Mataupu 53
Ua Faasatauroina Iesu
E toatele tagata sa mulimuli i fitafita a o latou aveina atu Iesu i le mauga e lata ane i Ierusalema. Sa latou tuu atu ia te Ia e amo Lona lava satauro. Sa latou tutu’i Ona lima ma vae i le satauro ma tuu i luga. Sa latou faasatauro foi isi tagata e toalua, o i laua o tagata gaoi.
Sa tatalo Iesu. Sa Ia aioi atu i le Tama Faalelagi ia faamagalo i fitafita sa faasatauroina o Ia. Sa latou le iloa o Ia o le Faaola.
O Maria, le tina o Iesu, sa tutu i tala ane o le satauro. Sa i ai foi iina ma le Aposetolo o Ioane. Sa fai atu Iesu ia Ioane e vaai Lona tina. Sa ave e Ioane i lona fale le tina o Iesu.
Sa pogisa le nuu. Sa tigaina le Faaola i luga o le satauro mo le tele o itula. Ona alu ese lea o Lona agaga mai Lona tino, ma ua maliu o Ia.
Ina ua maliu o Ia, na ta’ei papa tetele i se mafui’e ma ua nuti. Na saeluaina le veli o le malumalu. Sa fefefe fitafita Roma.
Na aveese mai e se tasi o soo o Iesu le tino o le Faaola mai luga o le satauro. Sa ia afifi i se ie ma tuu ai i le tuugamau, o se nofoaga e tanu ai tagata. Sa fuli atu se maa tele i luma o le tuugamau.