Mataupu 50
O Isi Aoaoga i le Talisuaga Mulimuli
Sa Ia faapea mai afai e alolofa le au Aposetolo ia te Ia, o le a latou tausi i Ana poloaiga. Sa Ia folafola atu ia i latou le meaalofa o le Agaga Paia. O le a aoao atu e le Agaga Paia ia i latou mea uma e tatau ona latou iloa. O le a fesoasoani le Agaga Paia i Aposetolo ia manatua mea na aoao atu e Iesu ia i latou.
Sa ta’u atu e Iesu e faatusa o Ia o se vine. O Ona soo e faapei o lala o le vine. Ua na o se lala o loo mau lelei i le vine e mafai ona fua mai ni fua lelei.
Sa folafola atu e Iesu i Ana Aposetolo pe a fai o le a latou ola i le talalelei, o o latou fua (latou galuega) o le a lelei. Pe a fai latou te le mulimuli ia te Ia, o le a pei i latou o lala e tipi ese mai le laau ma lē fua mai.
Sa tatalo Iesu Keriso ia toe faatasia Ana Aposetolo. Sa Ia manao ia i latou e aoao tagata ia talitonu ia te Ia ma ia iloa e alofa le Tama Faalelagi ia i latou.
Ona usu lea e Iesu ma Aposetolo o se pese ma sa latou o ese ai mai le potu.