Mataupu 39
Ua Faamalolo e Iesu se Tagata Tauaso
Sa fai atu le Faaola e le o matua po o le tagata na agasala. Na tauaso lenei tagata ina ia mafai ona faamalolo o ia e Iesu ma faaali atu ai i tagata le mana o le Atua.
Na faia e Iesu se kelei [clay] mai le palapala. Na tuu e Ia i mata o le tagata tauaso. Sa fai atu Iesu i le tauaso e alu e fufulu ona mata.
Ina ua uma ona fufulu ese e le tamaloa le kelei mai ona mata, sa mafai ona ia vaai!
Ina ua vaai ona tuaoi ia te ia, sa latou le iloa po o ai ia. Sa ia ta’u atu ia te i latou na faamaloloina o ia e Iesu. Sa ave e ona tuaoi lea tagata i le au Faresaio. Sa ta’u atu e le tagata i le au Faresaio sa faamaloloina o ia e Iesu.
Sa manatu nisi o le au Faresaio o Iesu o se tagata amiotonu. Sa manatu nisi o Ia o se tagata agasala. Ina ua fai atu le tagata lea sa tauaso o Iesu o se tagata amiotonu, sa feitai nisi o le Au Faresaio ma togi o ia i fafo.
Na maua e Iesu le tagata. Sa fesili atu o Ia i le tagata pe talitonu o ia i le Alo o le Atua. Sa fesili le tagata po o ai le Alo o le Atua. Sa fai atu Iesu o Ia o le Alo o le Atua, ma sa vivii atu le tagata ia te Ia.