Upoko 1
He Atua
I ētahi wā ka pātai ngā tāngata ki a rātou anō: He Atua? Mehemea he Atua, he aha Tōna āhua? Me pēhea rā au e mōhio ki a Ia?
He maha ngā mea e whakaatu ana ki a tātou, he Atua Anō
Ki te titiro ana tātou ki ngā mea whakamīharo maha o tēnei ao, kua mōhio tātou nā tētahi mea matatau, nā tētahi mea pai i whakarite, i waihanga. Hei te pō, ina kite atu tātou i ngā whetū maha me ngā aorangi e rērere haere ana i te wāhi tika, kua mōhio tātou nā tētahi mea whai kaha nui i hanga, ā, koia hoki te kaiwhakahaere. Ko te Atua te mea nāna nei ēnei katoa i hanga.
I reira ētahi tāngata kua kitea, kua kōrero hoki ki te Atua. Kua mea mai rātou ki a tātou he aha te āhua o te Atua, he aha hoki Tāna e hiahia ana mō tātou. Kua mea mai rātou ko Ia tō tātou Matua i te Rangi. Kua tuhia e rātou ngā pukapuka tapu kia ako ai tātou e pā ana ki a Ia.
E āhei ana tātou katoa te mōhio he Atua, ā, me te mōhio anō hoki, ko Ia tō tātou Matua i te Rangi. Ka āwhina Ia i a tātou kia mōhio ai ki Tōna tūturutanga, ā, kia ako ai e pā ana ki a Ia.
Hei Matapaki
-
He aha ētahi mea e whakaatu ana he Atua?
He Mea Kohakore tō tātou Matua i te Rangi
Kua kōrero ngā tāngata pai, ngā mea i kite ai i tō tātou Matua i te Rangi, he tūturu Ia, kei te ora Ia, ā, he rite tonu Tōna āhua ki te tangata.
Ehara tō tātou Matua i te Rangi i tētahi whakapakoko, i tētahi kararehe rānei. He tinana kikokiko, ā, he tinana wheua, arā, he tinana kikōiwi Tōna. He rite te āhua o Tōna tinana ki tō te tangata, heoi he rerekē.
E kore Tōna tinana e mate. E kore Tōna tinana e rongo i te mamae, ā, e kore hoki e māuiui.
He kare ā-roto Ōna. Ka rongo Ia i te harikoa me te pōuri. Ka aroha Ia ki ngā tāngata katoa, ā, e hiahia ana Ia kia harikoa ai rātou. He ngākau atawhai, he ngākau tapatahi hoki Tōna. Ka mahi anake Ia i ngā mahi pai, ā, he pono anake Āna kupu. E mōhio ana Ia ki ngā mea katoa. Ka taea e Ia ngā mea katoa te mahi. Kua karapotia Ia e te māramatanga. Ko Tōna kānapatanga me Tōna ātaahua, kei runga noa atu i ngā mea katoa kua kitea e tātou.
Me koropiko anake tātou ki tō tātou Matua i te Rangi. E noho ana Ia ki tētahi wāhi e kīa nei ko te rangi. He wāhi tino ātaahua rawa atu i tō te ao e noho nei tātou.
Hei Matapaki
-
He tūmomo aha te Atua?
-
He aha ngā rerekētanga o te Atua i a tātou?
He Maha ngā Huarahi e Whakaatu ai Tō Tātou Matua i te Rangi i Tōna Aroha ki a Tātou
E whakamahia ana e tō tātou Matua i te Rangi Tōna kaha hei āwhina i a tātou. I tohungia e Ia Tana Tama a Ihu Karaiti, kia hanga i te rangi me te whenua. I tohungia e Ia a Ihu, kia hanga i te rā, te marama, me ngā whetū. I tohutohungia e Ia a Ihu, kia whakakorowaitia te ao ki ngā momo tipu me ngā momo kararehe. I mahia ēnei mea katoa e tō tātou Matua i te Rangi, nā te mea e aroha ana Ia ki a tātou. E hiahia ana Ia ki te āwhina i a tātou, kia pai ai, kia harikoa ai.
E whakamahia ana e tō tātou Matua i te Rangi Tōna mātauranga hei āwhina i a tātou. E mōhio ana Ia ki ngā mea katoa kua hipa kē atu. Ā, e mōhio ana Ia ki ngā mea katoa e mahia ana i tēnei wā tonu. Ā, e mōhio ana Ia ki ngā mea katoa e heipū ai hei ngā rā anamata. E mōhio ana Ia ki ō tātou whakaaro katoa. Nō te mea, e mōhio ana Ia ki ngā mea katoa, e mōhio ana Ia he aha ngā mea e tika ana mō tātou kia harikoa ai tātou. E mōhio ana Ia me pai tātou kia tino harikoa ai tātou. E hiahia ana Ia te āwhina i a tātou, kia pai ai, nō te mea, e aroha ana Ia ki a tātou.
Hei Matapaki
-
E pēhea ana tō tātou Matua i te Rangi e whakaatu ai Tōna aroha ki a tātou?
E hiahia ana tō tātou Matua i te Rangi kia mōhio tātou ki a Ia
Nō te aroha o tō tātou Matua i te Rangi ki a tātou, kua homai e Ia ki a tātou te oranga, me tēnei ao ātaahua hei nohoanga mō tātou. E hiahia ana Ia, kia mārama ai tātou ki ngā mea katoa me mahi. Kua kī taurangi mai te Atua ki a tātou, e āhei ana i a tātou te mōhio ki a Ia.
Mā te mahi i ēnei mea e āwhinatia ai tātou ki te ako tonu e pā ana ki tō tātou Matua i te Rangi:
-
E taea ana e tātou te titiro atu ki te ao kua hangaia nei e Ia me te noho i runga i te ngākau whakawhetai.
-
E taea ana e tātou te whakapono he tūturu tō tātou Matua i te Rangi, ā, e aroha ana Ia ki a tātou.
-
E taea ana e tātou te pānui i ngā mea pai kua tuhia e ngā tāngata pai mō tō tātou Matua i te Rangi.
-
E taea ana e tātou te ako me te mahi i Tāna e pai ai hei ako, ā, hei mahi mā tātou.
-
E taea ana e tātou te kōrero ki tō tātou Matua i te Rangi me te tono atu ki a Ia Māna tātou e āwhina kia mōhio ai tātou ki a Ia.
Mā te mōhioranga ki tō tātou Matua i te Rangi e āwhina ai tātou i ō tātou oranga. Mā te mōhioranga ki a Ia e harikoa ai, e haumaru ai tātou. He pai pū Ia, ā, kua kore nei Ia e mahi i tētahi mea e kino ana mō tātou. E taea ana e tātou te ako he aha Tāna e pai ai hei mahi mā tātou. E taea ana e tātou te ako me pēhea te tono i Tōna āwhina. E taea ana e tātou te whakatupu hei tāngata pai ake, ā, hei tāngata koa ake.
Hei Matapaki
-
He aha tā tātou kia mōhio ai, ā, kia mārama ai i tō tātou Matua i te Rangi?
-
Me pēhea te mōhioranga ki tō tātou Matua i te Rangi e āwhina ai i a tātou?