1 Epi tout bagay sa yo papa m te wè, te tande ak li te pale yo pandan li te rete anba tant ki nan ^avale Lemyèl la, epi tou youn bann lòt gwo bagay ankò ki pa kapab ekri sou plak sa yo.

2 Epi kounyeya, menm jan m te pale konsènan plak sa yo, se pa sou plak sa yo m ekri tout istwa pèp mwen an; paske plak kote m ekri tout istwa pèp mwen an, mwen te rele yo Nefi; se poutèt sa, yo rele plak Nefi, daprè non pa m; epi plak sa yo rele ^aplak Nefi tou.

3 Kanmèm, m te resevwa kòmandman nan men Senyè a pou m te fè plak sa yo, pou ^arezon espesyal sa a, pou kapab gen ekri konsènan ^bministè pèp mwen an.

4 Sou lòt plak yo ta dwe gen istwa gouvènman wa yo, ak lagè yo, ak chirepit pèp mwen an; se sa ki fè, plak sa yo se pou pi gwo pa ti ministè a; epi ^alòt plak yo pou pi gran pa ti gouvènman wa yo ak lagè ak chirepit pèp mwen an.

5 Sè sa ki fè, Senyè a te kòmande m pou m fè plak sa yo pou yon rezon ki ^asaj nan li, rezon sa a m pa konnen l.

6 Men, Senyè a ^akonnen tout bagay depi nan kòmansman; se poutèt sa li prepare yon mwayen pou l akonpli tout travay li nan pami pitit lèzòm; paske li gen tout ^bpouvwa pou l akonpli tout pawòl li yo. Epi se konsa sa ye. Amèn.