Mataupu 55
Ua Taitai e Aposetolo le Ekalesia
Sa Ia ta’u atu ia i latou ia aoao atu le talalelei i tagata uma. Sa Ia ta’u atu foi o le a Ia tuua i latou i se taimi e le o toe mamao, peitai o le a oo mai le Agaga Paia e fesoasoani ia i latou.
Sa vaavaai atu le au Aposetolo ao siitia a’e Iesu i ao. Sa ta’u atu e agelu e toalua sa oofu i ofu papae i le au Aposetolo o le a toe afio mai Iesu mai le lagi i se aso.
Ua avea nei le au Aposetolo ma taitai o le Ekalesia a Iesu Keriso i le lalolagi. O Peteru sa Peresitene, ma o Iakopo ma Ioane o ona fesoasoani.
Mataio 16:18–19; Mataupu Faavae ma Feagaiga 81:1–2; O Iesu o le Keriso, 219–20
Sa na o le sefulutasi Aposetolo—ua oti Iuta. Sa ta’u atu e le Tama Faalelagi i Aposetolo e filifili ia Matatia e avea ma se tasi o le Au Aposetolo e Toasefululua. Sa i ai valaauga taua i le perisitua o Aposetolo uma.
Sa faatuatua ia Aposetolo ma isi soo i le Alii. Sa latou usitai i Ana poloaiga. Sa alofa le tasi i le isi.
E mafai e Aposetolo ona faia soo se mea, i le perisitua ma le mana o le Agaga Paia. Sa latou faamalolo i e mama’i ma sa avea ma faifeautalai. Sa latou aoao atu e uiga ia Iesu Keriso ma Lana talalelei. O le tele o tagata sa latou talitonu i upu a Aposetolo ma liliu mai i le Ekalesia. Sa faaigoa tagata o le Ekalesia o le Au Paia.