Genesis 3–4; Moises 4–5

Genesis 3–4; Moises 4–5

Kinatibuk-ang Pagpasabot

Sa kinabuhi sa wala pa dinhi sa yuta, gustong walaon ni Satanas ang atong kabubut-on, ug gipili sa Langitnong Amahan si Jesukristo nga mahimong atong Manluluwas. Ang Pagkapukan ni Adan ug Eva gikinahanglan nga lakang diha sa plano sa Langitnong Amahan. Mianhi si Jesukristo aron tubson kita gikan sa mga epekto sa Pagkapukan, lakip ang espirituwal ug pisikal nga kamatayon.

Pagkat-on sa doktrina ni Jesukristo sa imong kaugalingon. Adunay gahom sa pagtuon, pagpamalandong, ug pagkat-on sa doktrina sa Manluluwas para sa imong kaugalingon agig pagpangandam sa pagtudlo sa imong mga estudyante. Aron mokat-on pa og dugang bahin niini, tan-awa ang seksiyon nga “Mikat-on ang Manluluwas sa Doktrina” (Pagtudlo Sumala sa Pamaagi sa Manluluwas, 20–21). Ang pagsukna sa klase og mga pangutana nga kinahanglag pagpasabot makatabang sa mga estudyante sa pagpamalandong, pagpahayag, ug mas mokat-on sa mga doktrina sa Manluluwas alang sa ilang kaugalingon. Ang usa ka ehemplo sa paghimo niini anaa sa Leksiyon 10: “Moises 4:1-4.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Moises 4:1–4

Katuyoan sa leksiyon: Aron tabangan ang mga estudyante sa pagtinguha nga sundon ang ehemplo ni Jesukristo sa pagsunod sa Langitnong Amahan.

• Pagpangandam sa estudyante: Dapita ang mga estudyante nga hunahunaon ang ilang mga kaila kansang mga panig-ingnan nakadasig nila sa pagsunod sa Langitnong Amahan. Dapita sila sa pagtambong nga andam nga mopakigbahin.

• Bidyo: “Lift Up Your Head and Rejoice” (9:51; tan-awa gikan sa time code 5:48 hangtod 6:27 ug sa time code 6:53 hangtod 7:48)

Moises 4:5–32; 5:1–15, Bahin 1

Katuyoan sa Leksiyon: Aron tabangan ang mga estudyante nga masabtan ang mga epekto sa Pagkapukan sa plano sa Langitnong Amahan ug sa ilang kaugalingong mga kinabuhi.

• Pagpangandam sa estudyante: Dapita ang mga estudyante sa pagsag-ulo sa tudling sa doktrinal nga kahanas sa 2 Nephi 2:25 ug ipangutana sa ginikanan o lider sa Simbahan kon unsay kahulogan niini para nila.

• Mga imahe: Si Adan og Eva; (pwede usab kang magpakita og lainlaing mga litrato nga nagpakita sa paningkamot, mga pagsulay, kasubo, ug kamatayon)

• Bidyo: “Adan and Eve” (1:53)

• Mga materyal alang sa mga estudyante: Papel para sa kada estudyante

• Sulod nga ipakita: Mga instruksiyon sa paghimo og mga pamphlet

Moises 4:5–32; 5:1–15, Bahin 2

Katuyoan sa leksiyon: Aron tabangan ang mga estudyante nga mabati ang hingpit nga kalipay sa katubsanan gikan sa Pagkapukan pinaagi sa Pag-ula ni Jesukristo.

• Pagpangandam sa estudyante: Dapita ang mga estudyante nga mangita sa mga epekto sa Pagkapukan ni Adan ug Eva sa ilang palibot. Kini maglakip sa pagkatawo, kamatayon, pisikal nga mga lawas, sala, gutom, sakit, ug uban pa. Hangyoa ang mga estudyante sa pagpamalandong sa unsang paagi makatabang si Jesukristo sa matag epekto nga ilang nailhan.

• Mga imahe: Usa ka tawo nga nahagbong gikan sa eroplano; si Adan ug Eva nagsakripisyo sa unang mga anak sa ilang kahayopan

• Mga materyal alang sa mga estudyante: Mga pamphlet nga gisugdan paghimo sa mga estudyante sa miaging leksiyon

• Sulod nga ipakita: Mga instruksiyon sa paghimo og mga pamphlet

• Handout: “Ang Pag-ula ni Jesukristo nagtubos nako gikan sa …”