Jarom Binaaltsoos

1 Ákó shooh kʼad, shí, Jarom éí shizheʼé, Enos, adíínidígíí łaʼ náházoh, áko nihizází baa dahaneʼ tʼáá nihee dahólǫ́ǫ doo.

2 Áádóó díí béésh tʼąhí adaałtsʼíísí, dóó díí nidaháásdzoohígíí éí nihikʼiské, Laman dineʼé bá yáʼátʼééh, ákohgo, éí biniinaa ałtsísígo niʼsézoh, dóó doo éí Diyin bikʼeh áhodooníłígíí bikááʼ náhideesoh da, doodago shił ííshą́ą́ʼ ályaaígíí. Háʼátʼíísh éí nihizázi nideyiizohyę́ęʼ biláahgo nínááhideesoh? Daʼ nahatʼá bee yisdandoodałígíísh tʼáá íídą́ą́ʼ nihił ííshjáá adeiyilaa? Aooʼ; áádóó díí shił bííghah.

3 Áko shooh, díí diné tʼáá íyisíí ndínóotįįł, háálá bijéí dáátłʼis, doo daʼdiitsʼaʼ da, dóó bintsékees ádaadin, dóó bikʼos daniłdzil; ákótʼée ndi, Diyin God tʼáá íyisíí yaa joobaʼ, áko díí kéyah bikááʼdóó tʼah doo nahjįʼ kólnééh da.

4 Áádóó nihitahgóó niidląʼída ląʼígo diyingo nihił ííshją́ą́ ádaʼalyaa, háálá tʼáá átʼé doo bikʼos daniłdzil da. Áádóó doo bikʼos daniłdzilígíí dóó beʼoodlą́ dahólónígíí, éí Ii Sizį́ Diyinii yee dahosin, éí nihokááʼ dineʼé baʼáłchíní, beʼoodlą́ binahjįʼ yił ííshjání éʼéłʼį́.

5 Áádóó kʼad, áko shooh, naakidi neeznadiin nááhai, dóó Nephi bidineʼé ayóó daʼátʼį́įgo deeskai. Moses bibee hazʼáanii yikʼeh dahiiná dóó hááʼáyį́į́h bijį́ Diyin Bóhólníihii yichʼįʼ dahodísin. Doo tʼáá ádzaago yádaałtiʼ da; áádóó ałdo doo Diyin yikʼijįʼ hadahaziih da. Dóó kéyah bee hazʼáanii tʼáá íiyisíí bikʼeh daʼashchʼį́į́ʼ.

6 Áádóó kéyah bikááʼgóó daʼníłtsʼą́ąjigo ałtsʼádabidiʼneeskaad, Laman dineʼé ałdóʼ. Áádóó Nephi dineʼé yilááh ánéélą́ą́ʼ silį́įʼ; dóó ayóó nidaʼałtsʼééd dóó naaldlooshii daʼałchinígíí bidił deidlą́.

7 Áádóó baa hoolzhiizh ląʼída, Nephi dineʼé daniidlínígíí, nihikʼijįʼ nídadibah. Ákondi aláahdi nihinaatʼáanii dóó nihilą́ąjįʼ naazíinii ayóí adaatʼé Diyin Bóhólníihii deiyoodlą́; dóó bidineʼé Diyin Bóhólníihii bikʼehgo oodááł yee nideinitin; ákohgo, Laman dineʼé doo nihikʼeh dadeesdlį́į da dóó nihikéyah biyiʼdóó chʼidaniidzood, dóó nihikin hadaasʼá bichʼą́ą́h yádaʼdiitłʼin, doodago tʼáá ałtsóʼ nihikédaayahgóó.

8 Áádóó ląʼí siidlį́į́ʼ, dóó kéyah bikááʼ ałʼąą dínéétʼą́, dóó béésh óola tʼáá íiyisíí bee daʼiitʼį́ dasiidlį́į́ʼ, dóó béésh łigaii, dóó naadeełii daʼílíínii, dóó tsin bee naʼachʼąąh, kin ádaalʼį́, dóó bee naʼanishí, dóó béésh ditʼóódígíí dóó béésh łichíiʼii, dóó béésh łitsoii dóó béésh dootłʼizh, dóó bee naʼanishí ałʼąą átʼéego bee nihwiildlaadí, dóó bee daʼahijighanígíí—aooʼ, kʼaaʼ háádahaashchíí, dóó kʼaaʼyeel, dóó kʼaaʼ ahiltłʼiidígíí, dóó kʼaaʼ nineez anáhálghąhí, dóó bee naʼabaah tʼáá ałtso hashtʼeelyaa.

9 Áádóó áko hashtʼeʼádadiilyaago Laman dineʼé bikʼijįʼ dahdadiibaaʼ, tʼáadoo nihikʼeh dadeesdlį́į́ʼ da. Ákondi Diyin Bóhólníihii bizaad ííshją́ą́ ályaa, éí nihizází yę́ę yee yichʼįʼ haadzííʼ, kóní: Shibee hazʼáanii bikʼeh dahonołʼį́įgo kéyah bikááʼ yáʼátʼéehgo náás dookah.

10 Áádóó baa hoolzhiizh Diyin Bóhólníihii yá yádaałtiʼii Nephi bidineʼé yéego yichʼįʼ hadahaasdzííʼ, Diyin God bizaad bikʼehgo, áko bee hazʼáanii doo yikʼeh dahółʼį́į́góó, dóó naʼiilzííh yiih yikaigo, kéyah bikááʼdóó nahajįʼ kóhódoolnííl.

11 Ákohgo, Diyin yá yádaałtiʼii, dóó priest, dóó ndaʼnitiní danilínígíí, yéego ndaalnish, diné yéego náásgóó tiʼhooʼnííh bee bidadoołkaałgo ádaʼołʼį́ deiłníh; Moses bibee hazʼáanii ndeinitin, dóó biniyé ndahaasyáhígíí; Messiah doogaałgo ndeinółí deiłníigo ndayookąąh, dóó tʼáá íídą́ą́ʼ níyá nahalingo deinóhdlą́. Áádóó áko díígiʼ átʼáo ndeineeztą́ą́ʼ.

12 Áádóó baa hoolzhiizh naʼnitin yikʼeh dahółʼį́įgo éí bee kéyah bikááʼdóó doo áhoʼdidooldįįł da; áko saad bee yijéí ńdeinshish, áłahjįʼ ádaańdaʼoohkąąh deiłníigo yídeiniłkad.

13 Áádóó baa hoolzhiizh naakidi neeznádiin dóó tádiin dóó biʼaan tseebíí nááhaigo—daʼanaaʼgo daʼahóbááh, dóó ałchįʼ saad dahółǫ́ʼ, dóó saad yee atidaʼahilʼį́įgo, nízaagóó ahoolzhiizh.

14 Áádóó Shí, Jarom, doo łaʼ ninááhideesoh da, háálá béésh tʼąhí ádaałtsʼíísí. Ákondi shooh, shikʼéí, nááná łaʼ Nephi bibéésh tʼą́hí dínóółʼįįł, háálá áko shooh, éí bikááʼ niheʼanaaʼ bikʼááʼ nihaasdzoh, aláahdi naatʼáanii ndaʼazooígíí bikʼehgo, doodaii ndayízo yę́ę.

15 Áádóó díí béésh tʼą́hí shiyeʼ Omni bílákéíʼą́, ákó shizází yee ndahazʼánéegiʼ átʼáo náás deiyóʼááł doo.