Upoko 4
Kei a tātou tonu te tikanga ki te kōwhiri
He maha ā tātou kōwhiringa ia rā. Kua homai e tō tātou Matua i te Rangi ki a tātou i te tika kia kōwhiri ai tātou mō tātou anō. He aha te take me ngana ai tātou ki te kōwhiri i ngā mea pai?
Ka Homai Tō Tātou Matua i te Rangi i te Tikanga Kōwhiri ki a Tātou
I a tātou tonu te tikanga kōwhiri i te Rangi. I a tātou te tikanga kōwhiri ki te aru i a Ihu, a Hātana rānei. I kōwhiri te nuinga o ngā tamariki ō tō tātou Matua i te Rangi ki te aru i a Ihu. I kōwhiri ērā atu ki te aru i a Hātana. I whakaae tō tātou Matua i te Rangi kia kōwhiri āna tamariki katoa mō rātou anō.
Ka whakaae hoki tō tātou Matua i te Rangi, kia kōwhiri tonu tātou mō tātou anō ki te ao nei. I tō tātou haerenga mai ki te ao, i meinga tātou e Ia kia wareware i tō tātou oranga me Ia. I whai tikanga kia ako ai tātou ki te kōwhiri mō tātou anō i te korenga i tōna aroaro.
Hei Matapaki
-
E pēhea ana koe i a koe e meinga ana e tētahi kia mahia tētahi mea?
-
E pēhea ana koe i te whakaae o tētahi kia kōwhiri tonu koe mōu anō?
Ka ea anake te mahere o tō tātou Matua i te Rangi ki te kōwhiri tātou mō tātou anō
I roto i te mahere o tō tātou Matua i te Rangi, ka tonoa tātou ki te ao, ā, e kitea ai ngā mea pai me ngā mea kino. E hiahia ana Ia, kia kōwhiri tātou i ngā mea pai. Ko tā Hātana, he whakapakepake i a tātou kia kōwhiria ai ngā mea kino. Kei a tātou anō te tikanga ki te kōwhiri i te pai, te kino rānei.
Ki te kōwhiri tātou i te tika, he ngāwari ake ki te mahi i ngā mahi e hiahiatia ana e tō tātou Matua i te Rangi. Mā te mahi i ngā mahi e hiahiatia ana e tō tātou Matua i te Rangi, ka meinga tātou kia pērā tonu ki a Ia. Ka whai māramatanga tātou mō tātou anō, he aha ngā kōwhiringa pai ake. Ka mārama hoki tātou ki ngā mea e whakaharikoa ai, e whakapōuri ai rānei i a tātou.
Mei kore ake tō tātou ake tikanga kōwhiri, kua kore tātou e whanake, kia meinga tātou pērā rawa ki tō tātou Matua i te Rangi. E kore tātou e ako mō tātou anō i ngā kōwhiringa pai ake. E kore hoki tātou e whakaatu i te aroha ki tō tātou Matua i te Rangi, me tō tātou hiahia ki te aru i a Ia.
Hei Matapaki
-
He aha te take me kōwhiri tātou i te tika?
Mā te kōwhiri kia ngohengohe ai ki tō tātou Matua i te Rangi e harikoa ai tātou
Mā ngā kōwhiringa tika e hua ai ngā mea pai; mā ngā kōwhiringa kino e hua ai ngā mea kino. Ki te kōwhiri tātou kia ngohengohe ai ki tō tātou Matua i te Rangi, ka harikoa ake, ka tangata pai ake. Ki te kōwhiri tātou kia kaua e ngohengohe ai ki tō tātou Matua i te Rangi, ka pōuri kē tātou, ā, kua kore tātou e meinga kia tangata pai ake.
Ki te kōwhiri i te tika, ka harikoa ake tātou. Nā wai rā, ka ako tātou ki te kōwhiri anō i ngā mea pai. Mā te hua ake o te harikoatanga i ngā kōwhiringa pai, ka kaha tonu tātou ki te kōwhiri i te tika, ka tipu tonu te hiahia kia mahi i te pai. He ngāwari ake te kōwhiri i te tika, nō te mea e mōhio ana tātou ki ngā mea pai ka hua ake. Ka ako tātou i ngā mea me mōhio me ngā mea me mahi, kia meinga pērā ki tō tātou Matua i te Rangi.
Ki te kōwhiri tātou i te hē, ka pā mai te mamae me te whakamā. Ki te mahi tonu tātou i ngā mea hē, ka kaha ake te whakaawenga o Hātana i runga i a tātou. Ka uaua haere te whiriwhiri ki te mahi tika. Ka mutu tā tātou whai atu i te mahere o tō tātou Matua i te Rangi.
Hei Matapaki
-
Whakaarohia ētahi o āu kōwhiringa. He aha te hua o ia kōwhiringa?
-
Me pēhea e kōwhiri ai koe kia harikoa ai, ā, kia hoki anō ki tō tātou Matua i te Rangi?
-
Ka āwhina pēhea ngā kōwhiringa tika i a koe, ki te kōwhiri tonu i ngā kōwhiringa tika?
-
Ki te kōwhiri i ngā kōwhiringa hē, he aha e taupātia ai kia kōwhiria anōtia te tika?
Ka āwhina tō tātou Matua i te Rangi i a tātou kia kōwhiria ai te tika
E hiahia ana tō tātou Matua i te Rangi kia kōwhiria ai tātou i te pai, kia ako ai tātou i ngā mea e mōhiotia ana e Ia, kia mahia ai āna mahi, kia whiwhi ai hoki ki āna katoa. E mōhio ana Ia ka harikoa tātou, ā, ka hoki anō ki a Ia, ki te kōwhiri tātou i ngā mahi tika.
E hiahia ana tō tātou Matua i te Rangi ki te āwhina i a tātou ki te kōwhiri i te pai. Mā tōna āwhina e āhei ai tātou te mahi i ngā mea katoa kua tohua mai e Ia. Ki te pātai tātou ki a Ia, ka āwhina Ia i a tātou kia kaupare atu ngā whakawainga a Hātana.
Hei Matapaki
-
He aha e hiahia ai tō tātou Matua i te Rangi kia kōwhiri ai tātou i te tika?
-
Ka meinga Ia kia kōwhiri ai tātou i te tika? He aha ai?