Ko e Hā ʻOku Totonu Ke U Faí Kapau ʻOku Ou Ongoʻi Vaivai pe Tākiekinangofua?

Fakalaulauloto ha kau sisitā

1. Tokanga pea fakahā hoʻo ngaahi fakakaukaú, ongó, mo e ʻulungāngá. Maʻu ha mahino ki he founga te nau lava ai ʻo tākiekinangofua koe ki hono ngāue hala ʻaki ʻo e tekinolosiá.

2. Fili ke ngāue. Tali ʻi he angatonu pea mo ha ngaahi founga lelei ʻi he meʻa ʻokú ke ongoʻí.

3. Ako pea tupulaki. Fakaʻaongaʻi hoʻo ngaahi aʻusiá ke hokohoko atu ai pē hoʻo akó mo e tupulaki ki he kahaʻú.

kau ʻeletā ʻoku nau tuʻu ki ʻolunga

ʻOku ʻikai ke faingofua tatau ʻa e ako ko ia ke muimui ki he ngaahi tuʻutuʻuni maluʻí mo hoʻo pehē kuo pau ke ke fakahoko iá; ʻoku fie maʻu ke ke feinga mo toutou ngāueʻi. Neongo ai pē ka hoko ʻa e ngaahi tuʻutuʻuni maluʻí ko ha konga angamaheni ia hoʻo tōʻonga moʻuí, ʻe ʻi ai pē ngaahi taimi te ke ongoʻi ai ʻokú ke vaivai pe tākiekinangofua. Mahalo naʻe maʻunimā koe ʻe he tekinolosiá ʻi ha tōʻonga taʻetaau ʻa ia naʻe faingataʻa ke ke ikunaʻi ia kimuʻa peá ke hū ki he ngāue fakafaifekaú. Ko e kau faifekau ʻe niʻihi naʻa nau fekuki mo e ponokalafí kimuʻa pea maʻu honau uiuiʻí, ʻe ngali ʻahiʻahiʻi kinautolu ke nau toe foki pē ki he tōʻonga motuʻa ko iá. ʻE tatau ai pē pe ko e hā e tuʻunga ʻoku ʻi aí, ʻe tokoni ʻa e founga ʻi ʻolungá ke ke liliu ʻo moʻui ʻaki ʻa e ngaahi tuʻutuʻuni maluʻí pea fakamālohia koe ke ke matuʻuaki ʻa e ʻahiʻahí. Manatuʻi ʻoku ʻikai fie maʻu ke ke ikunaʻi tokotaha pē ʻa e ngaahi faingataʻá. ʻI hoʻo feinga ko ia ke moʻui ʻaki ʻa e ngaahi tuʻutuʻuni maluʻí mo ikunaʻi e ngaahi vaivai fakafoʻituituí falala ki he mālohi ʻoku maʻu tuʻunga ʻi he Fakalelei ʻa Kalaisí.

• 1. Tokanga pea Fakahaaʻi

• 2. Fili ke Ngāue

• 3. Ako pea Tupulaki