Mataupu 26
Ua Faamagalo e Iesu se Fafine
E i ai se fafine e tele ana agasala sa nofo i le aai. Sa iloa e ia o loo taumafa Iesu i le fale o le Faresaio. Sa manao o ia e fai se mea faapitoa mo Iesu.
Sa tootuli o ia ma fufulu vae o le Faaola i ona loimata. Ona ia solo lea o Ona vae i lona lauulu ma kisi i ai. Sa tuu foi e ia i ai le suauu manogi. Sa iloa e le Faresaio e tele mea sese sa faia e le fafine. Sa mafaufau o ia sa le tatau ona faataga e Iesu lenei fafine e pa’i atu ia te Ia.
Sa iloa e le Faaola le mea sa i le mafaufau o le Faresaio. Sa ta’u atu e Ia i le Faresaio sa tele atu mea na faia e le fafine e tausi ai o Ia nai lo le Faresaio. E le i tuuina mai e le Faresaio se apa vai e fulufulu ai Ona vae po o se suauu mo Lona ulu, e pei ona masani ai mo malo.
Na ta’u atu e Iesu i le Faresaio ua faamagaloina agasala a le fafine aua sa alofa o ia i le Faaola ma faatuatua ia te Ia. Na fai atu Iesu i le fafine e alu ia o ia ma le manuia.
Luka 7:47–50; Mataupu Faavae ma Feagaiga 58:42–43; O Iesu o le Keriso, 262–63