Mataupu 10

Ua Papatisoina Iesu

John the Baptist in the desert - ch.10-1

Sa nofo Ioane i le vao mo le tele o tausaga. Sa ofu o ia i ofu e fai i fulufulu o kamela, ma sa ’ai o ia i melivao ma sē akerise. Na o mai tagata mai isi nuu e faalogo ao aoao atu o ia. Sa faaigoa o ia o Ioane le Papatiso.

Mataio 3:1–5

John the Baptist teaching the people about Jesus Christ - ch.10-2

Na aoao atu e Ioane le Papatiso ia tagata e uiga ia Iesu Keriso. Na ia ta’u atu ia i latou ia salamo mo a latou agasala ma ia papatisoina. Na papatiso e Ioane i latou ua salamo mai a latou agasala.

Mataio 3:2–3, 5–6

John the Baptist preaching to the people - ch.10-3

Na fesili tagata ia Ioane le Papatiso pe faapefea ona ola i ni olaga lelei. Na ia ta’u atu ia i latou e tufatufa atu a latou mea mo e matitiva, ta’u le mea moni, ma ia agalelei i isi. Na ia ta’u atu o le a vave ona o’o mai Iesu Keriso. O le a tuu atu e Iesu ia i latou le meaalofa o le Agaga Paia.

Mataio 3:2, 11–12; Mataio 3:2, 11–12

Jesus Christ asks John to baptize Him - ch.10-4

I se tasi aso a o papatiso e Ioane le Papatiso ia tagata i le Vai o Ioritana, na sau ai Iesu Keriso ia te ia. Sa Ia fai atu ia Ioane e papatiso o Ia. Na iloa e Ioane o Iesu e usitai i taimi uma i tulafono a le Atua ma e le manaomia ona salamo o ia. Na manatu Ioane e le manaomia ona papatisoina Iesu.

Mataio 3:13–15; 2 Nifae 31:5–7

John the Baptist baptizes Jesus - ch.10-5

Peitai na poloai mai le Atua ia papatisoina tagata uma, o lea na fai atu ai Iesu ia Ioane ia papatisoina o Ia. Na faia e Iesu se faataitaiga mo i tatou e ala i le usitai i poloaiga a le Atua ina ia papatisoina.

Mataio 3:16; 2 Nifae 31:7–9

Jesus comes up out of the water after being baptized - ch.10-6

Ina ua alu a’e Iesu mai le vai, na oo mai le Agaga Paia ia te Ia. Na fetalai mai le Atua mai le lagi, ua faapea mai, “O lo’u Atalii pele lena, ua ou fiafia lava ia te ia.” Na molimau foi Ioane le Papatiso o Iesu o le Alo o le Atua.

Mataio 3:16–17; Ioane 1:33–36; O Iesu le Keriso, 150