè deja; epi ou pral wè rès la.

25 Men, pa ekri bagay ou pral wè apre sa yo; paske Senyè Bondye a te òdone apot Ti Mouton Bondye a pou l ^aekri yo.

26 Epi tou, te gen lòt moun li te montre tout bagay, yo te ekri yo; e yo ^asele yo pou yo kapab parèt san melanj, nan pami kay Izrayèl la, lè Senyè a vle, daprè verite ki nan Ti Mouton an.

27 Epi, mwen menm Nefi, m te tande e m rann temwayaj, non apot Ti Mouton an se te ^aJan, daprè pawòl zanj la.

28 Epi, mwen menm Nefi, yo defann mwen ekri rès bagay m te wè epi tande yo; se poutèt sa bagay m te ekri yo ase pou mwen; e m te sèlman ekri yon ti pati nan bagay m te wè yo.

29 M rann temwayaj, m te wè bagay ^apapa m te wè yo, e zanj Senyè a te fè m konnen yo.

30 Kounyeya a, m sispann pale konsènan bagay m te wè lè Lespri a te enpòte m lwen an; e si m pa ekri tout sa m te wè, sa m ekri yo se ^averite. Epi, se konsa sa ye. Amèn.