“Mauaina o le Uiga o Upu ma Fasifuaitau,” Tomai i Suesuega o Tusitusiga Paia (2024)
Mauaina o le Uiga o Upu ma Fasifuaitau
Faamatala
E mafai ona e faaali atu ni nai upu po o fasifuaitau mai fuaitau o mau atonu e faigata ona malamalama i ai au tagata aoga. Faamalamalama atu o le mauaina o le uiga o upu ma fasifuaitau e mafai ona fesoasoani ia i tatou e malamalama atili ai i tusitusiga paia ma upumoni latou te aoao mai ia i tatou.
Faaali atu le lisi lenei o punaoa e mafai ona faaaoga e tagata aoga e sue ai le uiga o upu ma fasifuaitau i mau. Afai e manaomia, faaali atu i tagata aoga le auala e maua ai nei punaoa.
-
Lomifefiloi
-
Faamatala Le vaega i le polokalama o le Gospel Library
-
Vaefaamatalaga
-
Bible Dictionary
Faataitaiga
E mafai ona e faaaogaina se tasi pe sili atu o punaoa nei po o se tasi o au lava punaoa e faataitai ai lenei tomai.
Lomifefiloi po o le Faamatala le vaega i le Polokalama o le Gospel Library
Faitau le Isaia 7:14, ma sue le upu “Emanuelu.” Sue le “Emanuelu” i se lomifefiloi po o lau telefoni, ma faitau le faauigaga. Ona faataitai lea o le auala e faaaoga ai le vaega Define i le polokalama o le Gospel Library e ala i le faailogaina o le upu “Emanuelu” i le Isaia 7:14. Pe a faaali mai le pusa o filifiliga, oomi le aikona Define e saili ai se lomifefiloi i luga o le initoneti.
Vaefaamatalaga
Afai e faaaoga le lomiga a le Au Paia o Aso e Gata Ai o le Lomiga a King James o le Tusi Paia, e mafai ona e faasino atu tagata aoga i le Isaia 7:14, vaefaamatalaga u, lea o loo aumaia ai le faauigaga faaEperu “Le Atua ua faatasi ma i tatou.”
Taiala i Tusitusiga Paia
Faaali atu i tagata o le vasega le auala e sue ai le “Emanuelu” i le Taiala i Tusitusiga Paia, lea e faamatalaina ai le upu o “Le Atua ua faatasi ma i tatou.”
Faasoa atu i le vasega po o le a le uiga o Emanuelu ua aoaoina ai oe e uiga ia Iesu Keriso.
Faataitai
Filifili se fuaitau mai le faitauga o tusitusiga paia o lenei vaiaso, pe filifili mai fuaitau o loo lisi atu i lalo. Valaaulia tagata aoga e suesue le fuaitau ma faataitai le mauaina o le uiga o upu ma fasifuaitau atonu latou te le malamalama i ai. Valaaulia tagata aoga e faasoa mai i mea nei i paga po o ni vaega toalaiti:
-
O le uiga na latou maua mo se upu po o se fasifuaitau ma pe na faapefea ona latou mauaina
-
E faapefea e le iloaina o lenei uiga ona fesoasoani ia i latou e malamalama atili ai i fuaitau o mau po o se upumoni o loo aoao mai ai
Fuaitau faaopoopo mo faataitaiga:
|
Upu: liua | |
|
Mataio 16:24 |
Fasifuaitau: ave i luga lona satauro. Afai e manaomia e le vasega se fesoasoani, faasino i Faaliliuga a Iosefa Samita, Mataio 16:26. |
|
Fasifuaitau: lotu tele ma le inosia | |
|
Upu: mealilo |
Valaaulia ma Toe Tulitatao
Fautuaina le vasega e faaalu se taimi i le taimi o a latou suesuega o tusitusiga paia e sue ai uiga o upu ma fasifuaitau atonu latou te lē malamalama i ai. Valaaulia tagata aoga e o mai saunia i le isi vasega e faasoa mai pe na faapefea e le faaaogaina o lenei tomai ona uunaia ai a latou suesuega faaletagata lava ia o tusitusiga paia. Tuu atu ia i latou se taimi e faasoa mai ai uiga na latou maua i upu ma fasifuaitau ma pe na faapefea e le malamalama i nei uiga ona fesoasoani ia i latou e malamalama atili ai i mau. Vaavaai mo avanoa e faaauau ai ona faataitai lenei tomai i le vasega.