“Taulai Atu ia Iesu Keriso i Tusitusiga Paia,” Tomai i Suesuega o Tusitusiga Paia (2024)
Taulai atu ia Iesu Keriso i Tusitusiga Paia
Faamatala
Mafaufau e faasoa atu le saunoaga lenei a Elder D. Todd Christofferson o le Korama a Aposetolo e Toasefululua:
O le faamoemoega tutotonu o tusitusiga paia uma o le faatumuina lea o o tatou agaga i le faatuatua i le Atua le Tama, ma Lona Alo o Iesu Keriso. (D. Todd Christofferson, “O Le Faamanuiaga o Tusitusiga Paia,” Liahona, Me 2010, 34)
Faailoa atu o le tele o lo tatou taulai atu ia Iesu Keriso i tusitusiga paia, o le tele foi lena o lo tatou aoao e uiga ia te Ia. A o tatou aoao e uiga ia te Ia, e tuputupu a’e lo tatou faatuatua ia te Ia. A o tatou suesue i tusitusiga paia, e mafai ona tatou taulai atu i Ona suafa, faalaniga, ma uiga auaumama. E mafai foi ona tatou maua ituaiga ma faatusa o le Faaola i tagata, sauniga, mea faitino, ma mea e tutupu tatou te suesueina. Ua aoao mai tusitusiga paia e faapea “o mea uma ua tuuina mai e le Atua … o ni faatusatusaga o [Ia]” (2 Nifae 11:4) ma “molimau e uiga ia te [Ia]” (Mose 6:63).
Fuafua e avatu ia tofu le tagata ma se kopi o le saunoaga o mulimuli mai. Faailoa atu o le faia o fesili o loo i le pepa ua tufa atu a o tatou suesue i tusitusiga paia e mafai ona fesoasoani tatou te iloa atili ai Iesu Keriso. E mafai ona outou faitauina faatasi o se vasega ia fesili.
Taulai atu ia Iesu Keriso i Tusitusiga Paia
Igoa ma Faalagiga: O le a le uiga o lenei suafa po o le faalagiga? (Saili meafaigaluega mo le suesueina o tusitusiga paia e pei o vaefaamatalaga, le Bible Dictionary, po o isi punaoa i le ChurchofJesusChrist.org.) O le a se mea o aoao mai e lenei igoa po o le faalagiga ia te a’u e uiga i lo’u manaomia o se sootaga ma Iesu Keriso?
Faatusa: O le a se mea o aoao mai ia te a’u e lenei tagata, sauniga, mea faitino, po o se mea na tupu e uiga ia Iesu Keriso, Lona soifuaga, ma Lana misiona?
Tagata ma Uiga Auaumama: O le a se mea e mafai ona ou aoaoina i le uiga ma uiga auaumama o Iesu Keriso mai lenei fuaitau? E mafai faapefea e lenei fuaitau ona fesoasoani ia te a’u e faalagolago atoatoa atili ai i le Faaola ma Ana folafolaga?
Faataitaiga
Faaaoga faataitaiga nei po o nisi o ou lava tomai e faataitai ai lenei tomai.
|
O mea e suesue i ai |
Faataitaiga o tusitusiga paia |
O le a se mea e mafai ona ou aoaoina e uiga ia Iesu Keriso ma la’u sootaga ma Ia? |
|---|---|---|
O mea e suesue i ai Suafa ma Faalagiga | Faataitaiga o tusitusiga paia Foafoa (2 Nifae 2:14; Isaia 40:28; Ioane 1:3) | O le a se mea e mafai ona ou aoaoina e uiga ia Iesu Keriso ma la’u sootaga ma Ia? I le avea ai ma Foafoa, e mafai e Iesu Keriso ona fesoasoani ia te a’u e fatu se mea matagofie ma faamoemoeina i lo’u olaga. |
O mea e suesue i ai Faatusa | Faataitaiga o tusitusiga paia Gata i luga o le pou (Numera 21:6–9; Ioane 3:14–15; Helamana 8:14–15) | O le a se mea e mafai ona ou aoaoina e uiga ia Iesu Keriso ma la’u sootaga ma Ia? E pei lava o Isaraelu sa vaai atu i le gata apamemea sa faamaloloina mai u o gata, o i latou o e vaavaai atu ia Iesu Keriso o le a faamaloloina mai le agasala. |
O mea e suesue i ai Uiga ma uiga auaumama | Faataitaiga o tusitusiga paia “Le Tama e, ia faia lou finagalo, ma e a oe pea le mamalu e faavavau” (Mose 4:2; tagai foi Luka 22:41–44; 3 Nifae 11:11). | O le a se mea e mafai ona ou aoaoina e uiga ia Iesu Keriso ma la’u sootaga ma Ia? O Iesu Keriso e lotomaualalo ma gauai atu i le finagalo o le Tama Faalelagi. E le aunoa ma le lē manatu faapito ona Ia tuuina atu le viiga ma le mamalu i le Tama. |
Faataitai
Valaaulia tagata aoga e suesue se fuaitau mai le faitauga o tusitusiga paia o lenei vaiaso o loo i ai se suafa, faalaniga, po o se faatusa o le Faaola pe faaalia ai vaega o Ona uiga po o uiga auaumama. Valaaulia i latou e mafaufau loloto i fesili o i a latou pepa e tufa atu a o latou suesue. A uma ua lava se taimi, valaaulia tagata aoga e faasoa mai mea na latou maua ma mea sa latou aoaoina e uiga ia Iesu Keriso ma la latou sootaga ma Ia.
Fuaitau faaopoopo e suesue ma mafaufau loloto i ai:
-
Suafa ma Faalaniga: Isaia 9:6; Ioane 10:11; Mosaea 3:8; Mataupu Faavae ma Feagaiga 45:3–5; Mose 7:53
-
Faatusa: Ioane 6:32–38, 51–58; 1 Nifae 8:10–12; 11:21–22; Mataupu Faavae ma Feagaiga 29:1–2; Mose 5:5–8
-
Uiga ma Uiga auaumama: Kenese 39:20–23; Ioane 13:1, 4–5; Mosaea 24:13–15; Mataupu Faavae ma Feagaiga 18:10–13
Valaaulia ma Toe Tulitatao
Fautuaina le vasega e faaaoga lenei tomai o le taulai atu ia Iesu Keriso i tusitusiga paia a o latou faia a latou suesuega faaletagata lava ia i le semesa atoa. Valaaulia i latou e o mai saunia i le isi vasega e faasoa mai mea na latou aoaoina e uiga ia Iesu Keriso ma lo latou sootaga ma Ia mai a latou suesuega faaletagata lava ia o tusitusiga paia. Manatua e tulitatao, ma tuu atu se taimi i lau vasega e sosoo ai mo tagata aoga e faasoa mai ai mea na latou mauaina. E mafai foi ona e fesili atu pe na faapefea e le faataitaia o lenei tomai ona uunaia a latou suesuega o tusitusiga paia.