Mataupu 12
O Le Faaipoipoga i Kana
Na faaaloalo ma alofa Iesu i Lona tina. Sa fesili o Ia [i Lona tina] po o le a se mea e manao Na te faia.
Ioane 2:4 (tagai vaefaamatalaga 4a)
Na fai atu Maria i auauna sa i ai i le faaipoipoga ia latou faia soo se mea e fai atu ai Iesu e fai.
Sa fai atu Iesu i auauna e faatutumu fagu lapopoa e ono i vai. E i le va o le 18 ma le 27 kalone (68 ma le 102 lita) vai e mafai ona ofi i le fagu e tasi. Ona Ia faaliu uaina ai lea o le vai.
Sa Ia fetalai atu i auauna e ave le uaina mai fagu ma avatu i le taitai o le taumafataga.
Na ofo le taitai o le taumafataga ina ua ia inu i le uaina. Sa masani ona faaaoga le uaina lelei i le amataga o se taumafataga. Peitai o le taimi nei, ua faamulimuli atu ai le uaina lelei.
O se vavega tusitusia muamua lea na faia e Iesu ao i ai o Ia i lenei lalolagi. Na faia e Ia e fesoasoani ai i Lona tina. Na fesoasoani foi ia malosi ai le faatuatua o Ona soo.