Sailiga i Tusitusiga Paia ma i le Gospel Library

Faamatala

Faamalamalama atu ina ia faalolotoina la tatou suesuega o se fuaitau o mau, e mafai ona tatou saili mo fuaitau o mau e faatatau i ai, aoaoga a taitai o le Ekalesia, ala o faasalalauga, ma isi anotusi. O punaoa ma meafaigaluega nei e mafai ona fesoasoani ia i tatou ia faigofie ma vave ona maua fuaitau o mau fesootai ma anotusi: vaefaamatalaga, le Taiala i Tusitusiga Paia, faafanua, ata, ma le faagaoioiga o sailiiliga i le Gospel Library. (I lomiga faaPeretania a le AAG o le Tusi Paia, o loo maua ai foi le Topical Guide and Bible Dictionary.)

Faataitaiga

Ina ia faataitaia lenei tomai, e mafai ona e faaaoga nisi o fesili nei po o nisi o au lava fesili.

• Faitau le 3 Nifae 9:20, ma faasino atu le fasifuaitau “ia outou osi mai mo se taulaga ia te au le loto momomo ma le agaga salamo.” Faasino i le 3 Nifae 9:20, vaefaamatalaga a e avea o se punavai e sue ai fuaitau o mau fesootai e uiga i lenei autu. E mafai foi ona e valaaulia tagata aoga e sue i le faamatalaga “Loto Momomo” i le Taiala i Tusitusiga Paia. Pe e mafai foi ona latou sueina le “Broken-Hearted” ma le “Contrite Heart” i le Topical Guide e vaai ai i fuaitau o mau fesootai.

• E mafai e oe po o nisi o au tagata aoga ona faataitai pe faapefea ona faaaoga vaega o sailiiliga i le Gospel Library. E mafai foi ona e faamamafaina vaega nei e sili atu ona maualuga o sailiga.

  Taunuuga o le Sailiga Faamama

  Kiliki i le aikona search ma ta i totonu se upu po o se fasifuaitau e pei o le “faapotopotoina o Isaraelu.” Faaali pe faapefea ona faamama ia taunuuga. Mo se faataitaiga, ina ia maua fuaitau o mau e uiga i le faapotopotoina o Isaraelu, oomi le faamama Collections latalata i le pito i luga o le itulau ma filifili Scriptures. Ina ia maua aoaoga a taitai o le Ekalesia e uiga i le faapotopotoina, oomi le faamama o Collections ma filifili le General Conference.

  Saili e Faaaoga ai se Upu po o se Fasifuaitau i totonu o Fuaitau o Mau

  Saili e faaaoga ai se faamatalaga mai se fuaitau o mau. Mo se faataitaiga, i le polokalama o le Gospel Library, alu i le Mataupu Faavae ma Feagaiga 18:10. Valivali le fasifuaitau “le taua o agaga.” A faaali mai le toolbar, oomi le vaega Search . E mafai ona e faataitaia le auala e faaaoga ai faamama e sue ai lauga o le konafesi, tusiga a le Ekalesia, ma isi anotusi fesootai ia e faasino i ai ma tuuina atu aoaoga faaopoopo e uiga i lenei fasifuaitau.

Manatua: E mafai ona e maua punaoa faaopoopo, fesoasoaniga, ma vitio i le vaega o le “Help” o le polokalama o le Gospel Library, e aofia ai le “Gospel Library User Guide (iOS)” ma le “Gospel Library User Guide (Android).”

Faataitai

Filifili se fuaitau mai le suesueina o tusitusiga paia o lenei vaiaso pe faaaoga se tasi o faataitaiga o loo tuuina atu i lalo e valaaulia ai tagata aoga e faataitai lenei tomai. E mafai e tagata aoga ona vaavaai mo ni malamalamaaga faaopoopo ma aoaoga e fesootai i le fuaitau e ala i le faaaogaina o fesoasoaniga mo suesuega i a latou tusitusiga paia po o le vaega o sailiiliga i le Gospel Library. Valaaulia tagata aoga e faasoa i le vasega mea ua latou aoaoina.

Fuaitau faaopoopo mo faataitaiga:

• 1 Samuelu 16:7. E mafai e tagata aoga ona suesue i vaefaamatalaga po o le “Iloa, Meaalofa o le” i le Taiala i Tusitusiga Paia. Afai e faaaoga le polokalama o le Gospel Library, e mafai ona latou sailia e ala i mau faasino po o le fasifuaitau “e vaai Ieova i le loto.”

• 2 Peteru 1:4. E mafai e tagata aoga ona suesue i vaefaamatalaga, pe afai foi e faaaoga le polokalama o le Gospel Library, e mafai ona latou sailia le fuaitau “tofusia faatasi ai outou i le amio atua.”

• 2 Nifae 9:6–7. E mafai e tagata aoga ona suesue le “Togiola” i le Taiala i Tusitusiga Paia po o le “Iesu Keriso, Togiola e ala” i le faasino upu i le fusitolu. Afai e faaaoga le polokalama o le Gospel Library, e mafai ona latou sailia e ala i mau faasino po o le fuaitau “Togiola e le iu.”

• Mataupu Faavae ma Feagaiga 93:36. E mafai e tagata aoga ona suesue i vaefaamatalaga ma le “Atamai” i le Taiala i Tusitusiga Paia. Afai e faaaoga le polokalama o le Gospel Library, e mafai ona latou sailia e ala i mau faasino po o le faaaogaina o le fasifuaitau “o le mamalu o le Atua o le atamai lea.”

Valaaulia ma Toe Tulitatao

Fautuaina tagata aoga e faaaoga lenei tomai o le sailiiliga i tusitusiga paia ma i le Gospel Library i le taimi o a latou suesuega faaletagata lava ia ma i le taimi o talanoaga a le vasega. Valaaulia i latou e o mai i le vasega i le isi taimi ua saunia e faasoa mai mea na latou aoaoina e uiga i se mau e ala i le suesueina o vaefaamatalaga, o le Taiala i Tusitusiga Paia, o le faasino upu i le fusitolu, po o le Gospel Library mo aoaoga faaopoopo ma malamalamaaga e fesootai i lena fuaitau. Mafaufau i ni auala e mafai ona faaauau ai ona e faataitaia lenei tomai i le vasega.