ដៃគូសកម្មភាពទាំងឡាយ

សូមអាន ៖ដោយមានការជួយពីអ្នកដទៃ អ្នកអាចសម្រេចបានកិច្ចការដ៏អស្ចារ្យជាច្រើន ។ ឧទាហរណ៍ អ្នកផ្សាយសាសនា មានដៃគូសម្រាប់គាំទ្រ ។ នៅក្នុងក្រុមទាំងឡាយរបស់យើង យើងមាន « ដៃគូសកម្មភាព » ។ រៀងរាល់សប្តាហ៍ យើងនឹងជ្រើសរើស ហើយធ្វើការជាមួយដៃគូសកម្មភាពម្នាក់ ។ ដៃគូសកម្មភាពទាំងនេះជួយគ្នាទៅវិញទៅមកឲ្យរក្សាការតាំងចិត្តដោយ ៖

ការហៅទូរស័ព្ទ ផ្ញើសារ ឬ ទៅលេងគ្នាទៅវិញទៅមក ក្នុងអំឡុងសប្តាហ៍ ។
ការនិយាយអំពីអ្វីដែលយើងបានរៀននៅក្នុងក្រុម ។
ការលើកទឹកចិត្តគ្នាទៅវិញទៅមកដើម្បីឲ្យរក្សាការតាំងចិត្តទាំងឡាយ ។
ការប្រឹក្សារួមគ្នាអំពីបញ្ហាប្រឈមទាំងឡាយ ។
ការអធិស្ឋានឲ្យគ្នាទៅវិញទៅមក ។

ពិភាក្សា ៖តើមាននរណាម្នាក់បានជួយអ្នកឲ្យសម្រេចបាននូវរឿងអ្វីមួយដែលពិបាកដោយរបៀបណា ?

សូមអាន ៖ការធ្វើជាដៃគូសកម្មភាពម្នាក់មិនលំបាក ឬ ចំណាយពេលច្រើនទេ ។ ដើម្បីចាប់ផ្តើមការសន្ទនា អ្នកអាចសួរ ៖

តើអ្នកចូលចិត្តអ្វីខ្លះចេញមកពីការប្រជុំលើកចុងក្រោយរបស់យើង ?
តើរឿងល្អអ្វីខ្លះដែលបានកើតឡើងលើគ្រួសារអ្នកសប្តាហ៍នេះ ?
តើអ្នកបានប្រើគោលការណ៍មូលដ្ឋានគ្រឹះនាសប្តាហ៍នេះ ដោយរបៀបណា ?

ផ្នែកដ៏សំខាន់នៃការពិភាក្សា គឺជាការជួយគ្នាទៅវិញទៅមកក្នុងការរក្សាការតាំងចិត្តទាំងឡាយ ។ អ្នកអាចសួរ ៖

តើការតាំងចិត្តទាំងឡាយរបស់អ្នកមានដំណើរការយ៉ាងម៉េចហើយ ?
ប្រសិនបើអ្នកមិនបានរក្សាការតាំងចិត្តមួយចំនួនទេ តើអ្នកត្រូវការជំនួយដែរទេ ?
តើខ្ញុំអាចជួយអ្នកបានដោយរបៀបណា ?

សកម្មភាព _{(៥ នាទី)}

ជំហានទី ១ ៖ ជ្រើសរើសនរណាម្នាក់នៅក្នុងក្រុមដើម្បីធ្វើជាដៃគូសកម្មភាពរបស់អ្នក ។

អ្នកអាចប្តូរដៃគូបានរាល់សប្តាហ៍ប្រសិនបើអ្នកមានបំណង ។
ជាទូទៅ ដៃគូសកម្មភាពគឺមានភេទដូចគ្នា ហើយពុំមែនជាសមាជិកគ្រួសារទេ ។

ឈ្មោះដៃគូសកម្មភាព

ព័ត៌មានសម្រាប់ទំនាក់ទំនង

ជំហានទី ២ ៖ សរសេរពីរបៀប និងពេលវេលាដែលអ្នកនឹងទាក់ទងគ្នាទៅវិញទៅមក ។

អាទិត្យ	ចន្ទ	អង្គារ	ពុធ	ព្រហស្បត្តិ៍	សុក្រ	សៅរ៍