Faatomuaga i Aoaoga o Tomai

O tomai i lenei punaoa e mafai ona fesoasoani i tagata aoao e suesue atili ai i le afioga a le Atua, malamalama i tusitusiga paia, aoao e ala i le Agaga, faaaoga aoaoga o le talalelei i o latou olaga, ma faasoa atu upumoni o le talalelei i isi i auala faa-Keriso. O aoaoga o tomai taitasi ua mamanuina e faaaoga i le va o le 10 ma le 20 minute.

E faaaoga e le aoaoga o tomai le mamanu lenei:

1. Faamatala. Fesoasoani i tagata aoao ia malamalama i le tomai o le a latou faataitaiina. O lenei gaoioiga e alu ai le pe tusa ma le 2–5 minute.

2. Faataitaiga. Faataitai le tomai. O lenei gaoioiga e alu ai pe tusa ma le 3–5 minute.

3. Faataitai. Tuu atu i tagata aoao le avanoa e faataitai ai le tomai. Ia mautinoa ia le itiiti ifo ma le afa o le taimi (5-10 minute) mo le aoaoga ua tuuto atu e faataitai ai.

4. Valaaulia ma Toe Tulitatao. Uunaia tagata aoga e faaaoga le tomai i a latou suesuega faaletagata lava ia. Tulitatao o latou aafiaga ma iloilo pe o le a fesoasoani nisi faataitaiga.

O aoaoga o tomai ua mamanuina e fesoasoani ai i faiaoga ma tagata aoga i le seminare, inisitituti, ma le Ekalesia ia avea atili ma ni tagata suesue o tusitusiga paia ola tutoatasi. O aoaoga e mafai ona faaaoga i kosi o tusitusiga paia ma i isi kosi po o mafutaga faaleaoaoga e taulai atu i le suesueina o tusitusiga paia. E mafai foi ona faaaoga e faiaoga i le lotu po o mātua i le fale. E mafai e faiaoga ona iloiloina manaoga o i latou o loo latou aoaoina ma filifili faatasi ma i latou po o a aoaoga e taulai i ai ma pe o afea.