Faaaogaina o Aoaoga a Taitai o le Ekalesia e Malamalama ai i Tusitusiga Paia

Faamatala

Faamalamalama atu ua i ai i perofeta a le Alii le tiutetauave patino e faamanino ai tusitusiga paia ma aoaoga faavae (tagai i le 1 Nifae 22:1–2; Mataupu Faavae ma Feagaiga 24:5). E fesoasoani foi perofeta ma isi taitai o le Ekalesia ia i tatou e “faatatau” ma faaaoga tusitusiga paia i o tatou olaga (1 Nifae 19:23).

O punaoa nei e mafai ona fesoasoani ia i tatou e saili ai aoaoga mai taitai o le Ekalesia e faatatau i fuaitau patino o mau:

• Faasino Upu o Mau—O se meafaigaluega lenei i luga o le initoneti o loo maua i le scriptures.byu.edu. O loo maua foi se lomiga o polokalama feaveai mo masini Android ma le iOS. Filifili le tusi o mau, le mataupu po o le vaega, ona sosoo ai lea ma le fuaiupu.

• Gospel Libary (lomiga feaveai)—Faaaoga le vaega o le sailiiliga e saili ai e ala i mau faasino po o upu autu. E mafai foi ona e valivaliina se fasifuaitau i se fuaiupu o se mau. A faaali mai le toolbar, oomi le vaega Search . Ina ia faaitiitia le sailiga, e mafai ona e faaaogaina le faasolo i lalo o “Faaputuga” ma filifili a le o le Konafesi Aoao po o Mekasini. Ona vaavaai lea i taunuuga mo aoaoga e faatatau i lena fuaitau o mau.

• Gospel Library (lomiga uepi)—Faaaoga le vaega o sailiiliga i soo se mea i le ChurchofJesusChrist.org e saili ai e ala i mau faasino po o upu autu. Ona faaaoga lea o le meafaigaluega Faamama [Filter] e faaleleia ai lau sailiga i le “Konafesi Aoao” po o nisi punaoa.

Faailoa atu i ai a faaaoga le Faasologa o Mau Faasino Upu po o le sailia o le Gospel Libary, e mafai ona fesoasoani le faitauina o parakalafa i luma mai ma tua atu o le anotusi o loo i ai i taunuuga o sailiiliga. O le suesueina o ni faamatalaga se tele mai taitai o le Ekalesia e uiga i se fuaitau faapitoa e mafai foi ona tuuina mai ai se malamalamaaga faaopoopo i lona uiga. E mafai ona e iloa e fesoasoani lou taulai atu i aoaoga lata mai nei mai taitai o le Ekalesia.

Faataitaiga

Filifili se fuaitau o se mau sa masani ona ta’ua ma faaaogaina e taitai o le Ekalesia i a latou aoaoga. O se tasi o faataitaiga o le Mose 7:18. I le faaaogaina o faatonuga o loo tuuina atu i luga, faataitai pe faapefea ona faaaoga le Faasino Upu o Mau Faaopoopo ma le faagaoioiga o sailiiliga i le Gospel Library e sue ai aoaoga mai taitai o le Ekalesia e uiga i lenei fuaitau. Faasoa atu se faamatalaga e faamalamalama pe fesoasoani e faamanino ai le uiga o le fuaiupu. Mo se faataitaiga, o lau sailiiliga e mafai ona aofia ai le aoaoga lenei mai ia Elder D. Todd Christofferson, lea o loo faamalamalama mai ai le ala e mafai ai ona “tasi o [tatou] loto ma tasi le mafaufau” (Mose 7:18):

O le a tasi lo tatou loto ma tasi le mafaufau a o taitasi i tatou ma tuu le Faaola i le totonugalemu o o tatou olaga ma mulimuli ia i latou na Ia poloaiina e taitai i tatou. (D. Todd Christofferson, “O mai i Siona,” Liahona, Nov. 2008, 38)

Faataitai

Filifili se fuaitau mai le suesuega o tusitusiga paia o lenei vaiaso, pe e mafai ona e faaaogaina se tasi o fuaitau o mau o loo lisi atu i lalo. E mafai ona e faitauina faatasi o se vasega le mau. Ona valaaulia lea o tagata aoga e faaaoga ia punaoa o loo folasia mai i le vaega o le “Faamatala” e saili ai mo aoaoga mai perofeta ma isi taitai o le Ekalesia e fesootai i lena fuaitau o mau. Valaaulia tagata aoga e faasoa atu i se paga, i ni vaega toalaiti, pe i le vasega (1) le aoaoga po o le faamatalaga na latou maua ma le (2) pe faapefea ona fesoasoani e faamanino pe faalolotoina lo latou malamalama i le fuaitau o le mau.

Fuaitau faaopoopo o mau mo le faataitaia o lenei tomai:

• Iopu 19:25–26

• Mataio 11:28–30

• Mataupu Faavae ma Feagaiga 18:10

• Alema 7:11–13

Valaaulia ma Toe Tulitatao

Valaaulia tagata aoga e faaaoga aoaoga a taitai o le Ekalesia e faaleleia ai a latou suesuega faaletagata lava ia o tusitusiga paia. Fai atu i tagata aoga e aumai i le isi vasega se aoaoga mai se taitai o le Ekalesia e fesoasoani ia i latou e malamalama atili ai i se fuaitau o se mau. Manatua e tulitatao ma tuu atu se taimi pe a tou toe feiloai mo tagata aoga e faasoa mai mea na latou maua ma pe na faapefea ona latou mauaina. E mafai ona e tulitataoina i le āluga o le vaiaso.