Upoko 28
Te Whakatekau me ngā Tāpaetanga
He aha ēnei mea te whakatekau me ngā tāpaetanga, ā, e pēhea ana tā tō tātou Matua i te Rangi manaaki i a tātou i ngā wā e tukuna ai e tātou i runga i te ngākau mārie?
Kua Tohutohu Mai Tō Tātou Matua i te Rangi ki a Tātou Kia Tuku i te Whakatekau
Ko te whakatekau te hau-ngahuru o ngā moni me ērā atu mea e whiwhi nei tātou. Kua tohua ngā tāngata e tō tātou Matua i te Rangi i ngā wā o mua rawa atu ki te tuku i te whakatekau. I ngohengohe a Āperahama, a Hākopa, me ētahi atu tāngata tokomaha ki tēnei whakahaunga.
Mēnā ka utua, ka whiwhi moni rānei, me tuku te hau-ngahuru hei whakatekau. Mēnā he kararehe, he hauhakenga rānei ka taea tonutia te tuku i te whakatekau. Ka tukuna atu te hau-ngahuru o ā tātou hauhakenga, ā tātou punua kararehe rānei kua whakatipuria ake i te tau. Mēnā ka taea, mahue te tuku i ngā hauhakenga me ngā kararehe ki te Hāhi, me hoko kē atu kātahi ka tukuna te moni ki te Hāhi. Ka tuku tātou i ā tātou whakatekau ki te pīhopa, ki te tumuaki rānei o te peka. Ki te kore tātou e mōhio me pēhea te nui hei tuku atu, me pātai atu ki te pīhopa, ki te tumuaki rānei o te peka hei whakamāramahia mai te ture whakatekau.
I a tātou e tuku whakatekau ana, ka āwhinatia e tātou ki te whakahora atu i te rongopai ki te ao. E whakamahia ana te whakatekau ki te waihanga i ngā whare Hāhi, te tā pukapuka me te utu i ērā atu mea e tika ana mō tō Ihu Hāhi pono.
Me tuku whakatekau anō ngā tamariki. Ka ako rātou i tā rātou kite atu i ō rātou mātua e tuku whakatekau ana. Mēnā ka tīmata te tuku whakatekau i a rātou e tamariki ana, ka hiahia anō rātou ki te tuku whakatekau ina pakeke ake rātou, ā, ina whai whānau anō rātou.
Hei Matapaki
-
E tohua ana tātou kia tuku e hia moni hei whakatekau?
-
Me pēhea tātou e whakaako ai i ā tātou tamariki ki te tuku whakatekau?
Ka Whakaatu Tātou i Te Aroha Mō Tō Tātou Matua i te Rangi Ina Tukuna e Tātou te Whakatekau
Me tuku e tātou te whakatekau i runga i te ngākau mārie kia whakawhiwhia ai e tō tātou Matua i te Rangi, ā, kia manaakitia tātou mō taua mahi. Me tuku whakatekau nā te hiahia ki te tuku atu.
Mēnā kāore tātou ō tātou hiahia ki te tuku i te whakatekau, me aro ō tātou whakaaro ki ngā manaakitanga katoa kua homai e tō tātou Matua i te Rangi ki a tātou. Mā te tuku i te whakatekau i runga i te ngākau mārie e whakaatu ana tātou i ō tātou aroha mō tō tātou Matua i te Rangi, mō ērā atu tāngata anō hoki.
Hei Matapaki
-
Pānuitia 2 Koriniti 9:6–7.
-
He aha e whakahirahira ai te tuku atu i runga i te ngākau mārie?
Kua Whakaari Mai Tō Tātou Matua i te Rangi, Ka Manaakitia Tātou e Ia Mēnā Ka Tuku Tātou i te Whakatekau
Ka harikoa tō tātou Matua i te Rangi i tā tātou tuku atu i te whakatekau. Kua whakaaria mai e Ia ngā manaakitanga mēnā ka pēnātia e tātou. Kua mea mai Ia Māna ngā manaakitanga maha rawa e tuku mai kua kore tātou e mōhio me aha. Kua kī mai anō Ia e kore tātou e whakangaromia me te hunga kino mēnā ka tuku i te whakatekau i runga i te ngākau mārie.
Ka manaaki tō tātou Matua i te Rangi i a Tātou kia mōhio ake tātou ki a Ia. Māna tātou e manaaki kia nui ake tō mōhioranga e pā ana ki te rongopai. Māna tātou e whakakaha kia ngohengohe ai ki ngā akoranga a te rongopai ia rā me te āwhina i ō tātou whānau ki te mūmau ki te rongopai. Ka harikoa anō Ia i tā tātou āwhina i ētahi atu tāngata ki te ako e pā ana ki te rongopai.
I a tātou e tuku whakatekau ana, ka ako tātou me pēhea te whakahaere pai i ā tātou pūtea, ā, ka meinga he mea matapiko kore. Me whakataha tuatahi e tātou te whakatekau mai i ā tātou whiwhinga, kātahi ka kitea ka manaakitia tātou e tō tātou Matua i te Rangi kia whakahaere i ngā toetoenga pūtea hei tiki i ngā mea e tika ana mā tātou.
Hei Matapaki
-
He aha ngā manaakitanga e toru e whiwhi ai tātou nā te tuku i te whakatekau?
Ka Āwhina Tātou i Ētahi Atu Tāngata Ina Tukuna e Tātou Ngā Tāpaetanga Nohopuku
Nohopuku ai ngā mema o te Hāhi i te rā kotahi ia marama. Te tikanga ia ka kore tātou e kai i ngā wā kai e rua. Kāore tātou e kai, e inu rānei mō ngā hāora e 24. E whakapono ana mātou mā te nohopuku ō tātou wairua e kaha ai.
Kua tohua mai tātou e tō tātou Matua i te Rangi kia tukuna he tāpaetanga e kīa nei he tāpaenga nohopuku. Me rite tēnei tāpaenga ki te utu o ngā kai e rua kāore i kaingia i a koe e nohopuku ana. Me nui atu tā tātou e tuku ai mēnā ka taea. Ka manaakitia tātou e tō tātou Matua i te Rangi mēnā ka pērā tātou. Ka whakaahia ēnei tāpaetanga ki te tuku kai, whakaruruhau, kākahu me ērā atu mea tika e hiahia ana rātou. I a tātou e tuku tāpaenga nohopuku ana kei te wehakaatu atu i ō tātou aroha ki ō tātou huānga.
Ka tukuna atu ā tātou tāpaetanga nohopuku ki te pīhopa, ki te tumuaki o te peka rānei, ā, ka whakamahia te pūtea e ia ki te āwhina i te hunga rawakore me te hunga e hia āwhina ana. Kua mea mai tō tātou Matua i te Rangi mēnā ka āwhina tātou i te hunga rawakore Māna tātou e manaaki. Māna ō tātou inoi e whakautu, Māna tātou e āwhina i roto i ngā mea e hiahia ana. Māna tātou e āwhina kia pai ake ō tātou māramatanga i te rongopai, ā, Māna tātou e ārahi i ngā wā katoa.
Ka whakamahi te Hāhi i ngā whakatekau me ngā tāpaetanga:
-
Ki te whakaako i te rongopai ki ētahi atu.
-
Ki te hanga me te tiaki i ngā temepara, ngā whare karakia, me ērā atu whare o te Hāhi.
-
Ki te tā pukapuka ako me ētahi atu mea e hiahiatia ana e ngā tāngata o te Hāhi ki te ako e pā ana ki te rongopai me te mahi hoki i te mahi a tō tātou Matua i te Rangi.
-
Ki te āwhina i te hunga tē taea te tiaki i a rātou anō.
Hei Matapaki
-
Me pēhea tātou e whakaatu ai i ō tātou whakamoemiti ki tō tātou Matua i te Rangi mō ngā manaakitanga katoa kua homai e Ia ki a tātou?
-
He aha tātou e harikoa ai i te tuku i te tāpaetanga nohopuku?
Mā te nohopuku me te inoi e tau mai ai ngā manaakitanga.