Mataupu 33
O Le Faaali Atu ma le Mamalu: O Le Liua
A o tatalo Iesu, na oo ifo i Ona luga le mamalu o le Atua. Sa susulu Ona foliga e pei o le la. E toalua perofeta o le Feagaiga Tuai o Mose ma Elia na faaali atu ia te Ia. Sa latou talatalanoa e uiga i Lona maliu o le a oo mai ma lona toetu mai.
Mataio 17:2–3; Mareko 9:3–4; Luka 9:29–31 (tagai vaefaamatalaga 31a)
A o tatalo Iesu, sa momoe ia Aposetolo.
Ina ua ala mai i latou, sa latou vaai i le mamalu o Iesu Keriso, Mose, ma Elia. Sa latou faalogoina le leo o le Tama Faalelagi o molimau mai, “O lo’u Atalii pele lena, ou te fiafia ia te ia, ia outou faalogo ia te ia.”
Sa fefefe ia Aposetolo ma sa pauu i lalo. Sa pa’i atu Iesu ia te i latou ma fai atu i ai e aua le fefefe. Ina ua latou vaai a’e i luga, ua leai ni avefeau mai le lagi. Sa ta’u atu e Iesu i Aposetolo ia aua ne’i o latou ta’u atu i nisi le mea sa latou vaai i ai sei mavae Lona maliu ma ua toetu mai.